អគារការិយាល័យលក់ពេជ្រធំបំផុតលើលោក កំពុងរៀបចំបើកដំណើរការហើយ

អគារការិយាល័យលក់ពេជ្រដ៏ធំបំផុតមិនធ្លាប់មាន Surat Diamond Bourse (SDB) នៅភាគពាយព្យនៃប្រទេសឥណ្ឌា បានយកឈ្នះអគារ Pentagon ដែលធំជាងគេអស់រយៈពេល ៨០ ឆ្នាំកន្លងមក ។

អគារនេះត្រូវគេរាយការណ៍ថា ចំណាយអស់ ៣៨៨ លានដុល្លារ ដើម្បីសាងសង់ វាមានផ្ទៃក្រឡា ៧.១ លានម៉ែត្រការ៉េ ជណ្តើរយន្តចំនួន ១៣១ និងអគារ ១៥ ជាន់ចំនួន ៩ ។

មិនត្រឹមតែជាអគារដ៏ប្រណីត ហើយធំជាងគេក្នុងពិភពលោកប៉ុណ្ណោះទេ វាក៏ពោរពេញទៅដោយពេជ្រផងដែរ ព្រោះទីនោះផ្ទុកការិយាល័យពាណិជ្ជករពេជ្រដល់ទៅ ៤៥០០ ឯណោះ ។

ពេជ្រជាង ៩០ ភាគរយទូទាំងពិភពលោកនឹងត្រូវច្នៃនៅ Surat បើយោងតាមរបាយការណ៍ CNN បានឲ្យដឹងថា SBD ជាគោលដៅតែមួយសម្រាប់អ្នកជំនាញខាងពេជ្រជាង ៦៥០០០ នាក់ រួមទាំងអ្នកកាត់ អ្នកប៉ូលា និងពាណិជ្ជករ ។ មិនតែប៉ុណ្ណោះ អគារនេះក៏មានសណ្ឋាគារលំដាប់ផ្កាយប្រាំសម្រាប់ទទួលភ្ញៀវមកពីជុំវិញពិភពលោកទៀតផង ។

អគារ SBD ត្រូវបានរចនាឡើងដោយក្រុមហ៊ុនស្ថាបត្យកម្មឥណ្ឌា Morphogenesis ។ បន្ទាប់ពីការងារសាងសង់រយៈពេល ៤ ឆ្នាំ អគារ SBD នឹងបើកទ្វារជាផ្លូវការចាប់ពីថ្ងៃទី ២១ ខែវិច្ឆិកា ឆ្នាំ ២០២៣ ឆាប់ៗនេះ ៕

ប្រែសម្រួល៖ វារី

ប្រភព៖ dailymail

ចុចអាន៖ ស្ថានីយប្រេងឥន្ធនៈធំបំផុតលើលោក បើកជាផ្លូវការហើយ

ចុចអាន៖ ឥណ្ឌា នឹងជំនួស អាមេរិក ក្លាយជាមហាអំណាចសេដ្ឋកិច្ចពិភពលោក លំដាប់លេខ ២ នៅឆ្នាំ ២០៧៥