KPT+
រាជវង្ស កាតា មានសមាជិក ៨ពាន់នាក់ និងក្ដោបក្ដាប់ទ្រព្យសម្បត្តិលើស ៣០០ពាន់លានដុល្លារ
ក្រោយក្លាយជាម្ចាស់ផ្ទះនៃការប្រកួតបាល់ទាត់ដ៏ធំបំផុតនៅលើពិភពលោក ប្រទេស កាតា ក៏បានក្លាយជាប្រធានបទក្ដៅដែលមនុស្សរាប់លានព្យាយាមតាមដានដោយស្វ័យប្រវត្តិ។ ជាពិសេស បន្ទាប់ពីព័ត៌មានដែលថា កាតា ចំណាយប្រាក់ ២២០ពាន់លានដុល្លារ សម្រាប់រៀបចំការប្រកួត World Cup 2022 គ្រប់គ្នាកាន់តែចង់ដឹងថា តើរាជវង្ស Al Thani នៃប្រទេសមជ្ឈិមបូព៌ាមួយនេះ គឺជាម្ចាស់ទ្រព្យសម្បត្តិមហាសាលប៉ុនណាទៅ។
យោងតាមប្រភពពី The Sun បច្ចុប្បន្ននេះ រាជវង្សានុវង្សនៃប្រទេស កាតា មានសមាជិកសរុប ៨ពាន់នាក់ ខណៈប្រមុខរដ្ឋដែលកាន់អំណាចខ្ពស់បំផុតគឺព្រះចៅ Shekh Tamim bin Hamad Al Thani ដែលមានព្រះជន្ម ៤២វស្សា។ The Sun បានរាយការណ៍ថា ទ្រព្យសម្បត្តិសរុបដែលគ្រួសាររាជវង្ស កាតា កាន់កាប់មានរហូតដល់ ៣៣៥ពាន់លានដុល្លារអាមេរិកឯណោះ ដែលទ្រព្យសម្បត្តិនេះមានច្រើនជាងមហាសេដ្ឋីលេខ១ លោក Elon Mush ទៅទៀត ហើយគ្រាន់តែទ្រព្យសម្បត្តិព្រះចៅ Shekh Tamim តែអង្គឯង មានរហូតដល់ ២ពាន់លានដុល្លារអាមេរិកទៅហើយ។
ប្រភពពី The Sun បានបន្តថា ទ្រព្យសម្បត្តិដែលប៉ាន់ប្រមាណរួមមាន ប្រាក់សុទ្ធ វិមានដ៏អស្ចារ្យក្នុងប្រទេស វីឡាទំនើបនៅទីក្រុងឡុងដ៍ យន្តហោះឯកជនតម្លៃប្រមាណ ៤០០លានដុល្លារ កប៉ាល់ប្រណីត និងរថយន្តទំនើបរាប់រយគ្រឿងដែលមានតម្លៃសរុបប្រមាណ ៦០០លានដុល្លារ។ មិនតែប៉ុណ្ណោះ រាជវង្សនេះ គឺវិនិយោគិនទៅលើអចលនទ្រព្យ ធនាគារ ក្រុមហ៊ុនអាកាសចរណ៍ និងក្រុមហ៊ុនរថយន្តដ៏ធំនៅក្នុងប្រទេសទៀតផង៕
ប្រែសម្រួល៖ សន្យា
ចុចអាន៖ កាតា ហ៊ានចំណាយរាប់រយពាន់លានដុល្លារ ក្រោយក្លាយជាម្ចាស់ផ្ទះ World Cup ឆ្នាំនេះ
-
ព័ត៌មានអន្ដរជាតិ៥ ថ្ងៃ ago
ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?
-
ជីវិតកម្សាន្ដ៣ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៥ ថ្ងៃ ago
ករណីបុករះស្លាប់៤នាក់នៅស្ពានអាកាសឫស្សីកែវ មានម្នាក់ជានិស្សិតពូកែជំនាញស្ថាបត្យកម្ម និងនគរូបនីយវិទ្យា
-
ព័ត៌មានអន្ដរជាតិ៣ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ៥ ថ្ងៃ ago
គម្រោងទឹកស្អាតធំបំផុតចាយទុនជាង ១០០ លានដុល្លារនៅបាក់ខែង គ្រោងចាប់ផ្តើមសាងសង់
-
ព័ត៌មានជាតិ២ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានជាតិ៥ ថ្ងៃ ago
ទឹកស្ទឹងសង្កែខាងក្រោមទំនប់សាលាតាអន រីងគោក ពលរដ្ឋប្រឈមការដឹកជញ្ជូនបើកបរកាណូតមិនបាន
-
ព័ត៌មានជាតិ១ សប្តាហ៍ ago
ក្រុមហ៊ុនឡូជីស្ទីកលំដាប់ពិភពលោក មានកប៉ាល់ដឹកទំនិញជាង៦០០ គ្រោងពង្រីកការវិនិយោគនៅកម្ពុជាបន្ថែម