កីឡា
កាតា ហ៊ានចំណាយរាប់រយពាន់លានដុល្លារ ក្រោយក្លាយជាម្ចាស់ផ្ទះ World Cup ឆ្នាំនេះ
បន្ទាប់ពីក្លាយជាម្ចាស់ផ្ទះនៃការប្រកួតកីឡាលំដាប់ថ្នាក់ពិភពលោក FIFA World Cup 2022 ប្រទេសកាតា (Qatar) បានចំណាយទុនរាប់រយពាន់លានដុល្លារសម្រាប់ការរៀបចំកម្មវិធីថ្ងៃបើកឆាកដំបូង ក៏ដូចជាកែលម្អសេវាកម្មមួយចំនួននៅក្នុងប្រទេស ធ្វើឱ្យកក្រើកពិភពលោកតែម្ដង។
ពិធីបើកការប្រកួតបាល់ទាត់ពិភពលោក FIFA World Cup 2022 បានប្រព្រឹត្តទៅជាផ្លូវការ នៅកីឡដ្ឋាន Al Bayt នាល្ងាចថ្ងៃទី២០ ខែវិច្ឆិកា ដែលកន្លែងនេះមានសមត្ថភាពផ្ទុកមនុស្សបានរហូតដល់ ៦ម៉ឺននាក់ ស្របពេលដែលម្ចាស់ផ្ទះឆ្នាំ២០២២ ហ៊ានចំណាយប្រាកធំបំផុតមិនធ្លាប់មាន នៅក្នុងប្រវត្តិសាស្ត្រ World Cup។
ប្រភពពីទស្សនាវដ្ដី Forbes បានឱ្យដឹងថា ប្រទេសអាស៊ីខាងកើតមួយនេះត្រូវចំណាយយ៉ាងតិច ២២០ពាន់លានដុល្លារអាមេរិក ដើម្បីសាងសង់កីឡដ្ឋានថ្មីចំនួន ៧ អាកាសយានដ្ឋាន ១ កែលម្អហេដ្ឋារចនាសម្ព័ន្ធដឹកជញ្ជូន សណ្ឋាគារ និងព័ត៌មានទូរគមនាគមន៍ ព្រមទាំងសេវាកម្មជាច្រើនទៀត នៅមុនពេលការប្រកួតចាប់ផ្ដើម ក្នុងឆ្នាំ២០២២។ យ៉ាងណាមិញ FIFA បានបញ្ជាក់ថា ចំពោះចំណាយប្រតិបត្តិការនៃការប្រកួត មិនហក់ឡើងដល់ពីររយពាន់លានឡើយ ត្បិតកម្មវិធីត្រូវចាយប្រមាណ ១.៧ពាន់លានដុល្លារប៉ុណ្ណោះ ប៉ុន្ត កាតា បានចំណាយប្រាក់រហូតរាប់រយលានដុល្លារ មិនមែនសម្រាប់តែពិធីបើកមួយមុខនោះទេ ពោលគឺប្រទេសនេះខិតខំកែលម្អហេដ្ឋារចនាសម្ព័ន្ធថ្នាក់ជាតិតាំងពីឆ្នាំ ២០១៧ មកម្ល៉េះ។
បើយោងតាមស្ថិតិរបស់ Sportico Economic Review គេប៉ាន់ស្មានថា កាតា នឹងរកប្រាក់ចំណូលបានមកវិញប្រមាណ ១.៥៦ពាន់លានដុល្លារ ប្រសិនបើប្រទេសនេះទទួលបានទស្សនិកជន ១.៣លាននាក់ សម្រាប់ការទស្សនាការប្រកួតបាល់ទាត់ពិភពលោក។ យ៉ាងណាក្ដីខ្ទង់ចំណាយ និងប្រាក់ចំណេញ មានភាពលម្អៀងគ្នាខ្លាំងបំផុត ព្រោះចំណូលដែលទទួលបានហាក់តិចតួចស្ដួចស្ដើងខ្លាំងណាស់ បើធៀបនឹងទុនដែលបានចាយទៅ។ ទោះជាយ៉ាងណាក៏ដោយ កាតា ហ៊ានចំណាយខ្ពស់ដល់ថ្នាក់នេះ ព្រោះខ្លួនរំពឹង ការក្លាយជាម្ចាស់ផ្ទះនៃការប្រកួត FIFA World Cup 2022 គឺជាការលើកមុខមាត់ជាតិ ជួយទាក់ទាញការវិនិយោគ និងភ្ញៀវទេសចរណ៍នៅជុំវិញពិភពលោក៕
ប្រែសម្រួល៖ សន្យា
ប្រភព៖ Forbes
ចុចអាន៖ ដឹងទេ បាល់សម្រាប់ព្រឹត្តិការណ៍ World Cup នៅកាតា មានទម្ងន់ និងតម្លៃប៉ុន្មាន?
ចុចអាន៖ ដឹងទេ បុគ្គល ២ រូប បង្ហាញវត្តមានក្នុងពិធីបើក World Cup យប់មិញ ជានរណា?
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ