ព័ត៌មានអន្ដរជាតិ
ត្រាំ បញ្ជាក់ថា ចាប់ពីពេលនេះ ការវាយប្រហារលើកាតា ប្រៀបដូចវាយប្រហារលើអាមេរិកអ៊ីចឹងដែរ
ប្រធានាធិបតីអាមេរិក លោក ដូណាល់ ត្រាំ បានបញ្ជាឲ្យយោធាអាមេរិក ចាត់ទុកការវាយប្រហារណាមួយ ប្រឆាំងនឹងប្រទេសកាតាថាជាការគំរាមកំហែងដល់សន្តិភាព និងសន្តិសុខរបស់អាមេរិក ដោយបានសន្យាថានឹងចាត់វិធានការ«តាមច្បាប់ និងសមស្របទាំងអស់» ដើម្បីការពាររដ្ឋឈូងសមុទ្រមួយនេះ។
បទបញ្ជាប្រតិបត្តិដែលបានចុះហត្ថលេខាកាលពីថ្ងៃចន្ទ និងបានប្រកាសកាលពីថ្ងៃពុធ ចែងថា សហរដ្ឋអាមេរិកអាចឆ្លើយតបដោយការទូត សេដ្ឋកិច្ច ឬប្រសិនបើចាំបាច់ សកម្មភាពយោធា ដើម្បីការពារកាតា និងស្ដារស្ថិរភាពក្នុងតំបន់។
ការប្រកាសកាលពីថ្ងៃទី១ខែតុលានេះ ធ្វើឡើងស្របពេលដំណើរទស្សនកិច្ចរបស់នាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ ទៅកាន់សេតវិមាន។ ក្នុងដំណើរនោះ លោក ណេតាន់យ៉ាហ៊ូ បានហៅទូរសព្ទទៅកាន់នាយករដ្ឋមន្ត្រីកាតា Mohammed bin Abdulrahman bin Jassim al-Thani ដើម្បីសុំទោសចំពោះការវាយប្រហារដោយមីស៊ីលរបស់អ៊ីស្រាអែលនៅទីក្រុងដូហា កាលពីខែមុន ដែលបានសម្លាប់មនុស្ស ៦នាក់ រួមទាំងសមាជិកនៃកងកម្លាំងសន្តិសុខផ្ទៃក្នុងរបស់ប្រទេសកាតាផងដែរ។ ការវាយប្រហារនេះ បានកំណត់គោលដៅមេដឹកនាំក្រុមហាម៉ាសដែលត្រូវបានគេរាយការណ៍ថាជួបប្រជុំគ្នាក្នុងរដ្ឋធានីកាតា។
សេតវិមាន បានប្រកាសថា «ជាជំហានដំបូង នាយករដ្ឋមន្ត្រី ណេតាន់យ៉ាហ៊ូ បានសម្តែងការសោកស្ដាយយ៉ាងខ្លាំង ដែលការវាយប្រហារដោយមីស៊ីលរបស់អ៊ីស្រាអែលប្រឆាំងនឹងគោលដៅរបស់ក្រុមហាម៉ាស ក្នុងប្រទេសកាតា ដោយអចេតនាបានសម្លាប់ទាហានកាតាម្នាក់។ អ៊ីស្រាអែលក៏បានសន្យាមិនធ្វើការវាយប្រហារបែបនេះទៀតទេ»។
កាតាមានមូលដ្ឋានទ័ពធំបំផុតរបស់អាមេរិកនៅមជ្ឈិមបូព៌ា។ មូលដ្ឋានទ័ពអាកាស Al Udeid ជាកន្លែងទាហានអាមេរិករាប់ម៉ឺននាក់ឈរជើង។ ប្រទេសនេះ ក៏បានដើរតួនាទីយ៉ាងសំខាន់ ក្នុងការសម្របសម្រួលកិច្ចខិតខំប្រឹងប្រែង ដើម្បីបញ្ចប់សង្គ្រាមរបស់អ៊ីស្រាអែលនៅតំបន់ហ្គាហ្សាផងដែរ៕
ដោយ៖ ឈាង
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៨ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ