ចង់ធ្វើជាមិត្តស្រីស៊ីឈ្នួលនៅជប៉ុន ត្រូវគោរពតាមលក្ខខណ្ឌទាំងនេះសិន

នៅប្រទេសជប៉ុនមានសេវាកម្មមួយហៅថា “Rent Kano ” ដែលអ្នកអាចជួលមិត្តស្រីបានក្នុងតម្លៃខ្ពស់ដើម្បីនាំទៅដើរលេង កំដរចិត្ត ញ៉ាំបាយជាមួយគ្នា ឬធ្វើសកម្មភាពផ្សេងៗដូចជាមិត្តស្រីពិត ។ ក្រុមហ៊ុនមួយក្នុងចំណោមក្រុមហ៊ុនជាច្រើនដែលមានសេវាកម្មជួលមិត្តស្រីបានបង្ហាញនូវបម្រាមសម្រាប់នារីជាបុគ្គលិកដូចខាងក្រោម ៖

• នារីមានមិត្តប្រុស (ត្រូវមានការអនុញ្ញាតពីដៃគូ, ឬព្រមបែកគ្នាបើសិនខាងប្រុសដឹង)
• ក្មេងស្រីមិនគ្រប់អាយុ
• ក្មេងស្រីអាយុក្រោម ២០ ឆ្នាំ (ត្រូវការក្រដាសស្នាមយល់ព្រមពីឪពុកម្ដាយដាច់ខាត)
• សម្រស់មិនស្អាត
• នារីដែលមានបំណងធ្វើការតិចជាង ៦ ខែ
• នារីពុតធ្មេញ
• នារីមុខមានមុន
• នារីទន់ខ្សោយពេក
• នារីដែលមិនមានប្រជាប្រិយជាមួយបុរស
• នារីគួរឲ្យសង្ស័យ
• នារីត្រូវការលុយខ្លាំង
• នារីអៀនច្រើន
• នារីមិនចេះធ្វើខ្លួន
• នារីមិនចេះស្លៀកពាក់
• នារីមានសម្បុរខ្មៅ
• នារីមានរាងធាត់
• នារីដែលឆ្លើយតបសារយឺត
• នារីដែលរវល់រៀន ឬធ្វើការ
• ស្ត្រីមានកូន (លើកលែងយកកូនទៅផ្ញើកន្លែងផ្សេង)
• នារីមានវិបត្តិផ្លូវចិត្ត
• នារីមានសុខភាពមិនល្អ ។

ចំណែកតម្លៃវិញគេចែកជា ៣ ប្រភេទគឺ កម្រិតទាប ( ពីរម៉ោងប្រហែល ៧៤ ដុល្លារ), កម្រិតធម្មតា (ពីរម៉ោងប្រហែល ៩០ ដុល្លារ) និងព្រីមៀរថ្លៃជាងគេបំផុត ប៉ុន្តែចំណីអាហារឬថ្លៃផ្សេងៗមិនត្រូវបានបូកបញ្ចូលនោះទេ ៕

ប្រែសម្រួល ៖ វារី

ប្រភព ៖ otakomu

ចុចអាន ៖ ផលិតផលប្លែកៗ ១២ យ៉ាង របស់ប្រទេស ជប៉ុន មិនគិតថាមានពិត