KPT+

មានសញ្ញា ៣ នេះ ច្បាស់ហើយលេខទូរសព្ទរបស់អ្នក ត្រូវបានគេប្លុក

បានផុស

៥ years មុន

នៅ

ថ្ងៃអង្គារ ៩ កុម្ភៈ ២០២១

ដោយ

សាង ស្រីល័ក្ខ

មានតម្រុយ ៣ យ៉ាង ដែលអ្នកអាចកត់សម្គាល់ថា លេខទូរសព្ទរបស់អ្នកត្រូវបានបិទពីលេខម្ខាងទៀត។

#១ ទទួលសារខុសពីធម្មតានៅពេលហៅទូរសព្ទ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈហៅទូរសព្ទទៅម្ខាងទៀត ហើយទទួលបានសារសម្លេងតបពីក្រុមហ៊ុន ៣ នេះ នោះបញ្ជាក់ថា លេខអ្នកបានបិទ៖

-លេខដែលលោកអ្នកកំពុងហៅ មិនដំណើរការទេ នៅពេលនេះ។

-លេខដែលលោកអ្នកកំពុងហៅ មិនអាចទទួលការហៅចូលទេ នៅពេលនេះ។

-លេខដែលលោកអ្នកកំពុងហៅ កំពុងនៅក្រៅតំបន់សេវា។

ប្រសិនបើអ្នកទូរសព្ទម្តងហើយម្ដងទៀតក្នុងមួយថ្ងៃ ឬពីរឬបីថ្ងៃជាប់គ្នា ប៉ុន្តែទទួលបានសារដដែលៗបែបនេះ នោះបង្ហាញថា លេខទូរសព្ទរបស់អ្នកត្រូវបានគេបិទបាត់ហើយ។

#២ សំឡេងរោទ៍

ប្រសិនបើអ្នកហៅទូរសព្ទទៅគេ ហើយមិនបានឮសំឡេងរោទ៍(សំឡេងហៅចូល) ទាល់តែសោះ វាជាសញ្ញាថា បុគ្គលម្ខាងទៀតបានប្រើមុខងារបិទលេខនៅលើទូរសព្ទរបស់ពួកគេ។ យ៉ាងណាមិញ ប្រសិនបើអ្នកឮសំឡេងរោទ៍ពី ៣-៥ ដងពេលកំពុងហៅទូរសព្ទទៅ នោះប្រហែលជាលេខមិនទាន់បានបិទនៅឡើយទេ។

ករណីលើកលែង៖ ប្រសិនបើមនុស្សដែលអ្នកកំពុងហៅមានមុខងារ “កុំរំខានការហៅ”(Do Not Disturb )នៅលើទូរសព្ទ គេអាចប្រើមុខងារនេះ ហើយពេលនោះ អ្នកនឹងទទួលបានសារទៅជាសំឡេងមកវិញយ៉ាងឆាប់រហ័ស។ ជួនកាលទូរសព្ទអាចអស់ថ្ម ឬខូចជាដើមដែលធ្វើឲ្យអ្នកហៅមិនចូល ដូច្នេះត្រូវរង់ចាំមើលពីរបីថ្ងៃសិន។

#៣ ទទួលបានសញ្ញារវល់លឿនពេក រួចក៏ដាច់ការហៅ

Mockup image of a hand holding white mobile phone with blank black desktop screen with blur background

ប្រសិនបើទទួលបានសញ្ញារវល់លឿនពេក (លេខដែលលោកអ្នក កំពុងហៅ កំពុងជាប់រវល់) រួចលេខរបស់អ្នកក៏ត្រូវបានដាច់ភ្លាមៗ វាបានន័យថា គេបិទលេខរបស់អ្នកតាមរយៈក្រុមហ៊ុន។ បើសាកល្បងហៅពីរបីថ្ងៃជាប់គ្នា លទ្ធផលនៅតែដដែល វាជាភស្តុតាងប្រាប់ថា លេខរបស់បានបិទហើយ៕

ប្រែសម្រួល៖ សន្យា

ប្រភព៖ Lifewire

ចុចអាន៖ស្គាល់ទឹកជ្រលក់ល្បីៗ ១០ ប្រភេទនេះទេ! ជម្រើសពេញនិយមមកពីជុំវិញពិភពលោក

ចុចអាន៖តើជំនាញអ្វីខ្លះ ដែលអាចផ្ទេរដល់គ្នាបានដោយមិនបាច់ទៅសាលារៀន?

Related Topics:លេខទូរសព្ទ