ព័ត៌មានជាតិ

ឃាត់ខ្លួនអ្នកលេងភ្នាល់ទឹកភ្លៀង១៣នាក់ដែលប្រមូលផ្ដុំគ្នាបញ្ជូនទៅតុលាការចាត់ការតាមផ្លូវច្បាប់

បានផុស

៤ years មុន

នៅ

ថ្ងៃអង្គារ ២០ មេសា ២០២១

ដោយ

ក្រុមនាក់លេងល្បែងភ្នាល់ទឹកភ្លៀងចំនួន១៣នាក់ ដែលប្រមូលផ្ដុំគ្នាមិនគោរពតាមការណែនាំរបស់អាជ្ញាធរ ត្រូវបានកម្លាំងសមត្ថកិច្ចចុះបង្ក្រាប និងឃាត់ខ្លួនបញ្ជូនទៅតុលាការដើម្បីបន្តនិតិវិធីតាមផ្លូវច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានចាត់តាំងឱ្យកងកម្លាំងនគរបាលនៃស្នងការដ្ឋាន ចូលរួមចុះអនុវត្តឃាត់ខ្លួន និងនាំខ្លួនអ្នកប្រព្រឹត្តិល្បែងភ្នាល់ទឹកភ្លៀងដោយមានការប្រមូលផ្តុំនៅចំណុចទីវាល ស្ថិតក្នុងភូមិចម្ការសំរោង២ សង្កាត់ចម្ការសំរោង ក្រុងបាត់ដំបង បានចំនួន១៣នាក់ ប្រុស១២នាក់ស្ត្រី១នាក់ កាលពីរសៀលថ្ងៃទី១៩ ខែមេសា ឆ្នាំ២០២១។

ប្រភពបន្តថា ការឃាត់ខ្លួនអ្នកប្រមូលផ្តុំមើលមេឃភ្នាល់ទឹកភ្លៀងទាំង១៣នាក់ខាងលើនេះ ក៏បានដកហូតសម្ភារៈមួយចំនួនរួមមាន រថយន្តចំនួន០៤គ្រឿង,ម៉ូតូចំនួន១០គ្រឿង,វិទ្យុទាក់ទងចំនួន០៣គ្រឿង។

ក្រោយឃាត់ខ្លួនបច្ចុប្បន្នសមត្ថកិច្ចនគរបាលកំពុងធ្វើការសាកសួរ និងរៀបចំសំណុំរឿងបញ្ជូនទៅកាន់តុលាការដើម្បីចាត់ការទៅតាមផ្លូវច្បាប់៕

អត្ថបទ ៖ សៅ សារិទ្ធ