ព័ត៌មានជាតិ
គណៈកម្មការវត្តសារាវ័ន្តតេជោ សុំមហាជន ពុទ្ធបរិស័ទកុំយល់ច្រឡំទៀត
អាជ្ញាធរខណ្ឌដូនពេញបានឲ្យដឹងថា ចំនួនអ្នកឆ្លងកូវីដ១៩នៅវត្តសារាវ័ន្តតេជោ ដែលមានទីតាំងនៅផ្លូវលេខ១៩ក្នុងសង្កាត់ជ័យជំនះ ខណ្ឌដូនពេញ មានចំនួន៣២អង្គ/នាក់។
គណៈកម្មការវត្តសារាវ័ន្តតេជោ កាលពីថ្ងៃទី២៥ខែឧសភាឆ្នាំ២០២១ នេះ ក៏បានប្រគេនដំណឹង និងជូនដំណឹងដល់ព្រះករុណាគ្រប់ព្រះអង្គ ព្រមទាំងញាតិញោមពុទ្ធបរិស័ទនៅក្នុង និងក្រៅប្រទេស សូមកុំមានការយល់ច្រឡំ ឬមានព័ត៌មានដែលមិនច្បាស់លាស់ពីស្ថានភាពវត្តសារាវ័នតេជោ។
ក្នុងពេលបច្ចុប្បន្នដែលកំពុងតែមានការឆ្លងជំងឺកូវីដ-១៩ គណៈកម្មការវត្តបញ្ជាក់ថា ព្រះសង្ឃ សិស្ស-និស្សិត តាជី-យាយជី សរុបមានចំនួន ៣៥១អង្គ/នាក់ ដែលពិនិត្យសំណាកទាំងអស់ បានរកឃេីញអ្នកវិជ្ជមានចំនួន ៣២អង្គ/នាក់ក្នុងនោះ ព្រះសង្ឃមានចំនួន ១៧អង្គ សិស្ស-និស្សិតមានចំនួន ១១នាក់ យាយជីមានចំនួន ៤នាក់ អ្នកមានវិជ្ជមានទាំងអស់ បានយកទៅព្យាបាលអស់ហេីយ។ ចំណែកស្ថានភាពក្នុងវត្តវិញ មិនមានការឆ្លងបន្តទៀតទេនៅពេលនេះ។
វត្តសារាវ័ន្តតេជោ ជាវត្តចំណាស់មួយមានអាយុកាលជាង ៤០០ ឆ្នាំ បានផ្ទុះការរាលដាលកូវីដ ១៩ ពាក់ព័ន្ធដល់ព្រះសង្ឃ សិស្សនិស្សិតដែលគង់និងស្នាក់នៅ។ ក្រោយមានអ្នកឆ្លងបន្តបន្ទាប់ ក្រុមគ្រូពេទ្យបានធ្វើតេស្តសំណាកដល់ព្រះសង្ឃ និងអ្នកនៅក្នុងវត្តទាំងអស់។
អនុគណៈកម្មការស្រាវជ្រាវកូវីដ ១៩ បានអំពាវសូមអំពាវនាវដល់ប្រជាពលរដ្ឋ ព្រះសង្ឃ សិស្សនិស្សិត ដែលបានទៅវត្តសារាវ័នតេជោ ជាពិសេសបានចេញចូលជាញឹកញាប់ សូមតាមដានសុខភាពនិងបើសង្ស័យ ត្រូវប្រញាប់ទៅធ្វើតេស្តជាបន្ទាន់៕
អត្ថបទ៖ រស្មី
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)