វប្បធម៌ ជំនឿ
កម្ពុជាមានអារាមពុទ្ធសាសនាជាង ៥ ពាន់វត្ត ខណៈសាសនាដទៃ មានជាង ៣ ៦០០ កន្លែង
នៅក្នុងសន្និបាតបូកសរុបលទ្ធផលការងារ ប្រចាំឆ្នាំ២០២២ និងលើកទិសដៅ អនុវត្តការងារបន្ត ឆ្នាំ២០២៣ នៃក្រសួងធម្មការ និងសាសនា នៅថ្ងៃទី១៨ ខែមករានេះ លោក រស់ វណ្ណី អគ្គនាយករដ្ឋបាល និងហិររញ្ញវត្ថុនៃ ក្រសួងធម្មការ និងសាសនា មានប្រសាសន៍ថា បច្ចុប្បន្នកម្ពុជាមានវត្តអារាមចំនួនជាង ៥០០០ វត្ត ក្នុងនោះគណៈមហានិកាយ ចំនួនជាង ៤ ៨០០វត្ត និងគណៈធម្មយុត្តិចំនួន ២៦១វត្ត, ព្រះសង្ឃជាង ៧ ម៉ឺនអង្គ, អាស្រមចំនួនជាង ១០០, មណ្ឌលវិបស្សនា ចំនួន ២៤។
លោក រស់ វណ្ណី មានប្រសាសន៍បន្តថា ជាមួយគ្នានេះ អុិស្លាមសាសនា មានវិហារ/ស៊ូរ៉ាវ ជាង ១ ៤០០ កន្លែង, សាសនាគ្រិស្ដ មានវិហារ/ស្នាក់ការជាង ២ ០០០ កន្លែង, ពុទ្ធសាសនាមហាយាន មានវត្ត/វិហារ/ស្នាក់ការ ជាង ២០០ក ន្លែង, សាសនាបាហៃមានវិហារ/ស្នាក់ការ ចំនួន ២៦ កន្លែង, សាសនាកៅដាយ និងសាសនាផ្សេងៗ មានវត្ត/ស្នាក់ការ ៣ កន្លែង។
នៅក្នុងឱកាសនោះ លោក ឈិត សុខុន រដ្ឋមន្ត្រី ក្រសួងធម្មការ និងសាសនា បានជំរុញទៅគ្រប់អ្នកពាក់ព័ន្ធទាំងអស់ ខិតខំយកចិត្តទុកដាក់ឱ្យបានខ្ពស់បំផុត ក្នុងការលើកស្ទួយវិស័យសាសនា ប្រពៃណីទំនៀមទម្លាប់របស់ជាតិ នៅតាមរយៈសកម្មភាពផ្សេងៗ។
លោក ឈិត សុខុន មានប្រសាសន៍ថា ឆ្នាំ២០២២កន្លងទៅនេះ ថ្នាក់ដឹកនាំក្រសួង និងមន្រ្តីរាជការ ទាំងអស់ បានបំពេញការងាររបស់ខ្លួន ដោយឈរលើស្មារតីទទួលខុសត្រូវខ្ពស់ និងការងារ គ្រប់គ្រងសាសនា កាន់តែមានប្រសិទ្ធភាព តាមរយៈការពង្រឹងការងារអភិបាលកិច្ចជាប្រចាំក្នុងព្រះពុទ្ធសាសនា និងពាហិរសាសនា (សាសនាដទៃ)។
លោករដ្ឋមន្រ្តីបានបន្តថា ស្របតាមគោលនយោបាយរបស់រាជរដ្ឋាភិបាល ក្រសួងបានដាក់ចេញនូវផែនការយុទ្ធសាស្រ្ត មួយចំនួនសម្រាប់អនុវត្តនៅឆ្នាំបន្ទាប់ ដោយផ្តោតសំខាន់ទៅលើការគោរពសេរីភាពខាងជំនឿ និងសាសនា ការលើកស្ទួយព្រះពុទ្ធសាសនា ដែលជាសាសនារបស់រដ្ឋ ដើម្បីឆ្លើយតបទៅនឹងគោលនយោបាយរបស់រាជរដ្ឋាភិបាលដែលបានយកចិត្តទុកដាក់យ៉ាងខ្លាំង ក្នុងការអភិវឌ្ឍ និងលើកស្ទួយទាំងវិស័យអាណាចក្រ និងពុទ្ធចក្រ ដែលបញ្ហានេះភាគីទាំអស់ត្រូវខិតខំបន្ថែមទៀត និងយកចិត្តទុកដាក់ខ្ពស់ក្នុង ការលើកស្ទួយវិស័យសាសនា ប្រពៃណីទំនៀមទម្លាប់របស់ជាតិ តាមរយៈសកម្មភាពនានា៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង