Connect with us

ព័ត៌មានជាតិ

សិស្សនិស្សិតក្មេងកំព្រា និងជនគ្មានទីពឹងជាង ១ ម៉ឺននាក់ កំពុងស្នាក់នៅតាមវត្តអារាមនានាទូទាំងប្រទេស

បានផុស

នៅ

បច្ចុប្បន្ននេះ មានសិស្សនិស្សិតជនគ្មានទីពឹង និងក្មេងកំព្រាប្រមាណជាង ១ ម៉ឺននាក់ កំពុងស្នាក់នៅ និងបន្តការសិក្សារៀនសូត្រតាមវត្តអារាមនានាទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​សន្និសីទ​សារព័ត៌មាន​ស្តីពី «​សមិទ្ធផល សម្រេចបាន​រយៈពេល ៥​ ឆ្នាំកន្លងមក​របស់​ធ​ម្មការ និង​សាសនា​» កាលពី​ថ្ងៃទី ​២៩ ខែកញ្ញា ឆ្នាំ​ ២០២២ នៅ​ទីស្តីការគណៈរដ្ឋមន្ត្រី​លោក សេង សុ​មុនី​រដ្ឋលេខាធិការ​ក្រសួង​ធម្មការ ​និង​សាសនា​បាន​មានប្រសាសន៍ថា​ ក្នុងចំណោម​សិស្ស​និស្សិត​ក្មេង​កំព្រា​ និង​ជន​គ្មាន​ទីពឹង​ជាង​ ១ ​ម៉ឺន​នាក់ ​កំពុងស្នាក់នៅ​តាម​វត្ត​អារាម​ទូទាំងប្រទេស ​ក្នុងនោះ​មាន​សិស្ស​និស្សិត​ចំនួន​ ៧,៧៨៥ ​នាក់​, ក្មេង​កំព្រា​ចំនួន​ ២,២០១​ នាក់ ​និង​ជន​គ្មាន​ទីពឹង​ស្នាក់​ចំនួន​ ៥៨៨​ នាក់​។​ ​លោក​បាន​បន្តថា​ចំណែក​អាចារ្យ អាចារិនី​មាន​ចំនួន ​១៥,១២៤​ នាក់​, តាជី ៩,៩៥៣​ នាក់​,​ដូនជី​៣,០៦៣​ នាក់​, គណកម្មការ​វត្ត​ ៣៧,០០០ ​នាក់​។

​លោក​បាន​ឱ្យដឹងទៀតថា ​បច្ចុប្បន្ន​នៅ​ទូទាំងប្រទេស​មាន​វត្ត​អារាម​ចំនួន​ ៥,១០៤ ​វត្ត មាន​ព្រះសង្ឃ​សរុប ចំនួន ​៧០,៩០៥​ អង្គ​ ក្នុងនោះ​វត្ត​ផ្នែក​គណៈមហានិកាយ​ចំនួន ​៤,៨៤៣ ​វត្ត មាន​ព្រះសង្ឃ​ចំនួន​ ៦៨,៤៧៦ ​អង្គ ​និង​ផ្នែកគណៈ​ធម្មយុត្តិ​ចំនួន​ ២៦១​ វត្ត​ ដោយមាន​ព្រះសង្ឃ​ចំនួន​ ២,៤២៩ ​អង្គ ។ លោក​បាន​បន្តទៀតថា​ ក្នុងនោះ​ព្រះសង្ឃ​ទាំងពីរ​គណៈ ដែល​បាន​ចាក់​វ៉ាក់សាំង​ការពារ​ជំងឺ​កូ​វីដ​-១៩ ចំនួន ​៦៤,៨៦៤​ អង្គ ស្មើនឹង​ចំនួន​ ៩៣%​។​ ព្រះសង្ឃ​ដែល​បាន​ឆ្លង​ជំងឺ​កូ​វីដ​-១៩​ ចំនួន​ ១,២៤៥​ អង្គ ជាសះស្បើយ​ចំនួន ១,២៣៣ ​អង្គ ក្នុងនោះ​អនិច្ចធម្ម ចំនួន ១៦​អង្គ​។

​លោក​បាន​បន្ថែមទៀតថា​ជាមួយគ្នានេះដែរ​មាន​អាស្រម ចំនួន ១៤៤, មណ្ឌល​វិបស្សនា ចំនួន ១៤៤​ កន្លែង​វិហារ​ឥស្លាម​មាន​ចំនួន ៥៧៦ ​កន្លែង​, ស៊ូ​រ៉ាវ ចំនួន ៧៩៧​ កន្លែង​, សាលា ចំនួន ៥៥៧ ​កន្លែង​, អង្គការ​សមាគម ចំនួន ២៤ ​កន្លែង សាសនិក​ខ្មែរឥស្លាម​សរុប​រួម ចំនួន ៦៩៤,៦៧៥​ នាក់ ក្នុងនោះ​ប្រុស ចំនួន ២៩៦,៣៩៥ ​នាក់​, ស្ត្រី ចំនួន ៣៩៨,២៨០​ នាក់​។ ​សាសនា​គ្រិស្ត មាន​វិហារ​ចំនួន ៧២៦​ កន្លែង​, ស្នាក់ការ​ថ្វាយបង្គំ ចំនួន ១,៤៣៩ ​កន្លែង​, សាលា ចំនួន ១,០១៣ ​កន្លែង​, អង្គការ​សមាគម ចំនួន ១១៧ ​កន្លែង មាន​បរិស័ទ ចំនួន ១១៥,១២៣​ នាក់ ប្រុស ចំនួន ១១,០០០​នាក់ ស្ត្រី ចំនួន ៦៤,១២៣ ​នាក់​។​ មហាយាន​កន្លែង​គោរព​ប្រតិបត្តិ​ចំនួន ២៦៩​ កន្លែង បរិស័ទ​រួម ចំនួន ៣៦,៧២៨​ នាក់​ប្រុស ចំនួន ៣៦,៧២៨ ​នាក់ ស្ត្រី ចំនួន ១៦,៤៨០ ​នាក់​៕

អត្ថបទ៖ ​សំអឿន​

​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៤៦ នាទី មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ១ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ២ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ២ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ២ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម