ព័ត៌មានជាតិ
ប្រជាពលរដ្ឋខ្វះខាត៤២៦គ្រួសារ រស់នៅឃុំត្រពាំងសាប ទទួលអំណោយពីអភិបាលខេត្តតាកែវ
លោក សួង ចាន់ថន មេធាវីរាជរដ្ឋាភិបាលកម្ពុជា បាននាំយកអំណោយរបស់ឯកឧត្តម អ៊ូច ភា អភិបាលនៃគណៈអភិបាលខេត្តតាកែវ សម្រាប់ផ្ដល់ជូនពលរដ្ឋដែលមានជីវភាពខ្វះខាតសរុប៤២៦ គ្រួសារ រស់នៅភូមិពូនភ្នំ ឃុំត្រពាំងសាប ស្រុកបាទី ខេត្តតាកែវ ដោយមានការចូលរួមពីលោក គឹម សុខ សមាជិកក្រុមប្រឹក្សាស្រុកបាទី លោក ពេជ ឌឿង សមាជិកក្រុមប្រឹក្សាស្រុក លោក តែ ឆុន អធិការរងនគរបាលស្រុក លោក ពេជ សារ៉ា មេឃុំត្រពាំងសាប លោក លោកស្រីក្រុមប្រឹក្សាឃុំ អ្នកស្រី គឹម សោភ័ណ្ឌ ស្មៀនឃុំ លោក ប៉ែន ង៉ែត មេភូមិពូនភ្នំ ព្រមទាំង លោក អាំ សាម៉ៃ រងភូមិ ផងដែរ កាលពីរសៀលថ្ងៃ អង្គារ ៦រោច ខែជេស្ឋ ឆ្នាំឆ្លូវ ត្រីស័ក ពុទ្ធសករាជ២៥៦៥ ត្រូវនឹងថ្ងៃទី១ ខែ មិថុនា ឆ្នាំ២០២១ ។
លោក សួង ចាន់ថន មេធាវីរាជរដ្ឋាភិបាលកម្ពុជា បានលើកឡើងថា ដើម្បីចូលរួមទប់ស្កាត់ និងប្រយុទ្ធប្រឆាំងជំងឺកូវីដ-១៩ សូមបងប្អូនប្រជាពលរដ្ឋទាំងអស់ ត្រូវអនុវត្តឱ្យបានត្រឹមត្រូវ តាមការណែនាំរបស់ក្រសួងសុខាភិបាល និងត្រូវថែរក្សាសុខភាព និងការរស់នៅ ឱ្យមានអនាម័យ ឧស្សាហ៍លាងដៃនិងសាប៊ូ អាល់កុល និងពាក់ម៉ាស់ឲ្យបានត្រឹមត្រូវគ្រប់ៗគ្នា ពេលចេញទៅក្រៅផ្ទះ មិនត្រូវជួបជុំគ្នាច្រើន ជាពិសេសមិនត្រូវនាំគ្នាផឹកស៊ី ដែលនាំឱ្យមានការឆ្លងរីករាលដាលនៃជំងឺកូវីដ-១៩ នៅក្នុងសហគមន៍របស់យើងនោះទេ។
លោក សួង ចាន់ថន បន្តទៀតថា អត្រាអ្នកឆ្លងជំងឺកូវីដ-១៩ មានការកើនឡើង យ៉ាងខ្លាំងពីមួយថ្ងៃទៅមួយថ្ងៃ ហើយចំនួនអ្នកស្លាប់ក៏មានការកើនឡើងផងដែរ ដូច្នេះសូមបងប្អូនប្រជាពលរដ្ឋ ត្រូវបង្កើនការយកចិត្តទុកដាក់ ឲ្យបានខ្ពស់ អំពីបញ្ហានេះ ជៀសវាង ការអនុវត្តផ្ទុយពីការណែនាំរបស់អាជ្ញាធរនៅក្នុងមូលដ្ឋាន និងក្រសួងសុខាភិបាលជាពិសេស គឺត្រូវប្រកាន់ខ្ជាប់នូវ វិធានការ ៣ការពារ និង ៣កុំ របស់ប្រមុខរាជរដ្ឋាភិបាលកម្ពុជា។
សូមបញ្ជាក់ថា អំណោយដែលត្រូវផ្ដល់ជូន ដល់បងប្អូនប្រជាពលរដ្ឋសរុប៤២៦ គ្រួសារ រស់នៅភូមិពូនភ្នំ ឃុំត្រពាំងសាប ស្រុកបាទី ខេត្តតាកែវ ដោយក្នុងមួយគ្រួសារៗទទួលបាន: អង្ករ ២០ គីឡូក្រាម មី ០១ កេស ទឹកសុទ្ធ ០១ កេស ត្រីខ ០១ យួរ ទឹកត្រី ០១ យួរ ម៉ាស់ ០១ ប្រអប់ និងសាប៊ូ ០២ ដុំ ៕
អត្ថបទ ៖ រ៉ាវុទ្ធ
-
ព័ត៌មានអន្ដរជាតិ១១ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា