ព័ត៌មានជាតិ
កម្ពុជាចំណេញទាំំងលុយ ពេលវេលា ក្រោយរោងចក្រផលិតប៉េតុងកៅស៊ូដំបូង លេចរូបរាងនៅខេត្តកំពត
ខេត្តកំពត នឹងមានរោងចក្រផលិតបេតុងកៅស៊ូ (ASPHALT CONCRETE PLANT) លើកដំបូង សម្រាប់គាំទ្រក្នុងការលើកកម្ពស់ការស្តារហេដ្ឋារចនាសម្ព័ន្ធផ្លូវថ្នល់ទូទាំងប្រទេសកម្ពុជា។
ក្រសួងសាធារណៈការនិងដឹកជញ្ជូន កំពុងតែដំឡើងរោងចក្រផលិតបេតុងកៅស៊ូ ដែលមានទីតាំងនៅស្រុកកំពង់ត្រាច ខេត្តកំពត ដែលនឹងរួចរាល់ក្នុងឆ្នាំ២០២១ នេះ។
ក្នុងដំណើរទស្សនកិច្ចរោងចក្រផលិតបេតុងកៅស៊ូ ស្ថិតនៅភូមិកណ្តាលទួល ឃុំកំពង់ត្រាច ស្រុកកំពង់ត្រាច ខេត្តកំពតកាលពីម្សិលមិញនេះ ឯកឧត្ដមទេសរដ្ឋមន្ត្រីស៊ុន ចាន់ថុល បានឲ្យដឹងថា សមត្ថភាពរោងចក្រនេះ អាចផលិតបេតុងកៅស៊ូបាន ១២០តោនក្នុងមួយម៉ោង។
លោកថា ក្រសួងបានបញ្ជាទិញសម្ភារៈតម្លៃជាង ១ លានដុល្លារ ដើម្បីយកមករៀបចំផ្គត់ផ្គង់ខ្សែសង្វាក់ក្នុងរោងចក្រ ដែលពេលនេះអ្នកជំនាញការកំពុងរៀបចំដំឡើង នឹងរួចរាល់នៅឆ្នាំនេះ។
“យើងមិនដែលមានរោងចក្រផលិតបេតុងកៅស៊ូខ្លួនឯងទេពីមុនមក យើងបានស្នើក្រុមហ៊ុនសៀងហៃ ផ្តល់ថវិកាទិញសម្ភារៈ ដើម្បីយកមកដំឡើងរោងចក្រផលិតបេតុងកៅស៊ូនេះ ដើម្បីបម្រើការថែទាំងលើកកម្ពស់ផ្លូវជាតិរបស់យើង”។
ឯកឧត្តមលើកឡើងបន្តថា ពេលមានរោងចក្រផលិតបេតុងកៅស៊ូដោយខ្លួនឯង យើងអាចគ្រប់គ្រងគុណភាព ម្ចាស់ការលើប្រើប្រាស់ មិនបាច់នាំចូលពីក្រៅទៀតទេ។ គុណប្រយោជន៍គឺជួយដល់ការងារជួសជុលថែទាំ សាងសង់ផ្លូវថ្នល់ឱ្យមានគុណភាព ប្រើប្រាស់បានយូរអង្វែង និងចំណេញថវិកាជាតិ។
លោកបញ្ជាក់ថា ក្រោយរោងចក្រនេះដំណើរការ ផ្លូវជាតិទូទាំំងប្រទេសនឹងប្រែក្លាយពី DBST ទៅជាកៅស៊ូ AC ដែលផ្តល់តម្លៃសេដ្ឋកិច្ចក្នុងការដឹកជញ្ជូន កាត់បន្ថយលុយជាតិក្នុងការថែទាំ និងធានាការប្រើប្រាស់បានយូរឆ្នាំ។
ដោយសារវត្ថុធាតុដើមកម្ពុជាមានខ្លួនឯងដូចជា ថ្ម ខ្សាច់មាននៅក្នុងស្រុក លើកលែងកៅស៊ូដែលចម្រាញ់ពីកាកប្រេង ត្រូវនាំចូល។ យ៉ាងណា ការមានរោងចក្រនេះកម្ពុជានឹងកាត់បន្ថយតម្លៃក្នុងការនាំចូលបេតុងកៅស៊ូពីក្រៅប្រទេស អាចបំពេញតម្រូវការទាន់ពេលវេលា។
ឯកឧត្តស៊ុន ចាន់ថុលបន្តថា វិស័យឯកជនក៏អាចទិញផលិតផលបេតុងកៅស៊ូផលិតចេញពីរោងចក្រ ដោយក្រសួងនឹងបង្កើតអង្គភាពគ្រប់គ្រង ដើម្បីរៀបចំធ្វើលើការងារនេះ។
ឯកឧត្តមស៊ុន ចាន់ថុលក៏បានបញ្ជាក់បន្ថែមថា នៅឆ្នាំនេះ ឬឆ្នាំក្រោយ ក្រសួងនឹងបង្កើតរោងចក្រផលិតបេតុងកៅស៊ូមួយទៀត នៅខេត្តបាត់ដំបង ដែលតំបន់នោះកំពុងមានការសាងសង់ហេដ្ឋារចនាសម្ព័ន្ធផ្លូវថ្នល់ដូចជាគម្រោងផ្លូវជាតិលេខ ៥ ក៏ដូចជាផ្លូវជាតិជាច្រើនទៀតនៅតំបន់នោះដែលនឹងត្រូវកែសម្រួលពី DBST មក AC៕
អត្ថបទ៖ ប៊ុណ្ណារ៉ា
ជុំ លីណូ បំផុសចូលរួមផ្សព្វផ្សាយអ្វីដែលខ្មែរមាន ព្រោះជាប្រទេសអច្ឆរិយ ដ៏អស្ចារ្យជាងគេលើលោក
អង្គភាពប្រឆាំងអំពើពុករលួយ ចូលរួមសង្កេតការណ៍លើការប្រឡងជ្រើសរើសសិស្សអាជ្ញាសាលា
តើការវាយប្រហារភេរវកម្មនៅ រុស្ស៊ី ជាស្នាដៃរបស់លោក Zelensky មែនឬ?
រដ្ឋបាលខេត្តព្រះវិហារ បដិសេធការផ្សាយថា ពលរដ្ឋរត់ទៅពួនក្នុងព្រៃដើម្បីគេចពីការចាប់ខ្លួនពីអាជ្ញាធរខេត្ត
ជួបការរាំងស្ងួតយ៉ាងណា តំបន់អូរជាំនៅតែមានប្រភពទឹកធម្មជាតិទ្រទ្រង់លើភូមិចំនួន ៤ ធ្វើកសិកម្មពេញមួយឆ្នាំ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ព័ត៌មានជាតិ១ សប្តាហ៍ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?