ព័ត៌មានជាតិ
លោកឧកញ៉ា ទៀ វិចិត្រ បញ្ជូនអូប័រល្បឿនលឿនជួយសង្រ្គោះស្រ្តីអ្នកជំងឺម្នាក់
បន្ទាប់ពីបានទទួលដំណឹងពីបងប្អូនប្រជាពលរដ្ឋរស់នៅកោះរ៉ុងប្រាប់ថា មានអ្នកជំងឺត្រូវការជំនួយបន្ទាន់ ដោយគាត់មានអាការៈលើសឈាម តង់ស្យុង់ធ្លាក់ចុះយ៉ាងខ្លាំង គួរឲ្យបារម្ភនិងស្ថិតក្នុងសភាពធ្ងន់ធ្ងរនោះ នៅវេលាម៉ោងជាង១១យប់ ថ្ងៃទី១៨ ខែមិថុនា ឆ្នាំ២០២១ លោកឧកញ៉ា ទៀ វិចិត្រ សមាជិកក្រុមការងារយុវជនគណបក្សប្រជាជនកម្ពុជា ខេត្តព្រះសីហនុ បានបញ្ជូនក្រុមការងារសង្គ្រោះGTVCនិងអូប័រពេទ្យល្បឿនលឿនទាំងយប់ ទៅទទួលយកជនរងគ្រោះនៅកោះរ៉ុង បញ្ជូនយកមកសង្គ្រោះបន្ទាន់នៅមន្ទីរពេទ្យបង្អែកខេត្តព្រះសីហនុ។
លោកឧកញ៉ា ទៀ វិចិត្រ មានប្រសាសន៍ថា ស្រ្តីអ្នកជំងឺ មានឈ្មោះ ឃឹត ឈឿន ជាភរិយារបស់លោក សុខ ណេតចៅសង្កាត់រងទី ១ សង្កាត់កោះរ៉ុងសន្លឹម រស់នៅ ភូមិកោះរ៉ុងសន្លឹម សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ។នៅលើដីគោកគេឃើញរថយន្តសង្គ្រោះរបស់មន្ទីរពេទ្យបង្អែកខេត្តព្រះសីហនុ និងក្រុមគ្រូពេទ្យបានមករង់ចាំនៅមាត់ច្រាំងដើម្បីទទួលស្ត្រីអ្នកជំងឺទៅ សង្គ្រោះបន្ទាន់ទៅកាន់មន្ទីរពេទ្យបង្អែកខេត្តព្រះសីហនុ ។
លើកដៃសំពះ និងនិយាយសម្លេងអួលដើមកភ័យផងអរផងនោះ សមាជិកគ្រួសារស្ត្រីអ្នកជំងឺ បាននិយាយថ្លែងអំណរគុណយ៉ាងខ្លាំង ដល់លោកឧកញ៉ា ទៀ វិចិត្រ ដែលបានជួយសង្គ្រោះម្តាយគាត់បានទាន់ពេលវេលាទាំងយប់អាធ្រាត្រ ព្រោះពួកគាត់ខ្វះមធ្យោបាយ ដើម្បីនាំយកម្តាយ ដែលមានជំងឺធ្ងន់ពីលើដីកោះ ឆ្ពោះមកកាន់ដីគោក ដើម្បីទទួលការព្យាបាល។ ប៉ុន្តែជាសំណាងល្អបំផុត កង្វល់ របស់ពួកគាត់ ត្រូវបានសមត្ថកិច្ចនគរបាលប៉ុស្តិ៍រដ្ឋបាលសង្កាត់កោះរ៉ុង បានជូនដំណឹងទៅលោកឧកញ៉ា ទៀ វិចិត្រ ហើយភ្លាមៗនោះ លោកឧកញ៉ា ក៏បានបញ្ជូនអូប័រពេទ្យល្បឿនលឿន មកដឹកម្តាយ របស់ខ្លួន ទាំងយប់ នាំមកកាន់មន្ទីរពេទ្យបង្អែកខេត្តព្រះសីហនុ ដើម្បីសង្គ្រោះអាយុជីវិត៕
អត្ថបទ៖ ស៊ុយ ចាន់ធា
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម២១ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ