ព័ត៌មានជាតិ

ទីក្រុងចំនួន ១៥ មានជើងហោះហើរតភ្ជាប់មកអាកាសយានដ្ឋានសៀមរាបអង្គរ

បានផុស

២ years មុន

នៅ

ថ្ងៃអង្គារ ២៦ មីនា ២០២៤

ដោយ

អាកាសយានដ្ឋានអន្តរជាតិសៀមរាបអង្គរដែលទើបតែបើកដំណើរការចាយទុនវិនិយោគអស់ជាង ១ ពាន់លានដុល្លារ បានកំពុងទទួលជើងហោះហើរតភ្ជាប់ទៅកាន់ទីក្រុងចំនួន ១៥ ក្នុងប្រទេសគោលដៅចំនួន ៨ នៅអាស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្រ្តីសម្របសម្រួលអាកាសយានដ្ឋានអន្តរជាតិសៀមរាបអង្គរបានឲ្យកម្ពុជាថ្មីដឹងថា ក្រោយបើកដំណើរការបច្ចុប្បន្នព្រលានយន្តហោះថ្មីសៀមរាបអង្គរ បានតភ្ជាប់ជើងហោះហើរទៅកាន់ទីក្រុងចំនួន ១៥ ក្នុងប្រទេសគោលដៅចំនួន ៨ ក្នុងតំបន់អាស៊ី។

លោក យឹម សានីរាន មន្រ្តីសម្របសម្រួលនៅអាកាសយានដ្ឋានសៀមរាបបានឲ្យដឹងថា ទីក្រុងចំនួន ១៥ ដែលមានជើងហោះហើរតភ្ជាប់មកព្រលានយន្តហោះសៀមរាបអង្គររួមមាន ទីក្រុងគុនមីង (ប្រទេសចិន) ទីក្រុងភ្នំពេញ និងក្រុងព្រះសីហនុ (ប្រទេសកម្ពុជា) ទីក្រុងប៉ាក់សេ និងហ្លួងព្រះបាង (ប្រទេសឡាវ) ទីក្រុងកូឡាឡាំពួរ (ប្រទេសម៉ាឡេស៊ី) ទីក្រុងបាងកក (ប្រទេសថៃ) ទីក្រុងសិង្ហបុរី (ប្រទេសសិង្ហបុរី) ទីក្រុងហូជីមីញ ហាណូយ ដាណាង (ប្រទេសវៀតណាម) ទីក្រុងអីងជុន ដេគូ ប៊ូសាន និងម៉ូន (ប្រទេសកូរ៉េខាងត្បូង)។

បើតាមមន្រ្តីរូបនេះ លំហូរអ្នកធ្វើដំណើរឆ្លងកាត់ព្រលានយន្តហោះសៀមរាបអង្គរបច្ចុប្បន្នមួយថ្ងៃមានជាង ៥ ០០០ នាក់ ខណៈចំនួនជើងហោះហើរទាំងទៅទាំងមកមានជាង ៥០ ជើង។

ព្រលានយន្តហោះខេត្តសៀមរាបអង្គរ បានបើកដំណើរការជាផ្លូវកាលពីខែតុលា ឆ្នាំ ២០២៣ ជាការវិនិយោគក្រោមរូបភាព BOT។ ចាយកញ្ចប់វិនិយោគអស់ជាង ១ ៣០០ លានដុល្លារ ព្រលានយន្តហោះថ្មីនេះស្ថិតនៅស្រុកសូទ្រនិគម មានចម្ងាយជាង ៥០ គីឡូម៉ែត្រពីក្រុងសៀមរាប ត្រូវបានអភិវឌ្ឍជាព្រលានយន្តហោះខ្នាត 4E ដែលអាចទទួលយន្តហោះឆ្លងទ្វីបហោះហើរនិងចុះចតបាន៕