ព័ត៌មានជាតិ
លោក វង្សី វិស្សុត ណែនាំរាជបណ្ឌិត្យសភាកម្ពុជា បង្កើនការរៀបចំសន្និសីទអន្តរជាតិពាក់ព័ន្ធប្រវត្តិសាស្រ្តកម្ពុជា
ដើម្បីតម្រង់ទិសការងារ និងលើកកម្ពស់តួនាទីឱ្យកាន់តែសកម្មរបស់រាជបណ្ឌិត្យសភាកម្ពុជា លោកឧបនាយករដ្ឋមន្ត្រីប្រចាំការ វង្សី វិស្សុត បានណែនាំឱ្យស្ថាប័នស្រាវជ្រាវមួយនេះ បង្កើនកិច្ចសហការជាមួយដៃគូខាងក្រៅ ដើម្បីរៀបចំសន្និសីទកម្រិតអន្តរជាតិឱ្យបានច្រើន ពិសេសពាក់ព័ន្ធនឹងប្រវត្តិសាស្រ្តរបស់កម្ពុជា។
លោកឧបនាយករដ្ឋមន្ត្រីប្រចាំការ វង្សី វិស្សុត ណែនាំបែបនេះនៅក្នុងឱកាសដែលដឹកនាំកិច្ចប្រជុំត្រួតពិនិត្យការងាររបស់រាជបណ្ឌិត្យសភាកម្ពុជា កាលពីថ្ងៃទី២៥ ខែមីនា ឆ្នាំ២០២៤។ គោលបំណងនៃកិច្ចប្រជុំ ដើម្បីបូកសរុបលទ្ធផលការងាររបស់រាជបណ្ឌិត្យសភាកម្ពុជា កំណត់អាទិភាព និងតម្រង់ទិសដៅការងារ ស្របតាមបរិការណ៍ថ្មី និងសក្តានុពលរបស់រាជបណ្ឌិត្យសភាកម្ពុជា សំដៅបន្តលើកកម្ពស់កេរ្តិ៍ឈ្មោះស្ថាប័ន ក៏ដូចជាពង្រឹងគុណភាព និងប្រសិទ្ធភាពការងារ ពិសេសលើការងារស្រាវជ្រាវ និងការអភិវឌ្ឍធនធានបញ្ញាញាណជាន់ខ្ពស់របស់ជាតិ។
លោក វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្រ្តី បានវាយតម្លៃខ្ពស់ចំពោះសមិទ្ធផលការងារ ដែលរាជបណ្ឌិត្យសភាកម្ពុជាខិតខំសម្រេចបាននាពេលកន្លងមក ពិសេសវចនានុក្រមខ្មែរ ឆ្នាំ២០២២ និងការអនុម័តវាក្យសព្ទថ្មី ក្នុងវិស័យវិទ្យាសាស្រ្តពិត ព្រមទាំងការងារសិក្សាស្រាវជ្រាវ និងបោះពុម្ភផ្សាយលើប្រធានបទសំខាន់ៗមួយចំនួន ដែលមានប្រយោជន៍ និងទទួលបានការចាប់អារម្មណ៍ទាក់ទាញខ្ពស់ពីសំណាក់អ្នកប្រើប្រាស់។
ទន្ទឹមនឹងជោគជ័យទាំងនេះ លោកឧបនាយករដ្ឋមន្ត្រីប្រចាំការ ក៏បន្តបានផ្តល់ការណែនាំមួយចំនួន ដើម្បីតម្រង់ទិសនៃការសិក្សាស្រាវជ្រាវរបស់រាជបណ្ឌិត្យសភាកម្ពុជាឱ្យកាន់តែមានគុណភាព ប្រសិទ្ធភាព ហើយត្រូវសម្រិតសម្រាំងផ្តោត តែលើប្រធានបទដែលមានគុណប្រយោជន៍ដល់អ្នកប្រើប្រាស់ ក៏ដូចជា សម្រាប់បម្រើឱ្យការកំណត់ និងការរៀបចំចក្ខុវិស័យ គោលនយោយបាយ និងយុទ្ធសាស្រ្តនានាសម្រាប់បម្រើឱ្យការអភិវឌ្ឍសង្គម-សេដ្ឋកិច្ច រយៈពេលវែង ព្រមទាំងការលើកស្ទួយ និងថែរក្សាអត្តសញ្ញាណជាតិ និងវប្បធម៌ជាតិ។
លោកឧបនាយករដ្ឋមន្ត្រីប្រចាំការ វង្សី វិស្សុត បានជំរុញរាជបណ្ឌិត្យសភាកម្ពុជាឱ្យបង្កើនការប្រាស្រ័យទាក់ទងជាមួយគ្រប់ក្រសួងស្ថាប័ននានា ដើម្បីជៀសវាងការស្រាវជ្រាវជាន់គ្នា និងបង្កើនថាមភាពរវាងគ្នាទាំងជាមួយអង្គភាពនានានៃទីស្តីការគណៈរដ្ឋមន្រ្តី និងទាំងក្រសួងស្ថាប័ននានារបស់រដ្ឋ។ មួយវិញទៀត ក៏ត្រូវបង្កើនកិច្ចសហការជាមួយដៃគូពីខាងក្រៅ ក្នុងការរៀបចំសន្និសីទកម្រិតអន្តរជាតិ លើប្រធានបទសំខាន់ៗមួយចំនួន ពិសេសពាក់ព័ន្ធនឹងប្រវត្តិសាស្រ្តរបស់កម្ពុជា។
លើសពីនេះ លោកឧបនាយករដ្ឋមន្ត្រីប្រចាំការ បានផ្តល់ការណែនាំដល់ថ្នាក់ដឹកនាំរាជបណ្ឌិត្យសភាកម្ពុជា ឱ្យរៀបចំធ្វើបច្ចុប្បន្នភាពផែនការយុទ្ធសាស្រ្ត៣ឆ្នាំ បន្តពីផែនការយុទ្ធសាស្រ្ត៣ឆ្នាំ (២០២២-២០២៤) ហើយអង្គភាពនីមួយៗនៃរាជបណ្ឌិត្យសភាកម្ពុជា ក៏ត្រូវរៀបចំនូវផែនការសកម្មភាពការងារ ដោយផ្អែកលើផែនការយុទ្ធសាស្រ្តនេះ ដើម្បីកំណត់អាទិភាពការងារ និងធនធាន ទាំងហិរញ្ញវត្ថុ និងមនុស្ស សំដៅបង្កើនការទទួលស្គាល់ឱ្យកាន់តែទូលំទូលាយចំពោះរាជបណ្ឌិត្យសភាកម្ពុជា ពីសំណាក់គ្រប់ក្រសួង ស្ថាប័ន និងដៃគូនានា ទាំងកម្រិតជាតិ និងអន្តរជាតិ។
លោកឧបនាយករដ្ឋមន្ត្រីប្រចាំការ វង្សី វិស្សុត ក៏បានផ្តល់ការណែនាំមួយចំនួនទៀតដល់ថ្នាក់ដឹកនាំនៃរាជបណ្ឌិត្យសភាកម្ពុជា ពាក់ព័ន្ធនឹងការរៀបចំប្រព័ន្ធការងារឱ្យមានលក្ខណៈជាស្ថាប័ននីយកម្ម ជាជាងធ្វើតាមរបៀបជាបុគ្គល ដើម្បីនិរន្តរភាពស្ថាប័នផងដែរ៕
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល