Connect with us

ព័ត៌មានជាតិ

ឃាត់ខ្លួនមេខ្យល់២នាក់ បម្រុងនាំពលករ១១នាក់ឆ្លងដែនខុសច្បាប់ទៅប្រទេសថៃ

បានផុស

នៅ

កម្លាំងតំបន់ប្រតិបត្តិការសឹករងបន្ទាយមានជ័យបានឃាត់ខ្លួនមេខ្យល់២នាក់បម្រុង នាំពលករ១១នាក់ឆ្លងដែនខុសច្បាប់ទៅប្រទេសថៃយកទៅ ចត្តាឡីស័ក នៅម៉ោង១២ យប់ ឈានចូលថ្ងៃទី ២៤ ខែមិថុនានេះ នៅចំណុចភូមិសាស្ត្រ អូរព្រំដែន ភូមិល្វា ឃុំបឹងបេង ស្រុកម៉ាឡៃ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ ត្រី ជឹម ប៊ុនអាន មេបញ្ជាការប្រតិបត្តិការសឹករងបន្ទាយមានជ័យបានបញ្ជាឱ្យលោកវរសេនីយ៍ឯក រិទ្ធ រ៉ម មេបញ្ជាការរងតំបន់ប្រតិបត្តិការសឹករងបន្ទាយមានជ័យដឹកនាំកម្លាំងយោធាមួយក្រុមចុះល្បាតជាប់ជាប្រចាំ
២៤ម៉ោងលើ២៤ម៉ោងក្នុងនោះក៏បាន សហការជាមួយកម្លាំងកងរាជអាវុធហត្ថស្រុក និងកម្លាំងផ្នែកសឹករងម៉ាឡៃផងដែរ ដើម្បីទប់ស្កាត់ពលករលួចឆ្លងដែនខុសច្បាប់ និងទប់ស្កាត់ការឆ្លងរាលដាលនៃជំងឺកូវីដ-១៩ មិនឲ្យចូលទៅក្នុងសហគមន៍។

លោកវរសេនីយ៍ឯក រិទ្ធ រ៉ម បានបញ្ជាក់ឱ្យដឹងថាកម្លាំងកំពុងចុះល្បាតក៏បានជួបមេខ្យល់២នាក់ បម្រុងនាំពលក១១នាក់ក្នុងនោះមានស្រី២នាក់ឆ្លងដែនចេញទៅប្រទេសថៃត្រូវបានកម្លាំងតំបន់ប្រតិបត្តិការសឹករងខេត្តបន្ទាយមានជ័យឃាត់ខ្លួនតែម្តង។

មេខ្យល់ទាំង២នាក់ ម្នាក់ឈ្មោះ នឿន សីហា ភេទប្រុស អាយុ ៣៩ ឆ្នាំរស់នៅភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង២ ម្នាក់ទៀតឈ្មោះ ឃន សុផាត ភេទប្រុស អាយុ៣៩ឆ្នាំ រស់នៅភូមិអូល្វា ឃុំជ្រៃសីម៉ា ស្រុកសំពៅលូន ខេត្តបាត់ដំបងមេខ្យល់។

មេខ្យល់ទាំង២នាក់ក្រោយពីបានសាកសួរនាំ រួចកម្លាំងតំបន់ប្រតិបត្តិការសឹករងបន្ទាយមានជ័យ បានប្រគល់ទៅឲ្យកម្លាំងអាវុធហត្ថស្រុក ចាត់ការតាមនីតិវិធីច្បាប់។ ចំណែកឯពលករទាំង ១១នាក់ ត្រូវបានបញ្ជូនទៅធ្វើចត្តាឡីស័កចំនួន១៤ថ្ងៃ នៅមណ្ឌលចត្តាឡីស័កស្រុកម៉ាឡៃទផបអាចឲ្យវិញទៅផ្ទះវិញបាន៕ អត្ថបទ៖ វ៉ាន់ណា

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម