ព័ត៌មានជាតិ

ឃាត់ខ្លួនមនុស្សចំនួន៦នាក់ ពាក់ព័ន្ធករណីទិញ-លក់ ប័ណ្ណ និងទម្រង់ពាក្យស្នើសុំចាក់វ៉ាក់សាំងការពារជំងឺកូវីដ-១៩

បានផុស

៥ years មុន

នៅ

ថ្ងៃសុក្រ ២៥ មិថុនា ២០២១

ដោយ

មនុស្សចំនួន៦នាក់ត្រូវកម្លាំងនគរបាលក្រុងព្រះសីហនុ ស្រាវជ្រាវរហូតចាប់ឃាត់ខ្លួនបានជាបន្តបន្ទាប់ ក្រោយពីទទួលបានបទបញ្ជាពីលោក គួច ចំរើន អភិបាលនៃគណៈអភិបាលខេត្តព្រះសីហនុនិងជាប្រធានគណៈបញ្ជាការឯកភាពខេត្ត ថា មានក្រុមមនុស្សដើរធ្វើសកម្មភាពទិញលក់ប័ណ្ណចាក់វ៉ាក់សាំង និងទម្រង់ពាក្យស្នើសុំចុះឈ្មោះចាក់វ៉ាក់សាំងបង្ការជំងឺកូវីដ-១៩ នៅក្នុងក្រុងព្រះសីហនុ។ក្រោយពីទទួលបានបទបញ្ជាភ្លាម កម្លាំងនគរបាលក្រុងព្រះសីហនុ បានចេញស្រាវជ្រាវ និងតាមរុករករហូតដល់ចាប់ឃាត់ខ្លួនមនុស្សចំនួន៦នាក់ រួមទាំងវត្ថុតាំងពាក់ព័ន្ធនឹងបទល្មើសផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមជម្រាបជូនថា វ៉ាក់សាំងដែលរាជរដ្ឋាភិបាលផ្តល់មកដើម្បីចាក់ជូនប្រជាពលរដ្ឋ កម្មករ កម្មការិនី និងជនបរទេសដែលកំពុងបំពេញការងារនៅខេត្តព្រះសីហនុ គឺដោយគ្មានការគិតថ្លៃនោះទេ។ ដោយឡែកចំពោះប័ណ្ណចាក់វ៉ាក់សាំង និងទម្រង់ពាក្យស្នើសុំចុះឈ្មោះចាក់វ៉ាក់សាំងបង្ការជំងឺកូវីដ-១៩ ត្រូវបានអាជ្ញាធរចុះចែកជូនប្រជាពលរដ្ឋដល់លំនៅដ្ឋាន ដោយមិនគិតថ្លៃដូចគ្នា។

ដូច្នេះសកម្មភាពនៃការលក់ដូរ ប័ណ្ណចាក់វ៉ាក់សាំង និងទម្រង់ពាក្យស្នើសុំចុះឈ្មោះចាក់វ៉ាក់សាំងបង្ការជំងឺកូវីដ-១៩ របស់ក្រុមឱកាសនិយមទាំងនេះ គឺជាទង្វើខុសច្បាប់ ដែលត្រូវចាត់ការតាមនីតិវិធីច្បាប់យ៉ាងម៉ឺងម៉ាត់ ដោយគ្មានការលើកលែងឡើយ។

បច្ចុប្បន្នជនសង្ស័យទាំង៦នាក់នេះ សមត្ថកិច្ចជំនាញកំពុងធ្វើការសាកសួរនៅអធិការដ្ឋាននគរបាលក្រុងព្រះសីហនុដើម្បីចាត់ការបន្តតាមនិតិវិធីច្បាប់ជាធរមាន៕

អត្ថបទ ៖ ស៊ុយ ចាន់ធា

Related Topics:រដ្ឋបាលខេត្តព្រះសីហនុ ឃាត់់ខ្លួន

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា