ព័ត៌មានជាតិ
លោកជំទាវម៉ែន សំអន បានសម្របសម្រួលបញ្ចប់ករណីទំនាស់ផលប្រយោជន៍ លើផ្ទៃដីទំហំ ១.៨៦០ ហិកតាដោយជោគជ័យ
ភ្នំពេញ ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានដឹកនាំកិច្ចប្រជុំសម្របសម្រួលបញ្ចប់ករណីទំនាស់ផលប្រយោជន៍រវាងក្រុមហ៊ុនសាយឌុងកៅស៊ូឌុកឌុង (របស់ប្រទេសវៀតណាម) និងភាគី លោកស្រី សូ ណារ៉េន លើផ្ទៃដីទំហំ ១.៨៦០ ហិកតា ស្ថិតនៅក្នុងភូមិ២ឆ្នូ ឃុំក្រញូងសែនជ័យ ស្រុកស្នួល ខេត្តក្រចេះ ដោយជោគជ័យនាល្ងាចថ្ងៃសុក្រ ៧កើត ខែទុតិយាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី១៦ ខែកក្កដា ឆ្នាំ២០២១ នៅទីស្តីការក្រសួង។
នៅក្នុងកិច្ចប្រជុំនោះ គូរភាគីទាំងសង្ខាងនិងតំណាងស្ថានទូតវៀតណាមប្រចាំនៅកម្ពុជា បានសម្តែងនូវការសប្បាយចិត្ត ដោយករណីវិវាទត្រូវបានដោះស្រាយបញ្ចប់ ដោយឈរលើគោលការណ៍តម្លាភាព ភាតរភាព សន្តិវិធី និងយុត្តិធម៌ ហើយគ្រប់ភាគីសុទ្ធតែឈ្នះ ស្របតាមយុទ្ធសាស្ត្រ ឈ្នះ ឈ្នះ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃរាជរដ្ឋាភិបាលកម្ពុជា ។ លោកជំទាវកិត្តិសង្គហបណ្ឌិតក៏បានរំលឹកអំពីប្រសាសន៍របស់ថ្នាក់ដឹកនាំនៃប្រទេសទាំងពីរក្នុង ការពង្រឹងនូវចំណងមិត្តភាព សាមគ្គីភាព និងកិច្ចសហប្រតិបត្តិការលើគ្រប់វិស័យរវាងប្រទេស និងប្រជាជន ទាំងពីរឲ្យកាន់តែរឹងមាំ និងស្ថិតស្ថេរយូរអង្វែង ។
លោកជំទាវកិត្តិសង្គហបណ្ឌិតបានសំណូមពរឲ្យភាគីវៀតណាមត្រូវគោរពតាមច្បាប់វិនិយោគនៃព្រះរាជាណាចក្រកម្ពុជា និងសូមជួយយកចិត្ត ទុក្ខដាក់ដល់កម្មករខ្មែរដែលបានបម្រើការងារនៅក្នុងក្រុមហ៊ុន ហើយក្រុមហ៊ុនក៏ត្រូវធ្វើទំនាក់ទំនងឲ្យបានជិតស្និតជាមួយ រដ្ឋបាលនៅហ្នឹងកន្លែង ដើម្បីជួយដល់ប្រជាពលរដ្ឋខ្មែរដែលខ្វះស្បៀង ក្នុងអំឡុងពេលកូវីដ១៩នេះ ។ ជាមួយគ្នានេះត្រូវគោរពតាម វិធានរបស់ក្រសួងសុខាភិបាល និងវិធានរបស់រាជរដ្ឋាភិបាលកម្ពុជា ៣កុំ និង៣ការពារ ក្នុងការចូលរួម ប្រយុទ្ធប្រឆាំង នៃការឆ្លងរីករាលដាលដ៍កាចសាហាវនៃជំងឺកូវីដ១៩ដែលឆក់អាយុជីវិតពលរដ្ឋខ្មែរជាង១០០០នាក់និងឆ្លងជាង៦០០០០នាក់ហើយគិតត្រឹមថ្ងៃទី១៦កក្កដាឆ្នាំ២០២១នេះ៕
ដោយ ៖ វិមាន
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៤ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៧ ថ្ងៃ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត