ព័ត៌មានជាតិ
ខេត្តតាកែវរៀបចំទីតាំង សម្រាប់ធ្វើចត្តាឡីស័ក និងព្យាបាលព្រះសង្ឃមានវិជ្ជមានកូវីដ១៩
លោក អ៊ូច ភា អភិបាល នៃគណៈអភិបាលខេត្តតាកែវ រួមជាមួយលោកវេជ្ជបណ្ឌិត នុត ស៊ីណាត ប្រធានមន្ទីរសុខាភិបាលខេត្ត លោក កង អាណាន់ អភិបាល ក្រុងដូនកែវ និងមន្ត្រីជំនាញពាក់ព័ន្ធ នៅព្រឹកថ្ងៃទី២០ ខែកក្កដា ឆ្នាំ២០២១នេះ បានអញ្ជើញពិនិត្យរៀបចំទីតាំង កន្លែងសម្រាប់ធ្វើ ចត្តាឡីស័ក និងកន្លែងសម្រាកព្យាបាល ព្រះសង្ឃ ដែលរកឃើញវិជ្ជមានកូវីដ១៩ ក្នុងវត្ត សីហរតនារាម ស្ថិតនៅភូមិឡូរី សង្កាត់រកាក្នុង ក្រុងដូនកែវ ខេត្តតាកែវ។
មានប្រសាសន៍នៅក្នុងឱកាសចុះពិនិត្យនោះដែរ លោក អ៊ូច ភាបានធ្វើ ការណែនាំដល់ អាជ្ញាធរពាក់ព័ន្ធ និងមន្ត្រីជំនាញសុខាភិបាល ត្រូវរួមសហការគ្នារៀបចំ កន្លែងសម្រាប់ធ្វើចត្តាឡីស័ក ព្រះសង្ឃដែលប៉ះពាល់ផ្ទាល់ ឬប្រយោលទាំងអស់ និង កន្លែងសម្រាប់ព្យាបាល ព្រះសង្ឃដែលមានវិជ្ជមានកូវីដ១៩ ឱ្យបានត្រឹមត្រូវ ស្របតាម បច្ចេកទេសសុខាភិបាល។
លោកអភិបាលខេត្ត បានបន្តថា ចំពោះព្រះសង្ឃដែលគង់ ក្នុងវត្តសីហរតនារាម ទាំងអស់ត្រូវសហការជាមួយ អាជ្ញាធរមូលដ្ឋាន និងមន្ត្រីជំនាញ ផ្ដល់សំណាកដើម្បីធ្វើ តេស្ដរកវីរុសកូវីដ១៩ ជាពិសេសគណៈកម្មាធិការវត្ត ត្រូវផ្សព្វផ្សាយ វិធានការសុខាភិបាល និងអនុវត្តវិធានការ ៣ការពារ និង៣ អនុសាសន៍ដ៏ខ្ពង់ខ្ពស់របស់ សម្តេចតេជា ហ៊ុន សែន នាយករដ្ឋមន្ត្រី និងធ្វើការណែនាំដល់ព្រះសង្ឃគ្រប់អង្គ ត្រូវមានទម្លាប់ធ្វើអនាម័យឲ្យបានជាប់ជាប្រចាំ និងប្រុងប្រយ័ត្នជានិច្ច ដោយត្រូវពាក់ម៉ាស និងត្រូវលាងដៃជាមួយសាប៊ូ ឬអាល់កុលឱ្យបានញឹកញាប់ ដើម្បីការពារការឆ្លងជំងឺដ៏កាចសាហាវមួយនេះ។
គួរបញ្ជាក់ដែរថា កាលពីយប់ថ្ងៃទី១៩ ខែកក្ដដា ឆ្នាំ២០២១នេះ ក្រុមគ្រូពេទ្យ នៃការិយាល័យស្រុកប្រតិបត្តិដូនកែវ បានចុះយកសំណាកលើព្រះសង្ឃចំនួន២០អង្គ ដោយធ្វើតេស្ដរហ័ស (Rapid Test) ជាលទ្ធផលមានព្រះសង្ឃ ចំនួន ១០អង្គ ដែលត្រូវបានរកឃើញវិជ្ជមានកូវីដ១៩ ដែលបច្ចុប្បន្នកំពុងដាក់សម្រាកព្យាបាល នៅមណ្ឌលសាលា គរុកោសល្យខេត្តតាកែវ៕
អត្ថបទ៖ សំអឿន
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ