ព័ត៌មានជាតិ
អ្នកនេសាទ ៩ នាក់ ប្រើឧបករណ៍ខុសច្បាប់ តម្រូវឲ្យធ្វើកិច្ចសន្យាបញ្ឈប់ជាបន្ទាន់
មន្ត្រីខណ្ឌរដ្ឋបាលជលផលស្ទឹងត្រែង សហការជាមួយកម្លាំងសមត្ថកិច្ចចម្រុះ បានចុះបង្ក្រាបបទល្មើសនេសាទខុសច្បាប់រយៈពេល៣ថ្ងៃមកដល់ថ្ងៃទី១៦សីហានេះអ្នកនេសាទ ៩ នាក់ រួមទាំងឧបករណ៍នេសាទជាច្រើន ត្រូវបំផ្លាញចោល និងបញ្ឈប់ការនេសាទ នៅតំបន់អាងអភិរក្សត្រីមេពូជខាងលើទំនប់វារីអគ្គិសនីសេសានក្រោម២ និងនៅតាមតំបន់អូរជាច្រើនកន្លែងនៅក្នុង ឃុំក្បាលរមាស ស្រុកសេសាន ខេត្តស្ទឹងត្រែងជាបន្ទាន់។
លោក យាម សាវុន នាយផ្នែកជលផលសេកុងបានឲ្យដឹងថា អ្នកនេសាទទាំង ៩នាក់នេះ បានធ្វើសកម្មភាព យកឧបករណ៍នេសាទខុសច្បាប់ ដាក់ក្នុងអូរនៃដៃទន្លេសេសាន ដែលជាអន្លង់អភិរក្ស នៅចំណុចអូរសូ -អូរឃ្លាំងស៊ីវ- អូរក្រញូង អូរភ្នំរឹង-និងអូរល្អក់ និងបានដកហូតឧបករណ៍ល្មើសច្បាប់ជាច្រើន។
លោកនាយផ្នែកបានបញ្ជាក់ថា ឧបករណ៍នេសាទខុសច្បាប់ដែលយើងដកហូតបានរួមមានរបាំងព្រួលស្បៃមុង ១៥កន្លែង មានប្រវែងសរុប ២០០០ម៉ែត្រ- ទីតាំងរបាំងព្រួលសាច់អួន ០២កន្លែង ប្រវែងសរុប ៣១០ម៉ែត្រ- លបប្រើស ១០០ ចំនួន ០២ខ្សែ ប្រវែងសរុប៥០ម៉ែត្រ-ដកហូតមង ប្រវែង ៧៥០ម៉ែត្រ – ដកហូតទូកម៉ាស៊ីនចំនួន ០៤គ្រឿង យកមករក្សាទុកជាបណ្តោះអាសន្ន -និងតម្រូវឱ្យប្រជានេសាទ ចំនួន ០៩នាក់ធ្វើកិច្ចសន្យាបញ្ឈប់ជាបន្ទាន់ ការប្រើប្រាស់ឧបករណ៍នេសាទខុសច្បាប់។ លោកនាយផ្នែកបន្តថា បើសិនលើកក្រោយនៅប្រព្រឹត្តបែបនេះទៀត សមត្ថកិច្ចនិងនាំខ្លួនទៅអនុវត្តច្បាប់ជលផលតាមមាត្រាទី៨៩ ព្រោះជាការបំផ្លាញធនធានមច្ឆជាតិក្នុងរដូវបិទនេសាទ។
សូមបញ្ជាក់ថា យុទ្ធនាការនេះកម្លាំងចំរុះបានចុះបង្ក្រាបទ្រុងទ្រាយធំ ចំនួន៣លើករួចមកហើយ។ ជាមួយនេះមន្ត្រីជលផលសំពូមពរឱ្យអាជ្ញាធរមូលដ្ឋានជួយពង្រឹកកិច្ចការងារអភិរក្សធនធានជលផលឱ្យមានប្រសិទ្ធភាព និងបង្កើនការទប់ស្កាត់លំហូរចូលអ្នកនេសាទមកពីក្រៅខេត្តផង៕
អត្ថបទ៖ ងិន លីម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ