ព័ត៌មានជាតិ

សមត្ថកិច្ចឃាត់ជនសង្ស័យម្នាក់ សម្លាប់ក្មេងប្រុសអាយុ១២ ឆ្នាំ

បានផុស

៤ years មុន

នៅ

ថ្ងៃសុក្រ ២៧ សីហា ២០២១

ដោយ

សមត្ថកិច្ចបានឃាត់ជនសង្ស័យម្នាក់ ដែលបានសម្លាប់ក្មេងប្រុសអាយុ១២ ឆ្នាំកាលពីយប់ថ្ងៃទី ២៦ ខែសីហា ឆ្នាំ២០២១។ ហេតុការណ៍នេះបង្កការភ្ញាក់ផ្អើលនេះ កើតឡើងកាលពីវេលាម៉ោង៦ និង៣០នាទីល្ងាច ថ្ងៃទី២៦ ខែសីហា ឆ្នាំ២០២១ នៅបន្ទប់ជួលជាន់ទី២ ភូមិត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះឈ្មោះគៀន ដារ៉ា ភេទប្រុសអាយុ១២ឆ្នាំ រស់នៅបន្ទប់ជួលជាមួយម្តាយជាន់ទី១ ភូមិ សង្កាត់កើតហេតុខាងលើ មានស្រុកកំណើតនៅស្រុកកោះក្រឡ ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានពីកន្លែងកើតហេតុស្ត្រីជាម្តាយជនរងគ្រោះបានមកស្នាក់នៅកន្លែងកើតហេតុអស់រយះពេល២ឆ្នាំមក ហើយ ហើយគាត់ជាស្ត្រីមេម៉ាយ រាល់ថ្ងៃមានកូនចំនួន២នាក់ ស្រីម្នាក់ប្រុសម្នាក់ កូនច្បងអាយុ១៥ឆ្នាំ ចំណែកកូនប្រុស ដែលស្លាប់អាយុ១២ឆ្នាំ។ ថ្ងៃកើហេតុក្មេងប្រុសរងគ្រោះបាននៅបន្ទប់ជួលតែម្នាក់ឯង ដោយម្តាយ និងបងស្រីទៅធ្វើការអស់។

ប្រភពព័ត៌មានពីម្តាយក្មេងរងគ្រោះបានបន្តថា មុនពេលកើតហេតុរូបគាត់កំពុងធ្វើការស្រាប់តែម្ចាស់ផ្ទះជួលបានទូរស័ព្ទប្រាប់ថាកូនប្រុសរបស់គាត់ត្រូវជនមិនស្គាល់មុខសម្លាប់ច្រកបាវទុកក្នុងបន្ទប់ផ្សេងនៅជាន់ទី២ ភ្លាមនោះរូបគាត់ក៏ចេញពីកន្លែងធ្វើការសំដៅមកបន្ទប់ជួលក៏មានការភ្ញាក់ផ្អើលតែម្តង។

ក្រោយពីដឹងថាកូនរបស់គាត់ស្លាប់ហើយគាត់បានទៅពិនិត្យក្នុងបន្ទប់ជួល ថាបាត់បង់ខ្សែកផ្លាទីនមួយខ្សែ កូនជ្រូកសន្សំលុយមួយ ទូរស័ព្ទម៉ាកOppo មួយគ្រឿងផងដែរ។ជុំវិញករណីខាងលើនេះផងដែរកម្លាំងសមត្ថថកិច្ចបានឃាត់ខ្លួនបុរសម្នាក់យកទៅសួរនាំ ដែលស្ថិតក្នុងការសង្ស័យ។ ក្រោយពីពិនិត្យសពរួចសមត្ថកិច្ចបានប្រគល់ទៅសាច់ញាតិដើម្បីយកទៅធ្វើបុណ្យតាមប្រពៃណី៕

ដោយ៖សុខា