ព័ត៌មានជាតិ
Updated ៖ អាជ្ញាធរខេត្តកំពង់ឆ្នាំង កំពុងបើកការស៊ើបអង្កេតករណីពលរដ្ឋពុលទឹក
អាជ្ញាធរខេត្តកំពង់ឆ្នាំង កំពុងបើកការស៊ើបអង្គេតករណីពលរដ្ឋជាច្រើននាក់ ពុលទឹក បណ្ដាលឲ្យស្លាប់ចំនួន២នាក់ និងច្រើននាក់ទៀត ក្អួតចង្អោរ បន្ទាប់ពីពួកគាត់បានទទួលទានទឹកនៅក្នុងស្រែមួយកន្លែង ស្ថិតក្នុងភូមិជីប្រ៉ង ឃុំជៀប ស្រុកទឹកផុស កាលពីទី២៥ ខែវិច្ឆិកា ឆ្នាំ២០២០ ។
លោក អ៊ុន សុផល នាយករដ្ឋបាលខេត្តកំពង់ឆ្នាំង មានប្រសាសន៍ប្រាប់ កម្ពុជាថ្មី នាព្រឹកថ្ងៃទី២៧ ខែវិច្ឆិកា ឆ្នាំ២០២០នេះថា អាជ្ញាធរកំពុងធ្វើការស៊ើបអង្គេត ដែលការសន្និដ្ឋានបឋម អាចបណ្ដាលមកពីទឹកមានសរធាតុគីមី ព្រោះនៅទីនោះ មានកសិករធ្វើស្រែ ចម្ការ ហើយតែងយកទឹកនោះលាយថ្នាំបាញ់ស្រោចស្រពដំណាំ។
នាយករដ្ឋបាលខេត្តកំពង់ឆ្នាំង បានឲ្យដឹងបន្តថា អភិបាលខេត្ត បានបញ្ជាឲ្យស្រាវជ្រាវករណីនេះ និងឲ្យអ្នកពាក់ព័ន្ឋត្រូវយកចិត្តទុកដាក់ក្នុងការព្យាបាល សង្រ្គោះពលរដ្ឋ ឲ្យឆាប់ចាសះស្បើយឡើងវិញ ដែលបច្ចុប្បន្ន ពលរដ្ឋកំពុងសម្រាកនៅមន្ទីរពេទ្យបង្អែកខេត្ត។
សូមបញ្ជាក់ថា កាលពីវេលាម៉ោង៦ល្ងាច ថ្ងៃទី២៥ ខែវិច្ឆិកា ឆ្នាំ២០២០ ពលរដ្ឋជាច្រើននាក់ បានក្អួតចង្អោរ បន្ទាប់ពីពួកគាត់បានទទួលទានទឹក នៅក្នុងស្រែ ដែលក្នុងករណីនេះ បណ្ដាលឲ្យមានអ្នកស្លាប់ចំនួន២នាក់ និង១៣នាក់ទៀត ត្រូវបានសង្រ្គោះបន្ទាន់។
សមត្ថកិច្ច និងជំនាញខាងមន្ទីរសុខាភិបាលខេត្តកំពង់ឆ្នាំង បានចុះស្រាវជ្រាវនៅកន្លែងកើតហេតុ ដើម្បីរកមូលហេតុពិតឲ្យឃើញច្បាស់លាស់៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង