សិស្សស្រីអ៊ីរ៉ង់ជាង១ពាន់នាក់ ត្រូវគេបំពុលយ៉ាងអាថ៌កំបាំង

សិស្សសាលាជាង ១០០០នាក់នៅទូទាំងប្រទេសអ៊ីរ៉ង់ ត្រូវបានគេលួចបំពុលយ៉ាងអាថ៌កំបាំងជាទីបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីភ្នាក់ងារ​ព័ត៌មាន​រដ្ឋ​ផ្សាយ​ថា ករណី​ទាំង​នោះ ​បាន​ចាប់​ផ្តើម​​នៅក្នុង​ខែ​វិច្ឆិកា។ តំបន់ដែលកើតឡើងនេះ រួមមានទាំងទីក្រុង Tehran និង Qom ផងដែរ។

សិស្សស្រីទាំងនោះ បានបង្ហាញអាការពិបាក​ដកដង្ហើម ស្ពឹក​ដៃជើង និង​អស់កម្លាំង។ ទោះបីជាយ៉ាងណាក៏ដោយ ករណីភាគច្រើនគឺស្រាល។

ដោយសារតែបញ្ហានេះ ឪពុកម្តាយ និងអាណាព្យាបាលមួយចំនួន បានសម្រេចចិត្តឲ្យកូនរបស់ពួកគេនៅផ្ទះ ហើយអំពាវនាវ ឲ្យមានការស៊ើបអង្កេតរកមូលហេតុ។

កាលពីថ្ងៃសុក្រទី០៣ខែមីនា លោកប្រធានាធិបតី Ebrahim Raisi បានស្តីបន្ទោសសត្រូវរបស់អ៊ីរ៉ង់ ចំពោះអ្វីដែលលោកពិពណ៌នាថា ជាផែនការមួយដើម្បីបង្កការភ័យខ្លាច និងអសន្តិសុខក្នុងចំណោមឪពុកម្តាយ និងសិស្ស៕

ប្រែសម្រួល៖ Vann Vann

ប្រភព៖ NHK

ចុចអាន៖ មន្ត្រីសុខាភិបាល ព្រមានយកស្រាពីរបីមុខលាយ​បញ្ចូលគ្នា អាច​ឱ្យពុលស្លាប់