ព័ត៌មានជាតិ
មិនទាន់កំណត់ថ្ងៃនៃការមកដល់ជនភៀសខ្លួនអាហ្វហ្គានីស្ថាន មកកម្ពុជា
កម្ពុជាយល់ព្រមទទួលយកជនភៀសខ្លួនអាហ្វហ្កានីស្ថាន ចំនួន៣០០នាក់ ដើម្បីស្នាក់នៅជាបណ្តោះអាសន្ន មុននឹងឆ្ពោះទៅកាន់ប្រទេសទី៣ ហើយការយល់ព្រមទទួលយកនេះ ធ្វើឡើងតាមការស្នើសុំរបស់អង្គការ The Asia Foundation ប្រចាំកម្ពុជា ទៅកាន់ក្រសួងការបរទេស។ ទោះយ៉ាងណា នៅមិនទាន់ដឹងពីពេលវេលា នៃការមកដល់កម្ពុជានោះទេ។
លោក កុយ គួង រដ្ឋលេខាធិការ និងជាអ្នកនាំពាក្យក្រសួងការបរទេស និងសហប្រតិបត្តិការអន្តរជាតិបានប្រាប់ “កម្ពុជាថ្មី” នៅថ្ងៃទី៣០ ខែសីហា នេះថា ការសម្រេចរបស់រាជរដ្ឋាភិបាលកម្ពុជា ក្នុងការទទួលជនភៀសខ្លួនអាហ្វហ្គានីស្ថានចំនួន ៣០០ នាក់ មកស្នាក់នៅជាបណ្តោះអាសន្ននៅកម្ពុជានេះ ជាគោលការណ៍មនុស្សធម៌ មុននឹងស្វែងរកប្រទេសទី៣។
លោកបញ្ជាក់យ៉ាងដូច្នេះ៖ “ខ្ញុំគ្រាន់តែដឹងថា ជាគោលការណ៍មនុស្សធម៌ប៉ណ្ណោះ”។
ទាក់ទងករណីនេះ នាយឧត្តមសេនីយ៍ កែវ វណ្ណថន អគ្គនាយករង និងជាអ្នកនាំពាក្យអគ្គនាយកដ្ឋានអន្ដោប្រវេសន៍ បានមានប្រសាសន៏ប្រាប់ “កម្ពុជាថ្មី” នាព្រឹកនេះដែរថា ការទទួលជនភៀសខ្លួនអាហ្វហ្គានីស្ថានចំនួន ៣០០ នាក់ សម្តេចអគ្គមហាសេនាបតីតេជោ បានដាក់ជាគោលការណ៍ហើយ គឺមិនឱ្យលើសពី ៣០០ នាក់ ហើយក៏មិនទាន់ដឹងមកកម្ពុជានៅថ្ងៃណាដែរ។
នាយឧត្តមសេនីយ៍បញ្ជាក់យ៉ាងដូច្នេះថា៖ “សម្តេចឱ្យទទួលជនភៀសខ្លួន មិនឱ្យលើសពី ៣០០នាក់ ហើយមិនទាន់ដឹងថា មកថ្ងៃណានោះទេ ដោយកំពុងតែប្រជុំពិភាក្សា”។
ចំណែកោក សន្តិបណ្ឌិត ខៀវ សុភ័គ អ្នកនាំពាក្យក្រសួងមហាផ្ទៃ ធ្លាប់បានប្រាប់អ្នកសារព័ត៌មានថា ការទទួលយកជនភៀសខ្លួនអាហ្វហ្គានីស្ថាន នឹងធ្វើឡើងទៅតាមនីតិវិធីអន្តរជាតិ ដូចដែលកម្ពុជាធ្លាប់ទទួលជនភៀសខ្លួនកាលពីពេលកន្លង។ យ៉ាងណា ការបញ្ជូនជនភៀសខ្លួនអាហ្វហ្គានីស្ថានមកកម្ពុជាពេលនេះ ធ្វើឡើងក្នុងបរិបទកូវីដ-១៩ ដោយត្រូវអនុវត្តតាមវិធានការសុខាភិបាលយ៉ាងតឹងរឹង។
គួរបញ្ជាក់ថា ប្រទេសអាហ្វហ្គានីស្ថានបច្ចុប្បន្នកំពុងស្ថិតក្នុងសភាពវឹកវរ ក្រោយការចូលកាន់កាប់របស់ក្រុមតាលីបង់ កាលពីថ្ងៃអាទិត្យ ទី១៥ ខែសីហា។ ប្រឈមនឹងស្ថានការណ៍វឹកវរនេះ មានប្រទេសជាច្រើនបានជម្លៀសប្រជាពលរដ្ឋរបស់ខ្លួនចេញពីអាហ្វហ្គានីស្ថាន និងទទួលយកជនភៀសខ្លួនអាហ្វហ្គានីស្ថាន។ ចំណែកកម្ពុជា ក៏បានយល់ព្រមទទួលយកជនភៀសខ្លួនអាហ្វហ្កានីស្ថានចំនួន ៣០០ នាក់ផងដែរ ដើម្បីស្នាក់នៅបណ្តោះអាសន្ន មុននឹងទៅកាន់ប្រទេសទី៣ បន្ទាប់ពីមានការស្នើសុំអង្គការមូលនិធីអាស៊ី។
បើតាមការផ្សាយកាលពីយប់ថ្ងៃសៅរ៍ ទី២៨ ខែសីហា ឆ្នាំ២០២១ បានបញ្ចាក់ថា ការយល់ព្រមទទួលយកជនភៀសខ្លួនក្នុងគោលការណ៍មនុស្សធម៌ ដើម្បីស្នាក់នៅកម្ពុជាបណ្តោះអាសន្ននេះ ធ្វើឡើងតាមការស្នើសុំរបស់អង្គការ The Asia Foundation ប្រចាំកម្ពុជា មកកាន់ក្រសួងការបរទេសកម្ពុជា ដោយផ្អែកលើគោលការណ៍មនុស្សធម៌។
ក្នុងនោះមានកោលការណ៍៣ ដែលកម្ពុជាសម្រេចទទួលយកនេះ គឺទី១ ឯកភាពទទួលយកជនភៀសខ្លួនអាហ្វហ្កានីស្ថានក្នុងចំនួនមិនលើសពី ៣០០ នាក់ ទី២ ផ្តល់ទិដ្ឋាការ នៅពេលមកដល់ (Visa on arrival) ដល់ជនភៀសខ្លួនខាងលើ និងអនុញ្ញាតឱ្យជនភៀសខ្លួនទាំងនោះប្រើប្រាស់អត្តសញ្ញាណប័ណ្ណសំគាល់ខ្លួន សម្រាប់ធ្វើជាឯកសារធ្វើដំណើរ និងទី៣ លើកលែងវិធានសុខាភិបាលសម្រាប់ការធ្វើដំណើរចូលមកកម្ពុជា ដល់ជនភៀសខ្លួនទាំងនោះ ដើម្បីពួកគេអាចធ្វើដំណើរមកកម្ពុជាបាន តែត្រូវអនុវត្តទៅតាមវិធានសុខាភិបាលនានា (ធ្វើតេស្ត និងធ្វើចត្តាឡីស័ក ជាដើម) ដែលបានដាក់ចេញដោយរាជរដ្ឋាភិបាល នៅពេលពួកគេចូលមកក្នុងព្រះរាជាណាចក្រកម្ពុជា៕
អត្ថបទ៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង