ព័ត៌មានជាតិ

នាំមៀនប៉ៃលិនទៅចិន កម្ពុជាទើបឆ្លងកាត់ដំណាក់កាលទីពីរប៉ុណ្ណោះ

បានផុស

៣ years មុន

នៅ

ថ្ងៃចន្ទ ៣០ សីហា ២០២១

ដោយ

រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ឯកឧត្តម វេង សាខុន បានបង្ហាញពីដំណើរការនៃការបើកទីផ្សារក្នុងការនាំចេញផលិតផលសិកម្មកម្ពុជាទៅក្រៅប្រទេស។

បើតាមលោករដ្ឋមន្រ្តី ករណីកម្ពុជាបានស្នើសុំបើកទីផ្សារសម្រាប់នាំផ្លែមៀនប៉ៃលិនទៅកាន់ប្រទេសចិន មកទល់ពេលនេះ ទើបតែឈានដល់ដំណាក់កាលទីពីរតែប៉ុណ្ណោះ នៅសល់ប្រាំដំណាក់កាលដែលត្រូវឆ្លងកាត់បន្តបន្ទាប់ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចរចាបើកទីផ្សារសម្រាប់ផលិតផលកសិកម្មមួយមុខៗរបស់កម្ពុជា មុននាំចេញទៅកាន់ទីផ្សារប្រទេសចិន រដ្ឋមន្រ្តីទទួលបន្ទុកផ្នែកកសិកម្មរូបនេះបានលើកឡើងថាចាំបាច់ត្រូវឆ្លងកាត់ប្រាំពីរដំណាក់កាល ហើយត្រូវប្រើប្រាស់ពេលវេលាជិតពីរឆ្នាំ បន្ទាប់ពីការលើកសំណើជាផ្លូវការក្នុងការស្នើសុំបើកទីផ្សារផលិតផលផ្លែឈើណាមួយដែលមានហានិភ័យខ្ពស់។

លោករដ្ឋមន្រ្តីបង្ហាញពីដំណាក់កាលទាំង ៧ រួមមាន៖

1/ការស្នើសុំបើកទីផ្សារ
2/ការវាយតម្លៃហានិភ័យសមាសភាពចង្រៃ
3/ការចុះត្រួតពិនិត្យខ្សែច្រវាក់ផលិតកម្ម
4/ការរៀបចំសេចក្តីព្រាងពិធីសារ និងចុះហត្ថលេខា
5/ការបំពេញលក្ខខណ្ឌតម្រូវដូចមានចែងក្នុងពិធីសារ
6/ការចុះត្រួតពិនិត្យមើលលទ្ធផលនៃការបំពេញលក្ខខណ្ឌតម្រូវ
7/ការសម្រេចចិត្តបើកទីផ្សារ