ព័ត៌មានអន្ដរជាតិ
ប្រធានាធិបតីកូរ៉េខាងត្បូងច្រានចោលការស៊ើបអង្កេតពិសេសលើភរិយារបស់លោក ពាក់ព័ន្ធកាបូប Christian Dior
ប្រធានាធិបតីកូរ៉េខាងត្បូងលោក Yoon Suk Yeol បានច្រានចោលការអំពាវនាវរបស់បក្សប្រឆាំងឱ្យមានការស៊ើបអង្កេតពិសេសលើការចោទប្រកាន់ពាក់ព័ន្ធនឹងភរិយា និងមន្ត្រីកំពូលរបស់លោកពាក់ព័ន្ធការទទួលបានកាបូបប្រណីត Christian Dior ។ នេះបើយោងតាមការចេញផ្សាយដោយទីភ្នាក់ងារព័ត៌មាន AP នៅថ្ងៃទី១០ ខែឧសភានេះ ។
បន្ទាប់ពីគណបក្សរបស់លោក Yoon បានរងបរាជ័យយ៉ាងបាក់មុខនៅក្នុងការបោះឆ្នោតសភាកាលពីថ្ងៃទី១០ ខែមេសាកន្លងទៅ ប្រធានាធិបតីកូរ៉េខាងត្បូងរូបនេះហាក់ដូចជាក្រពុលមុខជាមួយបញ្ហាប្រឈមផ្នែកនយោបាយដ៏ធំបំផុតរបស់លោក ខណៈគណបក្សប្រឆាំងនឹងឡើងគ្រប់គ្រងរដ្ឋសភារហូតដល់ឆ្នាំ ២០២៨ ។
ថ្មីៗនេះ គណបក្សប្រឆាំងបានបង្កើនការទាមទាររបស់ខ្លួនសម្រាប់ការស៊ើបអង្កេតពិសេសលើស្ត្រីទីមួយលោកស្រី Kim Keon Hee ជុំវិញរឿងអាស្រូវផ្សេងៗ ដូចជាការចោទប្រកាន់ថា លោកស្រីជាប់ពាក់ព័ន្ធក្នុងគម្រោងក្លែងបន្លំតម្លៃភាគហ៊ុន និងការចេញផ្សាយវីដេអូដែលថតដោយសម្ងាត់មួយបង្ហាញពីលោកស្រីទទួលបានកាបូបប្រណីត Christian Dior ពីជនជាតិអាមេរិកកូនកាត់កូរ៉េដែលអាចជាប់ពាក់ព័ន្ធនឹងការធ្វើចារកម្មយោធា ។
នៅក្នុងសន្និសិទសារព័ត៌មានមួយលោក Yoon ក៏បានសុំទោសចំពោះអាកប្បកិរិយាមិនសមរម្យរបស់ភរិយាលោកដែលនាំឲ្យកើតការសង្ស័យនេះ ប៉ុន្តែបដិសេធមិននិយាយលម្អិតចំពោះរឿងអាស្រូដែលកំពុងស្ថិតនៅក្រោមការស៊ើបអង្កេតដោយរដ្ឋអាជ្ញានោះទេ ។
គួរបញ្ជាក់ថា ទោះបីជាមានការបរាជ័យក្នុងការបោះឆ្នោតក៏ដោយ ក៏គោលនយោបាយការបរទេសដ៏សំខាន់របស់លោក Yoon ទំនងជាមិនផ្លាស់ប្តូរទេ ដោយសារតែកន្លងមកលោកបានបង្កើតសម្ព័ន្ធភាពយោធា ជាមួយសហរដ្ឋអាមេរិក រួមជាមួយការជំរុញឱ្យពង្រីកកិច្ចសហប្រតិបត្តិការត្រីភាគី សេអ៊ូល-វ៉ាស៊ីនតោន-តូក្យូ ដើម្បីទប់ទល់នឹងការគំរាមកំហែងនុយក្លេអ៊ែររបស់កូរ៉េខាងជើង និងបញ្ហាប្រឈមផ្សេងទៀត ៕
អត្ថបទ៖ ប៊ុន សុភាព
-
សេដ្ឋកិច្ច៤ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៥ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ១ សប្តាហ៍ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
សេដ្ឋកិច្ច១ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៥ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៤ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៥ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៤ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)