ព័ត៌មានជាតិ

អភិបាលខេត្តកណ្តាលបើកកិច្ចប្រជុំបន្ទាន់ដោះស្រាយបញ្ហាទឹកជំនន់ ជន់លិចគម្រោងសាងសង់អាកាសយានដ្ឋានអន្តរជាតិភ្នំពេញថ្មី

បានផុស

៥ years មុន

នៅ

ថ្ងៃចន្ទ ៦ កញ្ញា ២០២១

ដោយ

លោក គង់ សោភ័ណ្ឌ អភិបាល នៃគណៈអភិបាលខេត្តកណ្ដាលបើកកិច្ចប្រជុំបន្ទាន់មួយនៅរសៀលថ្ងៃទី០៦ ខែកញ្ញា ឆ្នាំ២០២១នេះដើម្បី ដោះស្រាយបញ្ហាទឹកជំនន់ ជន់លិចការដ្ឋានស្ថាបនាផ្លូវរត់ហោះហើរទី១ (Runway1) និង Taxiway ស្ថិតនៅភូមិកំពង់តាឡុង ឃុំបឹងខ្យាង ស្រុកកណ្តាលស្ទឹង ដើម្បីជំរុញដំណើរការសាងសង់អាកាសយានដ្ឋានអន្តរជាតិភ្នំពេញថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក គ្រុយ ម៉ាឡែន នាយករដ្ឋបាលសាលាខេត្តកណ្តាលបានមានប្រសាសន៍នៅល្ងាចថ្ងៃទី៦កញ្ញាថា នៅក្នុងកិច្ចប្រជុំនោះខាងភាគីក្រុមហ៊ុនបានស្នើឲ្យរដ្ឋបាលខេត្តកណ្តាលបិទទ្វារទឹកត្រង់ចំណុចលូមុខ៤ និងកាយផ្តាច់ផ្លូវទំនប់៥៥ស្ថិតទៅក្នុងភូមិកំពង់តាឡុង ឃុំបឹងឡាន កណ្ដាលស្ទឹង ខេត្តកណ្តាលដើម្បីរំដោះទឹកចេញពីគម្រោងសាងសង់ផ្លូវរត់ហោះទី១(Runway)ដែលមានទឹកជំនន់ជន់លិច។

លោកបានបន្តថា ជាមួយគ្នានេះដែរ លោកអភិបាលខេត្តបានណែនាំឱ្យមន្ទីរជំនាញត្រៀមម៉ាស៊ីនបូមទឹកដើម្បីជួយបូមទឹកពេលបង្ហូរទឹកចេញពីការដ្ឋានសាងសង់ធ្វើយ៉ាងណាកុំឱ្យជនលិចប៉ះពាល់ដល់ផលដំណាំរបស់បងប្អូនប្រជាពលរដ្ឋយើង។

លោក បានបន្តទៀតថា ក្នុងករណីភ្លៀងនៅចេះតែអូសបន្លាយបន្តទៀតនោះ រដ្ឋបាលខេត្តនឹងបន្តរិះរកមធ្យោបាយផ្សេងទៀតដើម្បីធ្វើយ៉ាងណារំដោះទឹកពីការដ្ឋាសាងសង់ព្រលានយន្តហោះថ្មីនេះឲ្យបានព្រោះវាជាគម្រោងអាទិភាពធ្វើយ៉ាងណាឱ្យគម្រោងសាងសង់ឱទាន់ទៅតាមកាលកំណត់។

កាលពីថ្ងៃទី៣ ខែកញ្ញា ឆ្នាំ២០២១ រដ្ឋបាលខេត្តបានចេញសេចក្តីណែនាំរួចហើយទាក់ទិននឹងការបិទទ្វារទឹកត្រង់ចំណុចលូមុខ៤និងកាយផ្តាច់ផ្លូវទំនប់៥៥ដើម្បីរំដោះទឹកចេញពីការដ្ឋានកសាងសង់អាកាសយានដ្ឋានអន្តរជាតិភ្នំពេញថ្មី។

នៅក្នុងសេចក្តីជួនដំណឹងនោះរដ្ឋបាលខេត្តបានកាយផ្តាច់ទំនប់៥៤ ចាប់ពីចន្លោះប្រឡាយ៩០ ដល់ប្រឡាយ៩២និង ស្នើប្រជាពលរដ្ឋ ត្រូវធ្វើដំណើរតាមផ្លូវវាងស្របតាមមាត់ស្ទឹងទន្លេបាទី ដែលបានរៀបចំ រួចហើយ។

បើតាមសេចក្ដីជូនដំណឹងរដ្ឋបាលខេត្តបានណែនាំដល់អាជ្ញាធរមានសមត្ថកិច្ច ក្រុមការងារសាងសង់អាកាស យានដ្ឋានអន្តរជាតិភ្នំពេញថ្មី និងប្រជាពលរដ្ឋពាក់ព័ន្ធក្នុងតំបន់នោះ ត្រូវចូលរួមសហការអនុវត្តមាន ប្រសិទ្ធភាពខ្ពស់។ ក្នុងករណីមានជនណារារាំងការអនុវត្តខាងលើនេះ រដ្ឋបាលខេត្ត នឹងចាត់វិធានការតាម ផ្លូវច្បាប់ជាធរមាន៕

ដោយ ៖ សំអឿន

Related Topics:ខេត្តកណ្ដាល លោក គង់ សោភ័ណ្ឌ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា