ព័ត៌មានជាតិ

ចុះបង្ក្រាបទីតាំងលួចបើកខារ៉ាអូខេ រកឃើញវិជ្ជមានកូវីដ៦នាក់ ក្នុងចំណោមមនុស្ស៤៣នាក់

បានផុស

៣ years មុន

នៅ

ថ្ងៃអង្គារ ២១ កញ្ញា ២០២១

ដោយ

កម្លាំងគណៈបញ្ជាការឯកភាពខណ្ឌពោធិ៍សែនជ័យ ចុះបង្ក្រាបទីតាំងខារ៉ាអូខេមួយកន្លែងដែលលួចបើកល្មើសនឹងបម្រាមរដ្ឋបាលរាជធានីភ្នំពេញ ឃាត់ខ្លួនមនុស្សចំនួន៤៣នាក់ រកឃើញអ្នកឆ្លងជំងឺកូវីដ-១៩ចំនួន៦នាក់។

ប្រតិបត្តិការនេះបានធ្វើឡើងកាលពីវេលាម៉ោង៨យប់ថ្ងៃ២០ ខែកញ្ញា ឆ្នាំ២០២១ នៅចំណុចហាងយីហោ ខារ៉ាអូខេគ្រួសារ ក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឱ្យដឹងថា មុននឹងឈានដល់ការចុះបង្ក្រាបទីតាំងខាងលើ រដ្ឋបាលរាជធានីភ្នំពេញបានចេញសេចក្តីសម្រេសបន្តបិទអាជីវកម្មផ្សេងៗ រហូតដល់ថ្ងៃទី២៣ ខែកញ្ញា ឆ្នាំ២០២១ និងរង់ចាំសេចក្តីសម្រេចត្រូវបន្តទៀតរឺយ៉ាងណាដើម្បីចូលរួមទប់ស្កាត់ជំងឺកូវីដ១៩ តែផ្ទុយទៅវិញទីតាំងខាងខាងលើបែជាល្មើសលួចបើកទទួលភ្ញៀវចូលច្រៀងកម្សាន្ដ និងមាននារីៗអង្គុយកំដរទៀតផង។

នៅថ្ងៃចុះបង្ក្រាបមានបងប្អូនប្រជាពលរដ្ឋបានរាយការណ៍ទៅអាជ្ញាធរដោយសម្ងាត់ទើបកម្លាំងចុះពិនិត្យជាក់ស្តែងឃើញថា ទីតាំងខាងលើពិតជាមានលួចបើកទទួលភ្ញៀវពិតប្រាកដមែនទើបធ្វើការឃាត់ខ្លួនមនុស្សប្រុសស្រីចំនួន៤៣នាក់ ក្នុងនោះមានប្រុស១១នាក់ ។

ក្រោយពីឃាត់ខ្លួនក្រុមគ្រូពេទ្យបានចុះយកសំណាកជាលទ្ធផលរកឃើញអ្នកវិជ្ជមានកូវីដ១៩ចំនួន៦នាក់។

បច្ចុប្បន្ន ទីតាំងខាងលើត្រូវបានបិទជាបណ្តោះអាសន្ន ចំណែកអ្នកជំងឺត្រូវបានយកទៅព្យាបាលបន្ត៕

អត្ថបទ៖ សុខា