ជីវិតកម្សាន្ដ

ជីវិតរខេករខាកក្នុងភាពយន្ត ងាកមកជីវិតពិតវិញ នាង Min មានទ្រព្យស្តុកស្តម លុយចាយហ៊ឺហាដូចសេដ្ធីនី

បានផុស

១ year មុន

នៅ

ថ្ងៃព្រហស្បតិ៍ ២៤ មេសា ២០២៥

ដោយ

គ្រប់ភាពយន្តភាគតែងតែមានឈុតចម្រុះ នាំមកនូវស្នាមញញឹមដល់អ្នកទស្សនា ដែលក្នុងនោះមានតួនាទីមួយរបស់តួសម្ដែងជាអ្នកបម្រើបែបកំប្លុកកំប្លែង ឬក៏ជាតួអ្នកជិតខាងក្រមិចក្រមើម ហើយសម្រាប់ទស្សនិកជនដែលនិយមតាមដានរឿងភាគថៃ នោះប្រាកដជាស្គាល់មុខយាងច្បាស់ទៅលើតារាស្រី Min Ratawan Aomtisong ជាក់ជាមិនខានឡើយ។

**ឈុតមួយដែល Min Ratawan សម្ដែងក្នុងរឿង**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីបង្ហាញមុខក្នុងរឿងភាគថៃក្រោមចំណងជើងថា «Thong Nuea Kao ឬ ជីវិតនាងឡាំយ៉ង» កាលពីឆ្នាំ២០១៣ តួសម្តែងស្រីម្នាក់ដែលនិយមដើរតួជាអ្នកបម្រើរូបនេះស្រាប់តែត្រូវទស្សនិកជនពេញចិត្តពេញថ្លើមចំពោះសមត្ថភាពទេពកោសល្យសម្តែងដ៏សម ទើបនាំគ្នាដាក់រហស្សនាមឲ្យថា «Lamom Khaitum» ដោយកាលណោះនាងជាតួបម្រើឲ្យតារាស្រី Noon Woranuch (តួឡាំយ៉ងជាស្រីប្រមឹក)។ មិនតែប៉ុណ្ណោះ សូម្បីតែក្នុងរឿងចុងក្រោយ «Duangjai Dhevaprom» ក៏តារាស្រីសម្ដែងបានយ៉ាងសមសួន ដោយនាំមកនូវភាពរីករាយដល់អ្នកទស្សនា។

ដ្បិតថានៅលើកញ្ចក់ទូរទស្សន៍ តារាស្រីវ័យ៣៧ឆ្នាំបានត្រឹមជាតួរាយរ៉ង ឬជាអ្នកបម្រើនាយអាយ មើលទៅរខេករខាក តោកយ៉ាក យាងណាក្ដី ប៉ុន្តែងាកមកកាន់ជីវិតពិតវិញ របៀបរស់នៅរបស់នាងវិញគឺមានភាពស៊ីវល័យ ហ៊ឺហា ហៃសូ ក៏ជាអ្នកមានទ្រព្យសម្បិត្តិស្តុកស្តមមួយរូប និងតែងតែនិយមចាយលុយខ្ជាកៗរដូចសេដ្ឋីនីអីចឹងដែរ។

ក្រៅពីជំនាញសម្ដែងដ៏អស្ចារ្យ គួបផ្សំនឹងសមត្ថភាពនិងដុងពីកំណើត តារាសម្ដែងស្រី នាង Min Ratawan ក៏បានបញ្ចប់ថ្នាក់បរិញ្ញាបត្រផ្នែកវិចិត្រសិល្បៈ ពីសាកលវិទ្យាល័យ Srinakharinwirot University រួចបន្តការសិក្សាថ្នាក់អនុបណ្ឌិតនៅមហាវិទ្យាល័យសិល្បៈ សាកលវិទ្យាល័យ Chulalongkorn បន្ថែមទៀត៕