ជីវិតកម្សាន្ដ

តារាស្រី៣ដួង ត្រូវគេចាត់ថ្នាក់ជា រាជិនីយំសមបំផុត ក្នុងភាពយន្តភាគកូរ៉េ

បានផុស

១ year មុន

នៅ

ថ្ងៃព្រហស្បតិ៍ ២៤ មេសា ២០២៥

ដោយ

តាមរយៈការយំយ៉ែករបស់តួអង្គសម្តែងនៅក្នុងខ្សែភាពយន្ត អាចនឹងមានមនុស្សមួយចំនួនគិតថា ជារឿងមួយធម្មតាប៉ុណ្ណោះ! ប៉ុន្តែតាមពិតទៅបើគ្មានស្ទីល សមត្ថភាពគួបផ្សំទេ តារាសម្ដែងពុំអាចធ្វើឲ្យទឹកភ្នែកនោះចេញមកដូចធម្មតាជាតិបានទេ។ អ្វីដែលអ្នកដឹកនាំរឿងចង់បាននោះគឺថា ពេលវេលាស្រក់ទឹកភ្នែកដ៏ត្រឹមត្រូវ សម្លេងត្រូវតែញ័រល្មម ដង្ហើមត្រូវតែខ្លី ប៉ុន្តែមិនច្រើនពេក។ អ្នកជំនាញខាងសម្ដែងជាច្រើននៅកូរ៉េ ក៏បានចែករំលែកជាមួយ Korea Herald ដែរថា យំស្អាត ឬយំសម គឺជាជំនាញដំបូងដែលដាក់ឲ្យសាកល្បង នៅពេលជ្រើសរើសតួឯកស្រីមកសម្ដែងក្នុងរឿងភាគ។

ក្នុងពិភពសិល្បៈកូរ៉េ មានតារាស្រីទាំង៣ដួងពូកែក្នុងវិស័យសិល្បៈ K-drama ដែលពួកនាងត្រូវគេចាត់ថ្នាក់ថាជា «តារាស្រីយំយ៉ាងស្រស់ស្អាត» ទោះជាម្នាក់ៗមានស្ទីលរៀងៗខ្លួនគ៏ពិតមែន។ Song Hye Kyo បានយកឈ្នះដោយភាពប៉ិនប្រសប់ និងការអត់ធ្មត់របស់នាង ដែលស័ក្តិសមសម្រាប់តួអង្គខ្លួនសម្ដែង។ Park Shin Hye ទទួលបានពិន្ទុជាមួយនឹងភាពស្មោះត្រង់ និងការយល់ចិត្តអ្នកទស្សនាពេលកំពុងយំ។ ចំណែកឯ Son Ye Jin ជាមួយនឹងភាពប៉ិនប្រសប់បែបស្ងប់ស្ងាត់ តែទឹកមុខបញ្ចាក់ថាយំ ហើយសមត្ថភាពរបស់នាងក្នុងការបង្វែរទឹកភ្នែកទៅជាអារម្មណ៍រំជួលចិត្ត ត្រូវបានគេចាត់ទុកថា ជាតារាសម្ដែងដ៏ពូកែប្រចាំប្រទេសកូរ៉េ។

ទី១ Song Hye Kyo

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Song Hye Kyo គឺជាឈ្មោះដែលមិនអាចមើលរំលងបាន ពេលនិយាយពីការយំដ៏ស្រស់ស្អាតនៅក្នុងខ្សែភាពយន្ត។ ជាមួយនឹងភ្នែកធំៗ និងមុតជ្រៅ នាងបានបញ្ចេញឈុតឆាកយំសោក ដែលជារឿយៗត្រូវគេពិពណ៌នាថា យំបែបទន់ភ្លន់ តែឈឺចាប់នៅខាងក្នុង។ ចាប់តាំងពីរឿងភាគ «Autumn in My Heart» ក្នុងឆ្នាំ ២០០០ តារាស្រីកើតក្នុងឆ្នាំ ១៩៨ បានបន្សល់ទុកនូវចំណាប់អារម្មណ៍យ៉ាងខ្លាំងនៅក្នុងដួងចិត្តរបស់ទស្សនិកជន ជាមួយនឹងរូបភាពរបស់តួស្រីតូចដែលមានចិត្តទន់ខ្សោយ កែវភ្នែកតែងតែមានដំនកទឹកភ្នែកជាប់រហូត។

នៅក្នុងខ្សែភាពយន្ត The Crossing (២០១៤) ឈុតដែលនាងឈរនៅកណ្តាលកំពង់ផែ ភ្នែករបស់នាងពោរពេញដោយទឹកភ្នែក នៅពេលដែលតារាស្រីមើលកប៉ាល់ដែលរសាត់ទៅឆ្ងាយ ពេលនោះត្រូវបានសរសើរថាជា និមិត្តរូបនៃភាពស្ងប់ស្ងាត់។ ការវិភាគដោយកាសែត The Korea Times ធ្លាប់បានអធិប្បាយថា ការយំរបស់ Song Hye Kyo កំពុងយំក្នុងចិត្តតែបញ្ចេញឥទ្ធិពលដ៏អស្ចារ្យដល់អ្នកទស្សនា ដែលនេះគឺជាសិល្បៈដ៏កម្រមួយ ។

ទី៣ Park Shin Hye

មិនខុសពីរៀមច្បងខាងលើនោះទេ Park Shin Hye គឺជានិមិត្តរូបនៃទឹកភ្នែកដ៏ស្មោះ ងាយធ្វើឲ្យទស្សនិកជនអាណិតទៅតាមសាច់រឿងដែលនាងសម្ដែង។ ជាមួយនឹងទឹកមុខស្លូតបូត និងភ្នែកមូលដែលបង្ហាញពីភាពរជើបរញ្ចួល បានបង្កើតពេលវេលាយំគួរឲ្យចងចាំជាច្រើន។ នៅក្នុងខ្សែភាពយន្តរឿង Miracle in Cell No.7 ដែលដើរតួជា Ye Seung ជាក្មេងស្រីប្រយុទ្ធដើម្បីលុបឈ្មោះឪពុករបស់នាង មានឈុតយំនៅក្នុងបន្ទប់សវនាការ ដែលធ្វើឲ្យអ្នកទស្សនារាប់លាននាក់ស្រក់ទឹកភ្នែក។ ឈុតនេះត្រូវបានគេចាត់ទុកថាជា កំពូលនៃទំនាក់ទំនងនៃផ្នែកអារម្មណ៍។

នៅក្នុងរឿងភាគ «Pinocchio» តួនាទីរបស់ Park Shin Hye ជាតួអង្គ Choi In Ha បានបង្ហាញទាំងឈុតឆាក យំស្រក់ទឹកភ្នែក ជាពិសេសនៅពេលដែលនាងប្រឈមមុខនឹងការពិតអំពីគ្រួសារ។ ទស្សនិកជនបានកោតសរសើរចំពោះវិធីដែលនាងប្រើសំឡេងញ័រ និងភ្នែក ដើម្បីបង្ហាញការឈឺចាប់ជាជាងបង្ហូរទឹកភ្នែកចេញអស់គ្មានសល់។ ឈុតនេះក៏ទទួលបានការសាទរយ៉ាងច្រើនពីអ្នកទស្សនាដោយចាត់ទុកនាងថា ជាតារាស្រីពូកែសម្រក់ទឹកភ្នែកក្នុងសម្រស់ផូរផង់។

ទី៣ Son Ye Jin

តារាស្រីកូនមួយរូបនេះ បានក្លាយជារូបតំណាងនៃសម្រស់របស់ប្រទេសមិនថាតែសម្រស់លេចធ្លោឬភាពទន់ភ្លន់ប៉ុណ្ណោះទេ។ អស់រយៈពេលពីរទសវត្សរ៍ Son Ye Jin គឺជាស្តង់ដារសម្រាប់សិល្បៈនៃការយំដ៏ស្រស់ស្អាតជាមួយនឹងសមត្ថភាពក្នុងការប្រែក្លាយទឹកភ្នែកនីមួយៗទៅជាការងារសិល្បៈ។ ដោយមានភ្នែកភ្លឺចែងចាំង និងការបញ្ចេញមតិចម្រុះ នាងបានយកឈ្នះទស្សនិកជនតាមរយៈខ្សែភាពយន្តមនោសញ្ចេតនាជាបន្តបន្ទាប់។

ក្នុងរឿង Be With You តួនាទីរបស់ Son Ye Jin ជាតួអង្គ Soo Ah ធ្វើឲ្យទឹកភ្នែកស្រក់ទឹកភ្នែកនៅពេលដែលនាងនិយាយលាទៅកាន់គ្រួសារ។ ទិដ្ឋភាពនាងឈរក្រោមភ្លៀង ភ្នែកពោរពេញដោយទឹកភ្នែក ប៉ុន្តែនៅតែញញឹម ត្រូវបានគេសរសើរថា «កំពូលយំស្អាតបំផុត» ។ យោងតាម Variety បានឲ្យដឹងថា តារាស្រីវ័យ៤៣ឆ្នាំបានចំណាយពេល ៤ ម៉ោងដើម្បីថតឈុតស្រក់ទឹកភ្នែករយៈពេល ៣០ វិនាទីក្នុងរឿងនេះ ដោយសារតែនាងចង់ឲ្យអារម្មណ៍យំដូចធម្មជាតិមិនរឹងពេកនៅពេលសម្ដែងភាពយន្ត។

មិនដូច Song Hye Kyo ទេ Son Ye Jin មានសមត្ថភាពប្តូរពីការយំស្ងាត់ៗទៅជាស្រែកយំ បង្កើតភាពចម្រុះក្នុងការសម្តែងរបស់នាងឲ្យកាន់តែជក់ចិត្តបំផុត។ ជាពិសេស ទស្សនិកជនអន្តរជាតិតែងតែចាត់ថ្នាក់ Son Ye Jin ថាជារាជិនីទឹកភ្នែក មតិមួយបានលើកសរសេរថា៖ Son Ye Jin យំដូចជាខ្លួនឯងជួបរឿងពិត ដូចតួអង្គដែលសម្ដែងយ៉ាងដូច្នោះ។ នាងក៏ត្រូវបានអ្នកដឹកនាំរឿងដូចជា Kim Jee Woon សរសើរពីសមត្ថភាពថា ពូកែប្រើទឹកភ្នែកប្រាប់រឿងរ៉ាវទាំងមូល ឲ្យអ្នកទស្សនាកាន់តែជ្រាបច្បាស់ជាងមុន៕ខ

អត្ថបទ៖ សាង ស្រីល័ក្ខ

ចុចអាន៖ជាលើកដំបូង មហាជនបានឃើញមុខមាត់ពិត របស់កូនស្រី នាងសាន់ឆាយ