Connect with us

ព័ត៌មានជាតិ

មហាសេដ្ឋីម្នាក់ ប្រកាសចូលរៀនបរិញ្ញាបត្រ និងផ្តល់អាហារូបករណ៍ ដល់និស្សិតក្រីក្រ ១៥០ នាក់

បានផុស

នៅ

អ្នកឧកញ៉ា ឡេង ណាវ៉ាត្រា នៅប៉ុន្មាននាទីមុននេះ បានប្រកាសថារូបលោក នឹងចូលរៀនថ្នាក់​បរិញ្ញា​បត្រឆាប់ៗនេះ ព្រមទាំងផ្តល់អាហារូបករណ៍ ១៥០នាក់ ដល់និស្សិតក្រីក្រ ដែលមានបំណង​ចង់​សិក្សាថ្នាក់បរិញ្ញាបត្រ ដោយសិក្សាជាមួយលោកផ្ទាល់តែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយនិងការផ្ដល់អាហារូបករណ៍ ១៥០ កន្លែងនេះ និស្សិតក្រីក្រទាំងនោះ ទទួលបានការចែករំលែកបទពិសោធន៍ផ្ទាល់ពីអ្នកឧកញ៉ា ហើយពួកគេនិងមានឱកាសបាន​ធ្វើការងារ​ជាមួយក្រុមហ៊ុនរបស់លោកដោយទទួលបានប្រាក់ខែពី ៣០០ ដុល្លារទៅ ៤០០០ ដុល្លារ ហើយត្រូវមើលទៅតាមសមត្ថភាពរបស់ពួកគេថែមទៀតផង។

អ្នកឧកញ៉ា ដែលមានប្រវត្តិចេញពីពលករធ្វើការនៅប្រទេសកូរ៉េខាងត្បូងរូបនេះ បានបញ្ជាក់ថា លោកផ្តល់អាហារូប​ករណ៍នេះ អ្នកឧកញ៉ា និងចុះវាយតម្លៃដោយផ្ទាល់ ចំពោះបងប្អូនដែល​មាន​ជីវភាពខ្វះខាតពិតប្រាកដ។

សម្រាប់ជំនាញដែលត្រូវរៀនមានដូចជា៖ វិស្វករ សំណង់ អគ្គិសនី គណនេយ្យ ទីផ្សារ គ្រប់គ្រង ព័ត៌មានវិទ្យា។

នេះគឺជាដំណឹងដ៍ល្អមួយសម្រាប់សិស្សានុសិស្ស ដែលកំពុងតែសិក្សាថ្នាក់បាក់ឌុបទូទាំងប្រទេស ត្រូវខិតខំប្រឹងប្រែងសិក្សា ដើម្បីប្រលងយកសញ្ញាប័ត្រមុនឈានដល់ការទទួលយក អាហារូប​ករណ៍នេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម