ព័ត៌មានជាតិ

ព្រះមហាក្សត្រ ចេញព្រះរាជក្រឹត្យតែងតាំង និងផ្ទេរភារកិច្ច អភិបាលខេត្ត៧រូប

បានផុស

៤ years មុន

នៅ

ថ្ងៃព្រហស្បតិ៍ ៣០ កញ្ញា ២០២១

ដោយ

ភ្នំពេញ ៖ ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅថ្ងៃទី៣០ ខែកញ្ញា ឆ្នាំ២០២១ នេះ បាន ចេញព្រះរាជក្រឹត្យតែងតាំង និងផ្ទេរភារកិច្ចអភិបាលខេត្តចំនួន៧រូប ដែលក្នុងនោះរួមមាន ខេត្តកំពត ពោធិ៍សាត់ បាត់ដំបង កំពង់ធំ ស្ទឹងត្រែង រតនគីរី និងមណ្ឌលគីរី។

បើតាមព្រះរាជក្រឹត្យ ទី១, លោក ថង សាវុន ត្រូវបានផ្លាស់ប្ដូរពីអភិបាល នៃគណៈអភិបាលខេត្តរតនគិរី ជាអភិបាល នៃគណៈអភិបាលខេត្តមណ្ឌលគិរី។

ទី២, លោក ញ៉ែម សំអឿន ជាអភិបាល នៃគណៈអភិបាលខេត្តរតនគិរី ។

ទី៣, លោក ម៉ៅ ធនិន ពីអភិបាល នៃគណៈអភិបាលខេត្តពោធិ៍សាត់ ទៅជាអភិបាល នៃគណៈអភិបាលខេត្តកំពត។

ទី៤, លោក ស្វាយ សំអ៊ាង ពីអភិបាលនៃគណៈអភិបាលខេត្តមណ្ឌលគិរី ទៅជាអភិបាល នៃគណៈអភិបាលខេត្តស្ទឹងត្រែង។

ទី៥, លោក ងួន រតនៈ ពីអភិបាល នៃគណៈអភិបាលខេត្តបាត់ដំបង ទៅជាអភិបាល នៃគណៈអភិបាលខេត្តកំពង់ធំ។

ទី៦, លោក ជាវ តាយ ពីអភិបាល នៃគណៈអភិបាលខេត្តកំពត ទៅជាអភិបាល នៃគណៈអភិបាលខេត្តពោធិ៍សាត់។

ទី៧, លោក សុខ លូ ពីអភិបាល នៃគណៈអភិបាលខេត្តកំពង់ធំ ទៅជាអភិបាលនៃគណៈអភិបាលខេត្តបាត់ដំបង។

ជាការកត់សម្គាល់ ការតែងតាំង និងផ្ទេរភារកិច្ច អភិបាលខេត្តទាំង៧រូបនេះ ត្រូវបានចាប់អារម្មណ៍យ៉ាងខ្លាំងលើលោក ម៉ៅ ធនិន ដែលធ្លាប់ជាអភិបាល នៃគណៈអភិបាលខេត្តពោធិ៍សាត់ហើយតែងតែដោះស្រាយបញ្ហាជូនប្រជាពលរដ្ឋក្រៅប្រព័ន្ធតុលាការ ទទួលបានការស្វាគមន៍ និងសាទរយ៉ាងខ្លាំងពីប្រជាពលរដ្ឋ។

នៅលើបណ្តាញសង្គមនារសៀលនេះ ជាពិសេសប្រជាពលរដ្ឋនៅខេត្តកំពត បានសម្ដែងការត្រេកអរយ៉ាងខ្លាំង ខណៈដែលលោក ម៉ៅ ធនិន ដែលល្បីល្បាញខាងដោះស្រាយបញ្ហាក្រៅប្រព័ន្ធជូនប្រជាពលរដ្ឋ បានទៅកាន់ជាអភិបាលខេត្តកំពត ពីព្រោះនៅខេត្តកំពតក៏មានបញ្ហាច្រើនផងដែរ ដែលប្រជាពលរដ្ឋចង់ឲ្យអាជ្ញាធរជួយដោះស្រាយក្រៅប្រព័ន្ធតុលាការ៕

ដោយ ៖ កោះកែវ

Related Topics:ព្រះមហាក្សត្រ