ព័ត៌មានជាតិ

ឆក់កាបូបមិនបានសម្រេចជិះម៉ូតូទៅបុករបងវត្តភ្នំត្រូវសមត្ថកិច្ចចាប់ជាប់

បានផុស

៤ years មុន

នៅ

ថ្ងៃចន្ទ ៤ តុលា ២០២១

ដោយ

ជនសង្ស័យ២នាក់ត្រូវបានកម្លាំងសមត្ថកិច្ចដេញតាមប្រផាប់ចាប់ប្រភីងរហូតបើកម៉ូតូទៅបុករបងបរិវេណវត្តភ្នំបណ្ដាលឱ្យដួលត្រូវបានចាប់ខ្លួនភ្លាមៗ ខណៈដែលពួកគេឆក់កាបូបលើស្ត្រីម្នាក់មិនបានសម្រេច។

ហេតុការណ៍នោះបានកើតឡើងកាលពីព្រឹកថ្ងៃទី០៤ ខែតុលា ឆ្នាំ២០២១ នៅមុខមន្ទីរអប់រំក្នុងសង្កាត់ផ្សារកណ្តាល២ ខណ្ឌដូនពេញ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ក្រុមជនសង្ស័យដែលឃាត់ខ្លួននោះទី១ឈ្មោះ ប្រាក់ ជីវ៉ា ភេទប្រុសអាយុ១៨ឆ្នាំមុខរបរសិស្ស។ ទី២ឈ្មោះ ចាន់ សុខា ភេទប្រុសអាយុ១៩ឆ្នាំ មុខរបរកម្មករសំណង់។ ចំណែកជនរងគ្រោះភេទស្រីអាយុប្រហែល៤០ឆ្នាំ។

ប្រភពព័ត៌មានពីកន្លែងកើតហេតុបានឲ្យដឹងថា នៅវេលាកើតហេតុគេឃើញជនរងគ្រោះជិះម៉ូតូតែម្នាក់ឯងធ្វើដំណើរតាមបណ្តោយផ្លូវព្រះនរោត្តមពីត្បូងទៅជើងលុះមកដល់កន្លែងកើតហេតុក៏មានជនសង្ស័យ២នាក់ដែលជិះម៉ូតូម៉ាកZoomerXពាក់ស្លាកលេខពោធិសាធ1E 54 18 ជិះមកឆក់កាបូបលុយរបស់ជនរងគ្រោះហើយព្យាយាមបើករត់ ពេលនោះជនរងគ្រោះបើកម៉ូតូដេញតាមស្រែកឆោឡោចោរៗរហូតមកដល់ចំណុចបរិវេណវត្តភ្នំចំហៀងខាងត្បូង ក៏ក្រុមជនសង្ស័យភ័យស្លន់ស្លោក៏បុកខឿនរបងដែកវត្តភ្នំបណ្តាលឲ្យដួលទាំងជនងរគ្រោះ និងជនល្មើសត្រូវចាប់បានភ្លាមៗទាំង២នាក់តែម្តង។ ចំណែកជនរងគ្រោះត្រូវរបួសជើងម្ខាងហើយក៏បញ្ជូនទៅព្យាបាលផងដែរ។

បន្ទាប់ពីចាប់បានក្រុមជនសង្ស័យហើយនោះសមត្ថកិច្ចបាននាំទៅប៉ុស្តិ៍ផ្សារកណ្តាល២ដើម្បីចាត់ការសួរនាំតាមនិតិវិធីច្បាប់៕

អត្ថបទ៖ រស្មី