ព័ត៌មានជាតិ
បណ្ឌិត សុខ ទូច បន្តលើកឡើងថា កិច្ចព្រមព្រៀងសន្តិភាពទីក្រុងប៉ារីស អស់សុពលភាពហើយ
នៅក្នុងកិច្ចពិភាក្សាតុមូល ក្រោមប្រធានបទ «ខួប៣០ឆ្នាំនៃកិច្ចព្រមព្រៀងសន្តិភាពទីក្រុងប៉ារីស» នាព្រឹកថ្ងៃទី២២ ខែតុលា ឆ្នាំ២០២១នេះ លោកបណ្ឌិត សុខ ទូច ប្រធានរាជបណ្ឌិត្យសភាកម្ពុជា បានបន្តលើកឡើងថា កិច្ចព្រមព្រៀងសន្តិភាពទីក្រុងប៉ារីស ២៣ តុលា ១៩៩១ បានអស់សុពលភាពហើយ ចាប់ពីតាំងពីប្រទេសកម្ពុជា បានរៀបចំការបោះឆ្នោត និងបង្កើតរដ្ឋធម្មនុញ្ញឆ្នាំ ១៩៩៣មក។ ការលើកឡើងដូច្នេះ ពុំមែនជាគំនិតរបស់លោកនោះទេ តែជាខ្លឹមសារ នៅក្នុងកិច្ចព្រមព្រៀងសន្តិភាពទីក្រុងប៉ារីស។
លោកបណ្ឌិត សុខ ទូច បានលើកឡើងដូច្នេះថា «ពេលវាគ្មិនមុនៗ មក គេសួរខ្ញុំ គេថា កិច្ចព្រមព្រៀងទីក្រុងប៉ារីសចប់ហើយ ឬនៅ? មិនមែន សុខ ទូច ថាទេ សូមឲ្យអ្នកវិភាគ មេត្តាអាននេះកិច្ចព្រមព្រៀងទីក្រុងប៉ារីស មាត្រា ១ ជំពូក ១ គេថាម៉េច មិញហ្នឹង មានទាំងបណ្ឌិត មាស នី មានទាំងបណ្ឌិត គិន ភា មានទាំងបណ្ឌិត យ៉ង់ សាំងកុមារ ទាំងបណ្ឌិតគណបក្សទាំងអស់ សូមចាំស្ដាប់ ហើយមិនមែន សុខ ទូច អ្នកថាទេ ដើម្បីបម្រើវត្ថុបំណងនៃកិច្ចព្រមព្រៀងនេះ ដំណាក់កាលអន្តរកាល ត្រូវចាប់ផ្ដើមពីពេលដែលកិច្ចព្រមព្រៀងនេះ ចូលជាធរមាន ហើយត្រូវបានបញ្ចប់ នៅពេលដែលធម្មនុញ្ញ ដែលបានជាប់ឆ្នោត តាមរយៈនៃការបោះឆ្នោតដោយសេរី និងត្រឹមត្រូវ ដែលរៀបចំឡើង និងបញ្ចប់ដោយអង្គការសហប្រជាជាតិ»។
ប្រធានរាជបណ្ឌិត្យសភាកម្ពុជា បានពន្យល់បន្ថែមថា សុពលភាពរបស់កិច្ចព្រមព្រៀងសន្តិភាពទីក្រុងប៉ារីស ត្រូវបានបញ្ចប់ នៅពេលមានការបោះឆ្នោត និងមានគណបក្សជាប់ឆ្នោត ហើយបង្កើតរដ្ឋាភិបាលថ្មី។ បន្ទាប់មកទៀត សភាដែលកើតចេញពីការបោះឆ្នោត រៀបចំបង្កើតរដ្ឋធម្មនុញ្ញ និងបន្ទាប់ពីមានរដ្ឋធម្មនុញ្ញ បង្កើតរដ្ឋាភិបាលចេញពីការបោះឆ្នោត ហើយរំលាយកិច្ចព្រមព្រៀងសន្តិភាពទីក្រុងប៉ារីស ដោយស្ម័យប្រវត្តិ។
លោកបណ្ឌិត សុខ ទូច បានគូសបញ្ជាក់ថា «ក្នុងប្រទេសមួយ មិនអាចមានច្បាប់ពីរទេ រឿងបញ្ចូល ឬមិនបញ្ចូល វាស្រ័យទៅលើសភាដែលបោះឆ្នោត គេបញ្ចូលរួចហើយ ប៉ុន្តែខ្ញុំមិនចង់និយាយទេ គេបញ្ចូលរួចទៅហើយ ប៉ុន្តែលែងនិយាយហើយ កិច្ចព្រមព្រៀងទីក្រុងប៉ារីស មិនមែនសម្ដីខ្ញុំទេ»៕
អត្ថបទ៖ ឃួន សុភ័ក្រ
-
ចរាចរណ៍១ សប្តាហ៍ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៣ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ សប្តាហ៍ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ១ សប្តាហ៍ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៦ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានជាតិ២ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ២ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៣ ថ្ងៃ ago
ចូលឆ្នាំខ្មែរបានសប្បាយជួបជុំហើយ បានទាំងរង្វាន់ពីគ្រុឌឈ្នះផ្អើលពេញភូមិ