សន្តិសុខសង្គម
ករណីគប់កញ្ចក់រថយន្តពេលយប់ ចាប់ស្ទាវ៦នាក់ដាក់គុកជាការព្រមាន
ភ្នំពេញ ៖ អយ្យការអមសាលាដំបូងរាជធានីភ្នំពេញ កាលពីព្រឹកថ្ងៃទី២៣ ខែមេសា ឆ្នាំ២០២៤ បានបញ្ចប់ការស៊ើបសួរលើស្ទាវ៦ នាក់ ពាក់ពន្ធករណី ហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស ( យកដុំអិដ្ឋការ៉ូឡាគប់លើកញ្ចក់រថយន្តផុងចូលទៅក្នុងត្រូវចំថ្ងាសជនរងគ្រោះបណ្តាលឲ្យបែករយះចំនួន២កន្លែង របួសជាទម្ងន់ដេរចំនួន៣០ថ្នេរ និងខូចខាតកញ្ចក់ខាង មុខរថយន្តចំនួន២គ្រឿង ) ហើយសំណុំរឿងនឹងបញ្ជូនទៅខាងចៅក្រមស៊ើបសួរ ដើម្បីសម្រេចផ្ញើប្រាណក្រុមស្ទាវទាំងអស់នោះនៅក្នុងពន្ធនាគារ រង់ចាំថ្ងៃកាត់ទោស។
នគរបាលព្រហ្មទណ្ឌបានឲ្យដឹងថា នៅថ្ងៃទី១៩និងថ្ងៃទី២០ ខែមេសា ឆ្នាំ២០២៤ កម្លាំងជំនាញការិយាល័យបានធ្វើការស្រាវជ្រាវ និងឃាត់ខ្លួនជន សង្ស័យជាបន្តបន្ទាប់ចំនួន៦ នាក់ ពាក់ពន្ធប្រព្រឹត្តបទល្មើស ហិង្សាដោយចេតនាមានស្ថានទម្ងន់ទោស និងធ្វើឲ្យខូចខាតដោយចេតនាមានស្ថានទម្ងន់ទោស (យកដុំអិដ្ឋការ៉ូឡាគប់ត្រូវកញ្ចក់រថយន្តខាងមុខ បណ្តាលឲ្យបែកកញ្ចក់រថយន្តផុងចូលទៅក្នុងត្រូវ ចំថ្ងាសជនរងគ្រោះ បែករយះចំនួន២ កន្លែងរងរបួសជាទម្ងន់ដេរចំនួន៣០ថ្នេរ និងខូចខាតកញ្ចក់ខាងមុខរថយន្តចំនួន ០២គ្រឿង) ប្រព្រឹត្តនៅចំណុចផ្លូវបេតុងភូមិស្រែរាជ្ជៈ សង្កាត់សំ រោងក្រោម ខណ្ឌពោធិសែនជ័យ រាជធានីភ្នំពេញ កាលពីថ្ងៃទី១២ ខែមេសា ឆ្នាំ២០២៤ វេលាម៉ោងប្រហែល១៤ និង ៣៣ នាទី ។
ជនស្ទាវទាំង៦ នាក់នោះមាន ១.ឈ្មោះ យឹម សុខហេង ហៅ ហេង ភេទប្រុស អាយុ១៩ ឆ្នាំ មុខរបរ នៅផ្ទះ មានទីលំនៅផ្ទះលេខ៤៨៣ ផ្លូវលេខ១០០៩ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ ២.ឈ្មោះ កង សុជាតិ ភេទប្រុស អាយុ១៨ ឆ្នាំ មុខរបរ នៅផ្ទះ មានទីលំនៅផ្ទះគ្មានលេខ ផ្លូវលំ ភូមិរោងចក្រ១ សង្កាត់គោកឃ្លាង ខណ្ឌសែនសុខ រាជធានីភ្នំពេញ ។ ៣.ឈ្មោះ ថេត សូរិយា ភេទប្រុស អាយុ១៨ ឆ្នាំ មុខរបរ នៅផ្ទះ មានទីលំនៅផ្ទះជួល ផ្លូវលេខ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ ៤.ឈ្មោះ យ៉ុន ផានិត ភេទប្រុស អាយុ១៨ ឆ្នាំ មុខរបរ សិស្ស មានទីលំនៅផ្ទះគ្មានលេខ ផ្លូវលំ ភូមិSOS សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ ៥.ឈ្មោះ រ័ត្ន រិទ្ធី ភេទប្រុស អាយុ១៩ ឆ្នាំ មុខរបរ នៅផ្ទះ មានទីលំនៅផ្ទះលេខ៨៤ ផ្លូវបេតុង សង្កាត់វាលស្បូវ ខណ្ឌច្បារអំពៅ រាជធានីភ្នំពេញ និង៦.ឈ្មោះ ហាន់ លីសៀង ភេទប្រុស អាយុ១៩ ឆ្នាំ មុខរបរ ដឹកអីវ៉ាន់អនឡាញ មានទីលំនៅផ្ទះលេខ១៦៥ ផ្លូវលេខ១៤៦ ភូមិ៤ សង្កាត់ទឹកល្អក់២ ខណ្ឌទួលគោក ខណ្ឌសែនសុខ រាជធានីភ្នំពេញ ។
សម្រាប់សម្ភារៈចាប់យក ម៉ូតូម៉ាក Suzuki next សេ១១០ ពណ៌ស សេរីឆ្នាំ២០២៤ ពាក់ផ្លាកលេខភ្នំពេញ ១KH-៧៨៥១ ចំនួន១គ្រឿង ។ លោក ម៉ម សាវន ឲ្យដឹងទៀតថា សំណុំរឿងនេះមានជនរងគ្រោះ ២នាក់ ម្នាក់ឈ្មោះ ង៉ាន់ សូលីដា ភេទស្រី អាយុ៤២ ឆ្នាំ មុខរបរ មន្ត្រីរាជការ មានទីលំនៅផ្ទះលេខសេ១៦១៤ ផ្លូវលេខ២១៧ ភូមិ៧ សង្កាត់វាលវង់ ខណ្ឌ៧មករា រាជធានីភ្នំពេញ ។ ចំពោះជនរងគ្រោះបែករយៈលើថ្ងាសចំនួន២ កន្លែងដេរចំនួន៣០ ថ្នេរ (រងរបួសធ្ងន់) ។ រីឯសម្ភារៈខូចខាត គឺបែកកញ្ចក់រថយន្តខាងមុខ ចំនួន១ ផ្ទាំង និងឈ្មោះ ចន្ថា សុថន ភេទប្រុស អាយុ៣៧ ឆ្នាំ មុខរបរ នគរបាលជាតិ មានទីលំនៅផ្ទះគ្មានលេខ ផ្លូវបេតុង ភូមិត្រពាំងធ្នង់ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ អត់ត្រូវរបួសស្នាមទេ តែខូចខាតសម្ភារៈ បែកកញ្ចក់រថយន្តខាងមុខ ចំនួន១ ផ្ទាំង ។
សូមជម្រាបថា កាលពីថ្ងៃទី១២ ខែមេសា ឆ្នាំ២០២៤ វេលាម៉ោងប្រហែល១៤ និង៣៣ នាទី មានករណីហិង្សាមួយ បង្កឡើងដោយជនស្ទាវ១ក្រុមចំនួន១៤ នាក់ជិះម៉ូតូចំនួន៧ គ្រឿងបានដេញវាយគ្នា ប្រព្រឹត្តនៅចំណុចផ្លូវបេតុង ភូមិស្រែរាជ្ជៈ សង្កាត់សំរោងក្រោម ខណ្ឌពោធិសែនជ័យ រាជធានីភ្នំពេញ ។ ក្នុងខណៈ នោះជនបង្ក ក៏បានប្រើអំពើហិង្សា លើអ្នកធ្វើដំណើរលើដងផ្លូវសាធារណៈ។
បន្ទាប់ពីកើតមានអំពើហិង្សា និងធ្វើឲ្យខូចខាតទ្រព្យសម្បត្តិអ្នកដទៃនោះ កម្លាំងសមត្តកិច្ចជំនាញការិយាល័យនគរបាលព្រហ្ម ទណ្ឌកម្រិតស្រាលរាជធានីភ្នំពេញ បានស្រាវជ្រាវ និងឃាត់ខ្លួនជនសង្ស័យចំនួន៦ នាក់ ដូចមានឈ្មោះខាងលើនេះបញ្ជូនទៅសាលាដំបូងរាជធានីភ្នំពេញដើម្បីចាត់ការតាមច្បាប់៕
ដោយ ៖ មករា
-
ព័ត៌មានអន្ដរជាតិ៦ ថ្ងៃ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
សន្តិសុខសង្គម១ សប្តាហ៍ agoចាប់ខ្លួនម្ចាស់ហាង «កាកាសាឡន ក្រោយវាយធ្វើបាប និងគំរាមកាត់ម្រាមដៃជើង លើស្រ្តីមេម៉ាយបម្រើក្នុងផ្ទះ
-
កីឡា៦ ថ្ងៃ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
ព័ត៌មានអន្ដរជាតិ៧ ថ្ងៃ agoផ្ទុះផង បាញ់ផង ដុតផង! ភាគខាងត្បូងថៃ កំពុងចលាចល និង វឹកវរខ្លាំង
-
ព័ត៌មានជាតិ៥ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៤ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ សប្តាហ៍ agoផ្ទុះគ្រាប់បែក នៅថៃ របួសទេសចរម៉ាឡេស៊ី ២នាក់
-
កីឡា៦ ថ្ងៃ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi