ព័ត៌មានជាតិ

ចំការស្ពៃអ្នកព្រែកថ្មី ដែលប្រើប្រាស់ជីធម្មជាតិកំពុងលូតលាស់ខៀវខ្ចីល្អណាស់

បានផុស

៦ years មុន

នៅ

ថ្ងៃពុធ ២ ធ្នូ ២០២០

ដោយ

ភ្នំពេញ ៖ ដំណាំស្ពៃរបស់អ្នកភូមិព្រែកថ្មីសង្កាត់ព្រែកថ្មីខណ្ឌច្បារអំពៅរាជធានីភ្នំពេញកំពុងលូតលាស់ខៀវស្រងាត់ដែលធ្វើឲ្យម្ចាស់ចំការញញឹមបិទមាត់មិនជិតគ្រប់ៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រជាកសិករមួយរូបនិយាយថា ដំណាំស្ពៃរបស់គាត់ គឺប្រើប្រាស់តែជីធម្មជាតិដោយមិនប្រើប្រាស់ជីគីមីដូចបន្លែនាំចូលពីប្រទេសជិតខាងឡើយ។ ម្យ៉ាងទៀតបន្លែស្ពៃរបស់កសិករនៅព្រែកថ្មីគឺចាំបាច់កាត់យកទៅលក់នៅទីផ្សារឡើយព្រោះឈ្មួញមកម៉ៅដល់ចំការតែម្តង។

កសិករបានបន្ថែមថា មូលហេតុដែលកសិករយើងនាំគ្នាប្រើតែជីធម្មជាតិដាក់លើបន្លែគ្រប់មុខនេះគឺដោយសារតែម្ចាស់ដំណាំបេះយកមកធ្វើម្ហូបហើយអ្នកភូមិមកទិញយកទៅធ្វើម្ហូបសឹងតែស្ពៃដុះលូតលាស់មិនទាន់ផង។ហើយតម្លៃថ្លៃថ្នូក្នុងមួយគីឡូក្រាមថ្លៃ៣៥០០រៀលបើយកទៅលក់ដល់ផ្សារក្នុងមួយគីឡូក្រាមមិនតិចជាង៥០០០រៀលឡើយ។

កសិករបាននិយាយថា ជីធម្មជាតិដែលពួកគាត់យកទៅដាក់លើបន្លែសព្វថ្ងៃនេះគឺដើមកំប្លោក ដើមកន្ត្រៀងខែតលាយជាមួយអាចមន៍គោ។ ហើយក្នុងនោះប្រជាកសិករសុំឲ្យប្រជាពលរដ្ឋខ្មែរយើងសូមនាំគ្នាបរិភោគបន្លែក្នុងស្រុកទើបមានសុខភាពល្អព្រោះពុំមានដាក់ជីគីមីនាំប៉ះពាល់ដល់សុខភាពនោះ៕
ដោយ ៖ នរា