ព័ត៌មានជាតិ
នេះហើយរូបរាងផ្ទះក្មេងប្រុសទៅសាលាចងព្យួរស្បោងកាតចាក់វ៉ាក់សាំងនៅនឹងក
ពាក់ព័ន្ធទៅនឹងអត្តសញ្ញាណរបស់ក្មេងប្រុសដែលឈរអត់ស្បែកជើង ពាក់ម៉ាស់ មានចងព្យួរស្បោងកាតចាក់វ៉ាក់សាំងនៅនឹងក ត្រូវបានយកមកចែករំលែកតៗគ្នាយ៉ាងផុសផុលនៅក្នុងបណ្តាញសង្គម ជាពិសេសក៏ទទួលបានការចាប់អារម្មណ៍ពីសំណាក់ប្រមុខរដ្ឋាភិបាលសម្តេចតេជោផងដែរ។
ដោយឡែកអភិបាលស្រុកបន្ទាយស្រី លោក ឃឹម ហ្វីណង់ ក៏បានរៀបរាប់បន្ថែមពីគ្រួសារក្មេងប្រុសម្នាក់នេះ។ បើតាមលោកអភិបាលស្រុក ក្មេងប្រុសតូចម្នាក់នេះមានឈ្មោះ គង់ សីហា អាយុ៧ឆ្នាំ រស់នៅក្នុងភូមិត្មាតពង ឃុំរុនតាឯក ស្រុកបន្ទាយស្រី ខេត្តសៀមរាប។ គ្រួសារកុមាររូបនេះស្ថិតក្នុងគ្រួសារដែលមានជីវភាពខ្វះខាត ដែលមានឪពុកម្តាយជាកសិករដើរប្រវាស់ដីស្រែគេធ្វើនៅក្នុងស្រុកស្វាយលើ ដោយហេតុតែមិនមានដីស្រែចម្ការផ្ទាល់ខ្លួនធ្វើនោះទេ។
លោកអភិបាលស្រុកបានបន្តថា ដោយសារជីវភាពខ្វះខាតពេក ឪពុកម្តាយកុមាររូបនេះសូម្បីតែទូរសព្ទក៏មិនមានប្រើផង។
បើតាមលោកឃឹម ហ្វីណង់ កុមាររូបនេះតែងតែទៅតាមឪពុកម្តាយទៅធ្វើស្រែនៅឯស្រុកស្វាយលើ កាលសាលានៅបិទអំឡុងកូវីដ ដែលមិនទាន់អាចចូលរៀនបាន។ តែដល់ពេលសាលាបើកទទួលឱ្យចូលរៀន ទើបឪពុកម្តាយរបស់គេយកមកផ្ញើរជាមួយមីង ឬអ្នកជិតខាងនៅជាប់ផ្ទះឱ្យជួយមើល ដើម្បីឱ្យកូនបានចូលរៀននឹងគេ។
ដោយសារឪពុកម្តាយរបស់សីហាមិនមានទូរសព្ទប្រើប្រាស់ លោកអភិបាលស្រុកបានបញ្ជាក់ថា ប្រសិនមានសប្បុរសជនចង់ទំនាក់ទំនងជួយឧបត្ថម្ភតាមរយៈរូបភាពណាមួយ អាចទំនាក់ទំនងដោយផ្ទាល់ទៅកាន់លេខទូរសព្ទ ០៩៧ ៦៩៨ ៥៤៧០ (លោកយាយ ដូ តាំ) ដែលត្រូវជាជីដូនរបស់ក្មួយប្រុសសីហាបាន៕
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៧ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៧ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៧ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ២២ ម៉ោង ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)