អុំទូកថ្ងៃទី១ ភ្ញៀវទេសចរ មក​កម្សាន្ដខេត្តព្រះសីហនុ កើនឡើង តែភ្ញៀវមិនចូលតាមព្រលានយន្តហោះនោះទេ

អភិបាលរងខេត្តព្រះសីហនុ លោកឡុង ឌីម៉ង់ បានបញ្ជាក់ឱ្យដឹងថា ក្នុងព្រះរាជពិធីបុណ្យអុំទូក ថ្ងៃទី១ ត្រូវនឹងទី១៨ ខែវិច្ឆិកា ឆ្នាំ២០២១នេះ បើធៀបនឹងឆ្នាំ ២០២០ ស្ថានភាពភ្ញៀវទេសចរ ដែលមកកម្សាន្ដនៅខេត្តព្រះសីហនុ មានការ​កើនឡើង ប៉ុន្តែពុំមានភ្ញៀវចូលតាមព្រលានយន្ត ហោះអន្តរជាតិក្រុងព្រះសីហនុនោះទេ។

លោកឡុង ឌីម៉ង់ បានបញ្ជាក់ថា សម្រាប់ព្រះរាជពិធីបុណ្យអុំទូក ថ្ងៃទី១ ត្រូវនឹងទី១៨ ខែវិច្ឆិកាឆ្នាំ២០២១នេះ ភ្ញៀវទេសចរ ដែលមកកម្សាន្ដនៅខេត្តព្រះសីហនុ បើធៀបនឹងឆ្នាំ ២០២០ មានដូចខាងក្រោម៖
ភ្ញៀវសរុបចំនួន១៨.០៧៣ កើនឡើង១៤,៧២%
ភ្ញៀវជាតិ ១៦.៩៨៤ កើនឡើង១២,៨៧%។
ភ្ញៀវបរទេស ១,០៨៩នាក់ កើនឡើង៥៤,២៤%។

លោកបន្តថា ពុំមានភ្ញៀវចូលតាមព្រលានយន្ត ហោះអន្តរជាតិក្រុងព្រះសីហនុទេ។ ភ្ញៀវទេសចរណ៌ទៅកម្សាន្តតាមកោះ នានាមាន៖
ភ្ញៀវសរុប ១.៣៥៨នាក់ កើនឡើង ៩៧,៦៧

ភ្ញៀវជាតិ ១,២៥៣នាក់ កើនឡើង១៣៧,៧៦%

ភ្ញៀវបរទេស ១០៥នាក់ ថយចុះ៣៤,៣៧%។

លោកបន្តទៀតថា ភ្ញៀវទៅកម្សាន្តតាមបណ្តាឆ្នេរនិង រមណីយដ្ឋាននានា៖

ភ្ញៀវសរុប១៦,៦៨១នាក់ កើនឡើង១១,៤៧% ក្នុងនោះ ភ្ញៀវជាតិ១៥,៧០១នាក់ កើនឡើង៧,៦៣%
ភ្ញៀវបរទេស៩៨០នាក់ កើនឡើង១៥៩,៩៤%។

ក្នុងនោះដែរលោកអភិបាលរងបានសូមឱ្យបងប្អូនប្រជាពលរដ្ឋបន្តអនុវត្តវិធាន ៣កុំ ៣ការពារ ឲ្យបានជាប់លាប់និងម៉ឺងម៉ាត់ ដើម្បីសុវត្ថិភាពនិងរីករាយក្នុងថ្ងៃឈប់សម្រាក៕

អត្ថបទៈ ស្រីរ័ត្ន