សន្តិសុខសង្គម
សមត្ថកិច្ចវៀតណាម ជួយសង្គ្រោះនារីខ្មែរចំនួន២ នាក់ ចាញ់បោកមេខ្យល់នាំយកទៅលក់នៅប្រទេសទីបី
លោក កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា បានឲ្យដឹងនារសៀលថ្ងៃទី ២៩ ខែវិច្ឆិកាថា កាលពីថ្ងៃទី ១៣ ខែវិច្ឆិកា ឆ្នាំ២០២១ អាជ្ញាធរមានសមត្ថកិច្ចវៀតណាម បានជួយសង្គ្រោះនារីខ្មែរចំនួន ២នាក់ ដែលបានចាញ់បោកក្រុមមេខ្យល់នាំយកទៅលក់ទៅកាន់ប្រទេសទីបី។
លោក កុយ គួង ឱ្យដឹងថា នារីរងគ្រោះត្រូវបានក្រុមទុច្ចរិតបោកបញ្ឆោតថា នាំទៅធ្វើការងារនៅក្បែរព្រំដែនកម្ពុជា- វៀតណាម ដោយទទួលបានប្រាក់ខែ ១,៥០០ ដុល្លារក្នុងមួយខែ។ នៅថ្ងៃទី ១០ ខែវិច្ឆិកា ឆ្នាំ២០២១ មេខ្យល់បាននាំនារីរងគ្រោះទាំង ២នាក់ លួចឆ្លងដែនចូលវៀតណាមដោយខុសច្បាប់ (ពុំមានលិខិតឆ្លងដែន) ធ្វើដំណើរដោយថ្មើរជើងរត់កាត់ព្រៃ និងវាលស្រែនៅពេលយប់។
នៅថ្ងៃទី១៣ ខែវិច្ឆិកា ឆ្នាំ២០២១ កម្លាំងយោធាការពារព្រំដែនវៀតណាម បានត្រួតពិនិត្យ និងរកឃើញនារីរងគ្រោះទាំងពីរនាក់ និងបានជួយសង្រ្គោះ និងនាំពួកគេទៅកាន់មណ្ឌលចត្តាឡីស័ក រយៈពេល១៤ថ្ងៃ។
លោក កុយ គួង ឱ្យដឹងទៀតថា ស្ថានទូតបានទៅទទួលនារីរងគ្រោះខាងលើនៅថ្ងៃទី២៧ ខែវិច្ឆិកា ឆ្នាំ២០២១ និងរៀបចំនីតិវិធីបញ្ជូនត្រទ្បប់មកកម្ពុជា តាមរថភ្លើងពីទីក្រុងហាណូយ នៅថ្ងៃទី ២៩ ខែវិច្ឆិកា ឆ្នាំ២០២១ វេលាម៉ោង១៥ និង២០ នាទី និងទៅដល់ទីក្រុងហូជីមិញ នៅថ្ងៃទី ១ ខែធ្នូ ឆ្នាំ ២០២១ វេលាម៉ោង ០៥ និង ៥០ នាទីព្រឹក។
ស្ថានអគ្គកុងស៊ុលប្រចាំទីក្រុងហូជីមិញ នឹងបញ្ជូនបន្តទៅព្រំដែន ហើយអាជ្ញាធរខេត្តស្វាយរៀង និងមន្ទីរសង្គមកិច្ច នឹងរង់ចាំទទួលនៅច្រកទ្វារព្រំដែនអន្តរជាតិបាវិត-ម៉ុកបាយ។
ជាមួយគ្នានោះ ស្ថានឯកអគ្គរាជទូត ស្នើបងប្អូនប្រជាពលរដ្ឋ ជាពិសេសពលការនីបម្រើដែលការងារតាមរោងចក្រ សូមមេត្តាប្រុងប្រយ័ត្នឱ្យបានខ្ពស់ កុំជឿតាមល្បិចបោកបញ្ឆោតរបស់ក្រុមទុច្ចរិតជួញដូរមនុស្ស និងសូមរាយការណ៍ជូនអាជ្ញារធរមានសមត្ថកិច្ចដែលនៅជិតបំផុត ប្រសិនបើមានករណីសង្ស័យ៕
អត្ថបទ៖ កោះកែវ
-
សេដ្ឋកិច្ច៦ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៧ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៧ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)