Connect with us

ព័ត៌មានជាតិ

អតីតតំបន់ទ័ពខ្មែរក្រហមឈរ​ជើង បាន​តភ្ជាប់​អគ្គិសនី​ប្រើប្រាស់

បានផុស

នៅ

លោកគួច ចំរើន អភិបាលខេត្តព្រះសីហនុបានដឹកនាំមន្រ្តីជំនាញចុះពិនិត្យការតបណ្តាញអគ្គីសនីជូនប្រជាពលរដ្ឋដែលរស់នៅចំណុចតាមូងផ្អែម ស្ថិតនៅភូមិស្ទឹងឆាយខាងត្បូង ឃុំស្ទឹងឆាយ ស្រុកកំពង់សីលា ដើម្បីឱ្យប្រជាពលរដ្ឋមានអគ្គីសនីប្រើប្រាស់គ្រប់ខ្នងផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណុចតាមូងផ្អែមនេះ គឺជាអតីតតំបន់ក្តៅ ដែលកងទ័ពខ្មែរក្រហមឈរជើង ហើយស្ថិតនៅដាច់ស្រយាលឆ្ងាយពីទីប្រជុំជន និងមិនមានអគ្គីសនីប្រើប្រាស់ឡើយ។ បច្ចុប្បន្ននេះមានប្រជាពលរដ្ឋរស់នៅចំនួន១១៥គ្រួសារ ស្មើនឹង​៣៨៤នាក់ ស្រី១៩៣នាក់ មាន ៩២ខ្នងផ្ទះ និងមានមត្តេយ្យសិក្សាសហគមន៍ចំនួន១ខ្នង មានសិស្សចំនួន១៩នាក់ ស្រី៤នាក់ ព្រមទាំងមានសាលាបឋមសិក្សាចំនួន១ខ្នងមានសិស្សសរុប ៩៦នាក់ ស្រី៥៥នាក់។

ក្នុងការចុះត្រួតពិនិត្យការតបណ្តាញអគ្គីសនីកាលពីថ្ងៃទី០៤មករាម្សិលមិញ លោក គួច ចំរើន បានធ្វើការសម្របសម្រួលផលប៉ះពាល់ និងមានការធ្វើសម្បទានពីអ្នកឧកញ៉ា ម៉ុង ឫទ្ធី អគ្គនាយកក្រុមហ៊ុន ម៉ុង ឫទ្ធី គ្រុប ដោយបានកាប់ដើមដូងប្រេង និងដើមឈើរាប់រយដើមដើម្បីរត់បណ្តាញអគ្គិសនី។

ជាមួយគ្នានេះដែរ លោកអភិបាលខេត្តបានចាត់ឱ្យអគ្គិសនីខេត្តព្រះសីហនុ សហការជាមួយអាជ្ញាធរស្រុកកំពង់សីលា ចុះតបណ្តាញអគ្គីសនីនៅតំបន់ខាងលើឱ្យបានលឿន ដើម្បីសម្រួលដល់ការរស់នៅ និងប្រកបរបរប្រចាំថ្ងៃរបស់បងប្អូនប្រជាពលរដ្ឋ។

ក្នុងឱកាសនោះ លោកអភិបាលខេត្តមានប្រសាសន៍សំណេះសំណាលសួរសុខទុក្ខ និងស្វែងយល់ពីជីវភាពរស់នៅប្រចាំថ្ងៃរបស់បងប្អូនប្រជាពលរដ្ឋ នៅតំបន់ខាងលើទៅតាមខ្នងផ្ទះ និងបានឧបត្ថមថវិកាដល់ស្រ្តីមាន ផ្ទៃពោះចំនួន៣នាក់ ក្នុងម្នាក់ទទួលបានថវិកា ២០ម៉ឺនរៀល ដើម្បីជួយសម្រួលដល់ការចំណាយនៅពេលសម្រាលកូននាពេលខាងមុខ។

ជាមួយគ្នានេះ លោក អភិបាលខេត្ត ក៏បានណែនាំ និងជំរុញដល់ក្រុមការងារតបណ្តាញអគ្គីសនី ត្រូវពន្លឿនការងាររបស់ខ្លួនដើម្បីឱ្យប្រជាពលរដ្ឋមានអគ្គីសនីប្រើប្រាស់គ្រប់ខ្នងផ្ទះបានឆាប់រហ័ស៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ នាទី មុន

U-17 និង U-20 កម្ពុជា ពុំចូលរួមប្រកួតជម្រុះពានយុវជនអាស៊ី ជាលើកដំបូង ក្រោយចូលរួមជាប់លាប់ ២ រដូវកាលចុងក្រោយ

ព័ត៌មានជាតិ២៥ នាទី មុន

បាក់ទំនប់ស្តុកទឹករបស់ក្រុមហ៊ុនចម្ការចេក ហ័ងអញ់ វៀតណាម លិចផ្ទះពលរដ្ឋជាង១០០ខ្នង (មានវីដេអូ)

នយោបាយ៣៤ នាទី មុន

គណបក្សខ្មែរស្រឡាញ់ជាតិ ផ្តោត​សំខាន់​លើការ​​ចុះ​តាម​ផ្ទះ​របស់ប្រជាពលរដ្ឋ​ អំឡុងពេលឃោសនា

សន្តិសុខសង្គម៤៦ នាទី មុន

មន្ត្រីជំនាញ កំពុងចុះត្រួតពិនិត្យការដ្ឋាន​សាងសង់អគារមួយកន្លែង ដែល​ដាច់ខ្សែ​យោងជណ្តើរ​​​​​យន្តបណ្ដាលឲ្យមនុស្ស ៤នាក់ស្លាប់

ព័ត៌មានអន្ដរជាតិ១ ម៉ោង មុន

លោក គីម ជុងអ៊ុន ពាក់ម៉ាសដល់ទៅ ២ ជាន់ការពារឆ្លងកូវីដ

Sokha Hotels

ព័ត៌មានពេញនិយម