Connect with us

ព័ត៌មានជាតិ

ក្រសួងទេសចរណ៍ រំពឹងថា អ្នកវិនិយោគថៃ នឹងមកវិនិយោគ​វិស័យ​ទេសចរណ៍​នៅ​កម្ពុជាកាន់តែច្រើន​

បានផុស

នៅ

លោកបណ្ឌិត សុខ សុក្រឹត្យា ទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន និង​ជា​រដ្ឋលេខា​ធិការ​ក្រសួង​ទេសចរណ៍ ​បាន​បង្ហាញក្តីរំពឹង​ថា ​អ្នកវិនិយោគរបស់​ថៃ ​នឹង​បង្កើន​ការ​វិនិយោគទុន​ផ្នែក​វិស័យ​ទេស​ចរណ៍​នៅ​កម្ពុជា​បន្ថែម​ទៀត​ ខណៈ​បច្ចុប្បន្ន​ ប្រទេសកម្ពុជា ​បាន​បើក​ដំណើរការ​សេដ្ឋកិច្ច​ប្រទេស​ឡើង​វិញ​ក្រោយជួប​នូវវិបត្តិ​នៃ​ការ​រីករាលដាល​នូវ​មេរោគ​កូវីដ១​៩​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងកិច្ចសម្ភាសន៍ជាមួយទូរទស្សន៍ថៃ កាលពីពុធ លោកសុខ សុក្រឹត្យា បានលើកឡើងថា ជាមួយ​នឹងការបើកប្រទេសឡើងវិញ លោករំពឹងថា​ ជនជាតិ​ថៃ ​និង​អ្នកវិនិយោគថៃ​នឹង​សម្រុក​ចូល​មក​ទស្សនាក​ម្សាន្ត​នៅ​កម្ពុជា ​ខណៈការរឹតត្បិតនៃការចេញចូលទាំងផ្លូវអាកាស​ និង​ផ្លូវ​ គោក​មិន​មាន​លក្ខខណ្ឌ​ច្រើន​ ដូច​បណ្តា​ប្រទេស​គេ​នោះ។​ លោក សុខ សុក្រឹត្យា បានប្រាប់ដល់ពិធីការិនីថៃថា៖​«កម្ពុជា បាន​បើក​ប្រទេស​ឡើងវិញ​ហើយតាំងពីអំឡុងខែវិច្ឆិកា ឆ្នាំ២០២១ កន្លងមក ប៉ុន្តែ​ក្រុមការងា​រ​ថ្នាក់មូលដ្ឋាន​តាម​ជាយដែន​រវាង​ប្រទេសទាំ​ងពីរ កំពុងជជែក​ពិភាក្សា​ជាមួយ​គ្នា​ទាក់ទង​នឹង​ការ​បើក​ច្រកទ្វារ​តាម​ព្រំដែន ​សំដៅធ្វើយ៉ាងណា​ផ្តល់​សុវត្ថិភាព​ និង​ផ្តល់កា​រ​សប្បាយ​រីករាយ​សម្រាប់​អ្នកទេសចរ​នៃប្រទេស​ទាំងពីរ ហើយក្រុមការងារកំពុងជំរុញបញ្ហានេះឱ្យបានឆាប់រហ័សផងដែរ»។

លោក សុខ សុក្រឹត្យា ក៏បានប្រាប់ដល់ជនជាតិថៃ និងអ្នកវិនិយោគិនថៃផងដែរថា​ ការធ្វើ​ដំណើរ​ចេញ​ចូល​ប្រទេស​កម្ពុជា​ គឺពុំ​មាន​ការ​រឹតបន្តឹង​អ្វីខ្លាំងក្លា​នោះទេ​ ពោល​ គឺ​អ្នកទេសចរ​ដែល​ចាក់វ៉ាក់​សាំង​ពេញ​លេញ ​ឬចាប់​ពី ​២ ដូសឡើង ​ធ្វើដំណើរទៅកម្ពុជាតាមយន្តហោះ គឺគ្រាន់តែបង្ហាញលិខិត PCR Test ៧២ម៉ោងមុនចេញដំណើរ និងធ្វើតេស្តរហ័ស​ពេលមក​ដល់​អាច​ចូល​ទស្សនា​កម្ពុជាបាន​ដោយសេរី​តែម្តង​គ្មាន​ការដាក់​កំហិតឱ្យធ្វើចតាឡីស័កទេ។

វិស័យទេសចរណ៍កម្ពុជា នៅមានសក្តានុពលច្រើនទៀតដែលមិនទាន់យកមកប្រើប្រាស់ ក្នុងនេះ​មិនទាន់​រាប់បញ្ចូលផ្នែកវប្បធម៌ សិល្បៈ ជំនឿ អរូបីយ គ្រូទាយ ពីព្រោះថា គ្រូទាយ​នៅកម្ពុជា​មានពូកែៗ​ច្រើន​ណាស់​។ គ្រាន់តែរបស់អស់ទាំងនេះ កម្ពុជាមិនទាន់បានគាស់ឡើងមក ដើម្បី​យកមក​ប្រើប្រាស់​នៅ​ឡើយ​​។ ក្នុងនាមជាអ្នកនយោបាយជំនាន់ថ្មី លោក សុខ សុក្រឹត្យា ថា នឹង​គាស់កកាយ​វិស័យ​ដ៏គួរ​ឱ្យ​ចាប់អារម្មណ៍ និងវប្បធម៌សម័យបុរាណមក ដើម្បីឱ្យអ្នកទេសចរបានឃើញ និងទស្សនានាថ្ងៃអនាគត ជាពិសេស គឺជនជាតិថៃ និងអ្នកវិនិយោគថៃតែម្តង។

សូមបញ្ជាក់ថា លោក សុខ សុក្រឹត្យា បានធ្វើទស្សនកិច្ចនៅប្រទេសថៃនេះ  គឺក្នុង​នាម​តំណាង​សម្តេច​តេជោ​ហ៊ុន សែន​ នាយករដ្ឋមន្រ្តីនៃប្រទេសកម្ពុជា ដើម្បី​ជជែកពិភាក្សា​ជាមួយ​មន្រ្តី ​និង​ថ្នាក់ដឹកនាំ​របស់​ប្រទេសថៃ ក្នុងគោលបំណង​រឹតចំណងមិត្តភាពកម្ពុជា-ថៃឲ្យកាន់តែល្អប្រសើរបន្ថែមទៀត លើគ្រ​ប់​វិស័យ​ ជាពិសេស គឺវិស័យទេសចរណ៍ និងពាណិជ្ជកម្មនេះតែម្តង។ លោក សុខ សុក្រឹត្យា បាន​ជួបជាមួយ​ថ្នាក់​ដឹកនាំថៃ និងបានជជែកអំពីការផ្លាស់ប្តូរអ្នកទេសចរគ្នា ដូចជា ការផ្លាស់​ប្តូរអ្នកទេសចរ​ពីភាគ​ឦសាន​ខាងត្បូង​របស់ថៃ រួមមាន ខេត្តស៊ីសាកេត បុរីរ៉ាំ សុរិន្ទ ជាមួយខេត្តសៀមរាបរបស់កម្ពុជា៕

អត្ថបទ ៖ វណ្ណ  សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ក្រុមប្រឹក្សាសន្តិសុខអង្គការសហប្រជាជាតិទាមទារឱ្យមានបទឈប់បាញ់ជាបន្ទាន់រវាង អ៊ីស្រាអែល និងក្រុមសកម្មប្រយុទ្ធប៉ាឡេស្ទីន

សន្តិសុខសង្គម៣ ម៉ោង មុន

អគ្គ​លេខាធិការដ្ឋាន​នៃ គ.ល.ក. ជូន​ដំណឹង​ដល់​សាធារណជន​កុំ​​ឱ្យ​ចូល​រួម​សកម្មភាព​កាស៊ីណូអនឡាញ​​

ព័ត៌មានជាតិ៣ ម៉ោង មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ម៉ោង មុន

សមត្ថកិច្ចបញ្ជាក់ករណី​​សំណុំ​រឿង​ក្រុមហ៊ុន CIC ខុស​ពីករណី​សំណុំ​រឿង​ក្រុមហ៊ុន ឡេង ចាន់ណា

ព័ត៌មានជាតិ៥ ម៉ោង មុន

ក្រសួង​ការងារ​នាំ​យក​ឱកាស​ការងារ​ជាង ៨០០០ កន្លែង​ដល់ក​ម្មករ​រោងចក្រ អ​.​ជី ហ៊្វូត​វែ​រ

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៥ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម