ព័ត៌មានជាតិ

គ្រឿងចក្រចាប់ផ្តើមឈូសឆាយពង្រីកផ្លូវជាតិលេខ ៤

បានផុស

៤ years មុន

នៅ

ថ្ងៃព្រហស្បតិ៍ ២៧ មករា ២០២២

ដោយ

រដ្ឋមន្រ្តីក្រសួងសាធារណការនិងដឹកជញ្ជូនបានឲ្យដឹងថា គម្រោងស្តារផ្លូវជាតិលេខ ៤ ជិតបញ្ចប់កិច្ចព្រមព្រៀងទាំងស្រុងដើម្បីឈានទៅបើកការដ្ឋានសាងសង់។

លោក ស៊ុន ចាន់ថុល រដ្ឋមន្រ្តីក្រសួងសាធារណការនិងដឹកជញ្ជូនបានថ្លែងនៅព្រឹកនេះថា ក្រសួងបានផ្តល់កិច្ចព្រមព្រៀងសាងសង់ដល់ក្រុមហ៊ុនចំនួន ៣ និង ២ ទៀតនឹងបញ្ចប់ឆាប់ៗខាងមុខនេះ។ យ៉ាងយូរចុងខែមីនា ឬដើមខែមេសានេះ កិច្ចព្រមព្រៀងទាំងអស់ក្នុងការស្តារផ្លូវជាតិលេខ ៤ នឹងបញ្ចប់ជាស្ថាពរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោករដ្ឋមន្រ្តីបានឲ្យដឹងបន្តថា ជាក់ស្តែងពេលនេះក្រុមហ៊ុនដែលទទួលម៉ៅការបានចាប់ផ្ដើមដាក់គ្រឿងចក្រឈូសឆាយ ក្នុងជំហានទៅពង្រីកផ្លូវជាតិលេខ ៤ ដែលជាគម្រោងស្តារធ្វើឲ្យប្រសើរលើកំណាត់ផ្លូវភ្ជាប់ទៅកំពង់ផែសមុទ្រនេះ។

បើតាមមន្រ្តីអ្នកនាំពាក្យក្រសួងសាធារណការ និងដឹកជញ្ជូនបានឲ្យដឹងថា គម្រោងស្តារនិងស្ថាបនាផ្លូវជាតិលេខ៤ ឡើងវិញ នឹងត្រូវប្រើពេលប្រមាណ ២ ឆ្នាំ។ ផ្លូវជាតិនេះនឹងត្រូវពង្រីកឱ្យធំជាងបច្ចុប្បន្ន ដោយគ្រោងចំណាយថវិកាប្រមាណ១០០ លានដុល្លារអាមេរិក ដែលជាកម្ចីហិរញ្ញប្បទានរបស់ធនាគារពិភពលោក (WB)។

ផ្លូវជាតិលេខ៤ ដែលតភ្ជាប់ពីរាជធានីភ្នំពេញទៅខេត្តព្រះសីហនុ មានចម្ងាយប្រមាណជាង ២០០ គីឡូម៉ែត្រ គ្រោងពង្រីកពី ៧ ទៅ១០ម៉ែត្រ ខណៈស្ថានភាពជាក់ស្ដែងនៃផ្លូវជាតិនេះ បច្ចុប្បន្នមានទំហំតូចនិងមានចំណុចខ្លះត្រូវរងការខូចខាត ដោយសារការដឹកលើសចំណុះរបស់រថយន្តធុនធំនិងទឹកហូរកាត់ផ្លូវនៅរដូវវស្សា៕

អត្ថបទ៖ ប៊ុណ្ណារ៉ា

Related Topics:ហេដ្ឋារចនាសម្ព័ន្ធ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា