ព័ត៌មានជាតិ
ក្រុមហ៊ុនអចលនទ្រព្យដ៏ធំមួយ មានបំណងចង់វិនិយោគ នៅខេត្តព្រះសីហនុ
ក្រុមហ៊ុន SUNWAH ដែលធ្វើការវិនិយោគលើអចលនទ្រព្យ នៅលើពិភពលោក បានចាប់អារម្មណ៍វិនិយោគលើវិស័យអចលនទ្រព្យ នៅខេត្តព្រះសីហនុ។
នៅក្នុងជំនួបសម្ដែងការគួរសមជាមួយលោក គួច ចំរើន អភិបាលខេត្តព្រះសីហនុ កាលពីថ្ងៃទី ១៧ខែកុម្ភៈ លោក Jason Choi នាយកក្រុមហ៊ុន SUNWAH បានថ្លែងអំគុណលោកអភិបាលខេត្ត ដែលបានអនុញ្ញាតឲ្យប្រតិភូរបស់លោក ចូលជួបសម្តែងការគួរសម និងស្វែងយល់ពីសក្តានុពលវិនិយោគ នៅខេត្តព្រះសីហនុ។
លោកបានមានប្រសាសន៍ថា កន្លងមកក្រុមហ៊ុន SUNWAH បានធ្វើការវិនិយោគលើអចលនទ្រព្យ នៅលើពិភពលោក ដែលមានសាខានៅហុងកុង ចិន វៀតណាម ជប៉ុន កាណាដា ហើយពេលនេះក្រុមហ៊ុន មានគោលបំណងវិនិយោគអចលនទ្រព្យ នៅខេត្តព្រះសីហនុ ដែលជាឱកាសដ៏ល្អមួយ និងជាការបើកទំព័រថ្មី ផងដែរ។
លោកអភិបាលខេត្ត បានស្វាគមន៍ចំពោះក្រុមហ៊ុន SUNWAH ដែលចង់វិនិយោគ លើវិស័យអចលនទ្រព្យ នៅខេត្តព្រះសីហនុ ស្របពេលដែលខេត្ត បានធ្វើការអភិវឌ្ឍអគារខ្ពស់ជាច្រើន ទោះបីជារយៈពេលពីរឆ្នាំកន្លងមក ខេត្តព្រះសីហនុរងផលប៉ះពាល់ ដោយសារជំងឺកូវីដ-១៩ តែខេត្តព្រះសីហនុ នៅតែមានការវិនិយោគលើអចលនទ្រព្យ ជាបន្តបន្ទាប់។
លោកអភិបាលខេត្ត បានបន្តថា រាជរដ្ឋាភិបាលបានដាក់ចេញ នូវគោលនយោបាយប្រែក្លាយខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង និងជាទីក្រុងហិរញ្ញវត្ថុ។ រាជរដ្ឋាភិបាល បានបង្កើតក្រុមការងារអន្តរក្រសួង រៀបចំគ្រប់គ្រងដីធ្លី និងកំពុងប្រមូលព័ត៌មានដីធ្លី សំដៅប្រែក្លាយខេត្តព្រះសីហនុ ជាខេត្តស្នាក់នៅ ទេសចរណ៍ វិនិយោគ និងអចលនទ្រព្យ។
ទន្ទឹមនោះខេត្ដព្រះសីហនុ មានសក្តានុពល ដូចជា៖ អាកាសយានដ្ឋានអន្តរជាតិ មានផ្លូវរត់រហូត ៣,៣០០ម៉ែត្រ ស្ថានីយ៍អ្នកដំណើរអាចទទួលភ្ញៀវ ៣លាននាក់ក្នុងមួយឆ្នាំ និងកសាងស្ថានីយ៍ចេញដំណើរកម្រិតអន្តរជាតិ។ ខេត្តមានកំពង់ផែអន្តរជាតិទឹកជ្រៅ រាជរដ្ឋាភិបាលកម្ពុជា បានសហការជាមួយរដ្ឋាភិបាលជប៉ុន ដើម្បីអភិវឌ្ឍកំពង់ផែទឹកជ្រៅជំហានទីមួយ និងទីពីរនៅឆ្នាំ២០២៥ អាចឲ្យនាវា ដែលមានជម្រៅទឹក១៣,៥០ម៉ែត្រ អាចចូលចតបាន ដែលធ្វើឲ្យតម្លៃដឹកជញ្ជូនអាចប្រកួតប្រជែង។ ខេត្តមានផ្លូវល្បឿនលឿន ដែលអាចបើកឲ្យដំណើរការនៅខែកក្កដា ឆ្នាំ ២០២២ខាងមុខ ដែលជាសក្តានុពលគាំទ្រ ដល់ការអភិវឌ្ឍខេត្តព្រះសីហនុ៕
អត្ថបទ៖ សំអឿន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ