ព័ត៌មានជាតិ

រដ្ឋបាលរាជធានីភ្នំពេញជួសជុល ផ្លូវមានជង្ហុកសំបុកមាន់ តាមបណ្ដោយមហាវិថីកម្ពុជាក្រោម ចាប់ពីផ្សារធំថ្មី ដល់ស្ពានអាកាស៧មករា

បានផុស

២ years មុន

នៅ

ថ្ងៃអង្គារ ២២ មីនា ២០២២

ដោយ

ភ្នំពេញ ៖ រដ្ឋបាលរាជធានីភ្នំពេញបាននឹងកំពុងយកចិត្តទុកដាក់ ជាប្រចាំ ក្នុងការជួសជុលផ្លូវខូចខាត ជង្ហុកសំបុកមាន់ ដោះស្រាយការកក់ស្ទះចរាចរណ៍និងរៀបចំសណ្ដាប់ធ្នាប់ អនាម័យ សាធារណៈ នៅតាមបណ្ដាមហាវិថីតូចធំ នៅក្នុងមូលដ្ឋានទាំង១៤ខណ្ឌ នៃភូមិសាស្ត្ររាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅថ្ងៃទី២២មីនានេះ ដោយមានការណែនាំពីលោកឃួង ស្រេង អភិបាលរាជធានីភ្នំពេញ មន្ទីរសាធារណការនិងដឹកជញ្ជូនរាជធានីភ្នំពេញ បានធ្វើការជួសជុលផ្លូវ ខូចបន្តិចបន្តួច ដូចជាជង្ហុកសំបុកមាន់ នៅតាមអមសងខាងមហាវិថីកម្ពុជាក្រោម ដោយចាប់ពីផ្សារធំថ្មី រហូតដល់ចំណុចស្ពានអាកាស៧មករា ស្ថិតក្នុងមូលដ្ឋានខណ្ឌដូនពេញ ខណ្ឌ៧មករា និងខណ្ឌទួលគោក ។

សូមបញ្ជាក់ផងដែរ កន្លងមកនេះនៅអមសងខាងមហាវិថីកម្ពុជាក្រោមនេះ មានការខូចខាត ដោយមានជង្ហុក តូចៗជាច្រើនធ្វើឲ្យបងប្អូនពលរដ្ឋពិបាកក្នុងការធ្វើដំណើរ ។ ដោយមើលឃើញពីបញ្ហានេះរដ្ឋបាលរាជធានីភ្នំពេញ បានចាត់ឲ្យមន្ត្រីជំនាញចុះជួសជុលបណ្ដោយមហាវិថីកម្ពុជាក្រោមនេះឲ្យមានសភាពល្អប្រសើរឡើងវិញភ្លាមដែរ ដើម្បីសម្រួលដល់ការធ្វើដំណើររបស់បងប្អូនប្រជាពលរដ្ឋអោយកាន់តែប្រសើរឡើង៕

ដោយ ៖ ស្រីរ័ត្ន