Connect with us

ព័ត៌មានជាតិ

អ្នកនាំពាក្យស្នងការក្រុងភ្នំពេញ អំពាវនាវដល់អ្នកកាសែត ឲ្យចូលរួមគោរពច្បាប់ចរាចរណ៍

បានផុស

នៅ

អ្នកនាំពាក្យស្នងការនគរបាលរាជធានីភ្នំពេញ បានធ្វើការអំពាវនាវដល់អ្នកសារព័ត៌មានចូលរួមគោរពច្បាប់ចរាចរណ៍ និងធ្វើជាគំរូដ៏ល្អសម្រាប់ប្រជាពលរដ្ឋទូទៅ ដើម្បីឱ្យការអនុវត្តការរឹតបន្តឹងច្បាប់ចរាចរណ៍កាន់តែមានប្រសិទ្ធភាពសំដៅកាត់បន្ថយអត្រាគ្រោះថ្នាក់ចរាចរណ៍ឱ្យកាន់តែថយចុះថែមទៀត។ ការអំពាវនាវនេះ ធ្វើឡើងបន្ទាប់ពីមានអ្នកសារព័ត៌មានម្នាក់ បានផ្សព្វផ្សាយព័ត៌មានមិនពិតពាក់ព័ន្ធនឹងការល្មើសច្បាប់ចរាចរណ៍របស់ខ្លួននៅរង្វង់មូលចោមចៅដោយអ្នកសារព័ត៌មាននោះបានប្រើកាយវិការ និងអត្តចរិតមិនសមគួរមកលើមន្រី្តអនុវត្តន៍ច្បាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បានបកស្រាយបំភ្លឺ និងបដិសេធចំពោះការចុះផ្សាយខុសពីការពិតនេះ ដោយចោទប្រកាន់មន្ត្រីអនុវត្តន៍ច្បាប់បានគំរាមអ្នកបើកបរល្មើស។ ស្នងការដ្ឋាននគរបាលរាជធានីភ្នំពេញបានបំភ្លឺទៀតថា កាលពីរសៀលថ្ងៃទី២៣ ខែមីនា ឆ្នាំ២០២២  មានបុរសម្នាក់បើកម៉ូតូម៉ាក វីននរ ទិសដៅពីមហាវិថីសហព័ន្ធរុស្ស៊ីទៅផ្លូវជាតិលេខ៤ ដោយមិនបានពាក់គន្លឹះមួកសុវត្ថិភាពឲ្យបានត្រឹមត្រូវ និងដៃកាន់ទូរសព្ទ័ដៃ។ ឃើញដូច្នេះ មន្ត្រីអនុវត្តច្បាប់ចរាចរណ៍ក៏ធ្វើការហៅអ្នកបើកបរឱ្យឈប់ ដើម្បីសួរនាំ និងធ្វើការអប់រំណែនាំ តែអ្នកបើកបរល្មើសនោះដោយអាងខ្លួនជាអ្នកសារព័ត៌មាន ក៏ប្រើកាយវិការ និងអត្តចរិតមិនសមគួរមកលើមន្រី្តអនុវត្តន៍ច្បាប់ ហើយដើរចេញបាត់។

ស្នងការដ្ឋាននគរបាលរាជធានីភ្នំពេញបានបន្តទៀតថា ក្នុងនាមអ្នកសារព័ត៌មានគួរតែធ្វើជាគំរូដ៏ល្អសម្រាប់ប្រជាពលរដ្ឋទូទៅ ដោយចូលរួមគោរពច្បាប់ ជាពិសេស គួរចែកចាយតែព័ត៌មានពិត មិនគួរចែកចាយព័ត៌មានមិនពិត ព្រោះតែខ្លួនល្មើសច្បាប់ ដែលត្រូវបានសមត្ថកិច្ចហៅឱ្យឈប់ដើម្បីអនុវត្តច្បាប់នោះទេ។

លោក សាន សុខ​សីហា អ្នកនាំពាក្យ​ស្នងការ​នគរបាល​រាជធានី​ភ្នំពេញ​បានប្រាប់«កម្ពុជាថ្មី»នៅព្រឹកថ្ងៃទី២៦មីនា​ថា ៖ «ទាក់ទិននឹងការអនុវត្តការរឹតបន្តឹងច្បាប់ចរាចរណ៍នេះ គឺអនុវត្តមិនថាអ្នកណាឬជាអ្នកណានោះទេឱ្យតែល្មើសច្បាប់គឺអនុវត្តដូចគ្នា។ តែឃើញថា មួយរយៈចុងក្រោយនេះមានអ្នកសារព័ត៌មានមួយចំនួនតូចគឺគាត់នៅពេលដែលគាត់មិនគោរពច្បាប់ឬល្មើសច្បាប់គាត់មិនបាននិយាយស្រួលជាមួយសមត្ថកិច្ចនោះទេដោយគាត់ហាមាត់ឡើងជាសារព័ត៌មានអីចេះអីចុះដោយប្រើពាក្យសំដី និងអាកប្បកិរិយាមិនសមរម្យដាក់សមត្ថកិច្ច។ ប៉ុន្តែទោះបីជាយ៉ាងណាក៏ដោយ ក្នុងនាមជាសមត្ថកិច្ច គឺយើងតែងតែសម្របសម្រួល និងណែនាំគាត់ឱ្យអនុវត្តច្បាប់មិនមែនអាងខ្លួនជាអ្នកសារព័ត៌មានមកល្មើសច្បាប់ ហើយព្រហើនកោងកាចដាក់សមត្ថកិច្ចអីចឹងទេ»។

លោកបានបន្តថា៖ « អីចឹងក្នុងនាមជាអ្នកសារព័ត៍មានគួរតែធ្វើជាគំរូដ៏ល្អសម្រាប់ប្រជាពលរដ្ឋទូទៅក៏ដូចជាការផ្សព្វផ្សាយព័ត៍មានពិតនិងជួយសហការគ្នាលប់បំបាត់ពត័មានមិនពិតដោយកុំអាងខ្លួនឯងអ្នកសារព័ត៍មានខឹងសមត្ថកិច្ចហៅសួរដោយសារល្មើសច្បាប់ហ្នឹងបែរជាផ្សព្វផ្សាយព័ត៍មានមិនពិតទៅវិញទេ»៕

ដោយ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ម៉ោង មុន

ក្រុមប្រឹក្សាសន្តិសុខអង្គការសហប្រជាជាតិទាមទារឱ្យមានបទឈប់បាញ់ជាបន្ទាន់រវាង អ៊ីស្រាអែល និងក្រុមសកម្មប្រយុទ្ធប៉ាឡេស្ទីន

សន្តិសុខសង្គម៦ ម៉ោង មុន

អគ្គ​លេខាធិការដ្ឋាន​នៃ គ.ល.ក. ជូន​ដំណឹង​ដល់​សាធារណជន​កុំ​​ឱ្យ​ចូល​រួម​សកម្មភាព​កាស៊ីណូអនឡាញ​​

ព័ត៌មានជាតិ៦ ម៉ោង មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៨ ម៉ោង មុន

សមត្ថកិច្ចបញ្ជាក់ករណី​​សំណុំ​រឿង​ក្រុមហ៊ុន CIC ខុស​ពីករណី​សំណុំ​រឿង​ក្រុមហ៊ុន ឡេង ចាន់ណា

ព័ត៌មានជាតិ៨ ម៉ោង មុន

ក្រសួង​ការងារ​នាំ​យក​ឱកាស​ការងារ​ជាង ៨០០០ កន្លែង​ដល់ក​ម្មករ​រោងចក្រ អ​.​ជី ហ៊្វូត​វែ​រ

ព័ត៌មានជាតិ២ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានអន្ដរជាតិ៥ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៨ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

កីឡា៦ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម