Connect with us

ព័ត៌មានជាតិ

អ្នកនាំពាក្យ៖ កន្លែងកម្សាន្តបង្កើតថ្មីច្រើន កំណើនភ្ញៀវទេសចរនឹងកើនឡើងខ្ពស់ថ្ងៃចូលឆ្នាំ

បានផុស

នៅ

អ្នកនាំពាក្យក្រសួងទេសចរណ៍ បានលើកឡើងថា ក្រោយស្ថានភាពជំងឺកូវីដ-១៩ កាន់តែមានភាពធូរស្រាលពីមួយថ្ងៃទៅមួយថ្ងៃ កំណើនភ្ញៀវទេសចរទាំងជាតិ និងអន្តរជាតិ កាន់តែកើនឡើងជាបន្តបន្ទាប់ ជាពិសេសនៅថ្ងៃបុណ្យចូលឆ្នាំខាងមុខ នឹងមានពលរដ្ឋចេញដើរកម្សាន្តច្រើន នៅទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការរំពឹងភ្ញៀវទេសចរចេញកម្សាន្តច្រើន នៅថ្ងៃបុណ្យចូលឆ្នាំខាងមុខ ដោយផ្អែកលើការអភិវឌ្ឍតំបន់គោលដៅទេសចរណ៍ថ្មីៗជាច្រើន និងការខកខានចេញកម្សាន្តរយៈពេលពីរឆ្នាំផងនោះ ពលរដ្ឋនឹងចាប់ផ្តើមចេញដើរកម្សាន្តឡើងវិញ បើទោះជាសាំងឡើងថ្លៃនាកាលៈទេសៈនេះក្តី។ នេះជាការបញ្ជាក់របស់លោក តុប សុភ័ក អ្នកនាំពាក្យក្រសួងទេសចរណ៍។

ថ្លែងប្រាប់កម្ពុជាថ្មី( Kampuchea Thmey Daily) ថ្ងៃទី ៣០ ខែ មីនា លោក តុប សុភ័ក បានឲ្យដឹងថា គិតចាប់ពីខែ មករា រហូតដល់ខែមីនា ក្នុងឆ្នាំ ២០២២នេះ ភ្ញៀវទេសចរណ៍ចេញកម្សាន្តនៅថ្ងៃចុងសប្តាហ៍ជាមធ្យមមានជាង ២០ម៉ឺននាក់ រៀងរាល់សប្តាហ៍។

ដោយឡែកភ្ញៀវទេសចរអន្តរជាតិ ក៏មានកើនឡើងជាមធ្យមក្នុងមួយថ្ងៃជាង ១ពាន់នាក់ ដោយក្នុងនោះ ជើងហោះហើរមានជាង ៩០ជើង ក្នុងមួយសប្តាហ៍។ អ្នកនាំពាក្យ បានគូសបញ្ជាក់ថា នេះសញ្ញាល្អប្រសើរនៃវិស័យទេសចរណ៍ ទោះជានៅមានបញ្ហាប្រឈមខ្លះៗក្តី។

លោក សុភ័ក បន្តថា «ជាចក្ខុវិស័យយើងមិនទាន់អាចស្តារវិស័យទេសចរណ៍ឲ្យវិលទៅរកប្រក្រតីភាពបានភ្លាមៗវិញទេ សម្រាប់ទេសចរក្នុងស្រុក អាចមានសន្ទុះលឿនជាងទេសចរអន្តរជាតិ ដែលយើងអាចនិយាយបានថា ទេសចរក្នុងស្រុកកើនឡើងជាទម្រង់អក្សរ V (ឡើងលឿនជាង) ឯទេសចរអន្តរជាតិទម្រង់អក្សរ U មានការកើនឡើងយឺត»។

 តាមផែនការយុទ្ធសាស្រ្តរបស់ក្រសួងទេសចរណ៍ វិស័យនេះ អាចត្រឡប់ទៅរកដូចដើមវិញត្រូវប្រើពេលយ៉ាងហោចណាស់ដល់ឆ្នាំ ២០២៧ ទើបស្ថានភាពដូចមុនកូវីដឡើងវិញ។

បើតាមអ្នកនាំពាក្យ តំបន់ទេសចរណ៍សំខាន់ៗ ដែលអាចទាក់ទាញភ្ញៀវទេសចរច្រើន មានដូចជា តំបន់សមុទ្រ មាននៅខេត្តព្រះសីហនុ ខេត្តកំពត និងខេត្តកែប។ ក្រៅពីនេះ មានតំបន់បេតិកភណ្ឌនៅខេត្តសៀមរាប បាត់ដំបង ពោធិ៍សាត់ជាដើម។ លើពីនេះទៀត មាននៅតំបន់អេកូទេសចរណ៍ ខេត្តមណ្ឌលគិរីផងដែរ។

ជាយុទ្ធសាស្រ្តជំរុញវិស័យទេសចរណ៍ ឲ្យកើនឡើងឆាប់រហ័ស ក្រសួងបានបង្កើនការផ្សព្វផ្សាយគោលដៅទេសចរណ៍ទៅកាន់ទីផ្សារអន្តរជាតិ និងជំរុញការតភ្ជាប់ជើងហោះហើរ រួមទាំងបន្តកិច្ចសហប្រតិបត្តិការជាមួយដៃគូពាក់ព័ន្ធនានា តាមរយៈការផ្តល់សេវាកម្មប្រកបដោយគុណភាព និងសុវត្ថិភាពនៅតាមគោលដៅទេសចរ។

ដូចគ្នានេះដែរ លោក ហូរ វណ្ឌី ទីប្រឹក្សាសមាគម​ទីភ្នាក់​ងារ​ទេសចរណ៍​កម្ពុជា បានលើកឡើងថា មហាសង្រ្កាន្តឆ្នាំថ្មី ឆ្នាំនេះនឹងអធិកមានមនុស្សចេញកម្សាន្តច្រើន ដោយសារ ឆ្នាំ ២០២០-២០២១ មិនបានប្រារព្ធពិធីចូលឆ្នាំ។​ លោកបន្តថា «ទោះបីជាតម្លៃប្រេងសាំងឡើងថ្លៃយ៉ាងណាក្តី មិនអាចបង្អាក់ដំណើរពលរដ្ឋ ឬភ្ញៀវទេសចរបានទេ ពីព្រោះ ពួកគាត់ខកខានដើរកម្សាន្ត និងជួបជុំគ្រួសារនៅថ្ងៃចូលឆ្នាំរយៈពេល២ឆ្នាំហើយ»៕

អទ្ថបទ៖ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច១២ នាទី មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៣៨ នាទី មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

សន្តិសុខសង្គម១ ម៉ោង មុន

សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ

ព័ត៌មានជាតិ៣ ម៉ោង មុន

ឯកឧត្តម ហ៊ុន ម៉ានី៖ ការបោះឆ្នោតជូនគណបក្សប្រជាជនកម្ពុជា គឺជាការបោះឆ្នោតប្រកបដោយភាពជឿជាក់ និងការពារសុខសន្តិភាព

Sokha Hotels

ព័ត៌មានពេញនិយម