ព័ត៌មានជាតិ

បបែលយក្សជាងមួយរយគីឡូមួយក្បាលទៀតហើយត្រូវបានអ្នកនេសាទចាប់បាន

បានផុស

២ years មុន

នៅ

ថ្ងៃចន្ទ ២៣ ឧសភា ២០២២

ដោយ

ត្រីបបែលយក្សទឹកសាបទម្ងន់១៤៣គីឡូក្រាមមួយក្បាលទៀតហើយ នៅក្នុងទន្លេមេគង្គ ត្រូវបានអ្នកនេសាទចាប់បាននិងបានគេរាយការណ៍ ទៅជលផលខេត្តស្ទឹងត្រែងនិងគម្រោងអច្ឆរិយមេគង្គសហការជាមួយវិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប(IFREDI) ដោះព្រលែងចូលក្នុងទន្លេវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បបែលមួយក្បាលនេះ ត្រូវបានអ្នកនេសាទចាប់បានកាលពីល្ងាចថ្ងៃទី២២ ខែឧសភា ឆ្នាំ ២០២២នៅចំណុចភូមិកោះព្រះ ឃុំកោះព្រះ ស្រុកសៀមបូក ខេត្តស្ទឹងត្រែង ហើយត្រូវបានដោះលែងវិញនៅព្រឹកថ្ងៃទី ២៣ខែឧសភា នេះ។

លោកស្រីសំវិចិត្រនាយខណ្ឌស្ដីទីជលផលស្ទឹងត្រែងបានឲ្យដឹងថា កាលពីថ្ងៃទី ៥ឧសភាកន្លងមកនេះ ត្រីបបែលយក្សមួយក្បាលមានទម្ងន់ជិត ២០០ គីឡូក្រាម ក៏បានធ្វើការដោះលែងទៅវិញផងដែរ។ ហើយត្រីបបែលយក្សញីមួយក្បាល ដែលអ្នកនេសាទទើបតែចាប់បានជាលើកទីពីរនេះ មានទម្ងន់ ១៤៣ គីឡូក្រាម ទទឹងដងខ្លួន ១៧១សង់ទីម៉ែត្រ និងបណ្តោយដងខ្លួន ១៨១សង់ទីម៉ែត្រ និងប្រវែងដងខ្លួនសរុប (ពីចុងច្រមុះដល់ចុងកន្ទុយ) ៣៦៥សង់ទីម៉ែត្រ។

លោកនាយខណ្ឌស្ដីទីបានបន្តឲ្យដឹងទៀតថា បន្ទាប់ពីអ្នកនេសាទចាប់បានត្រីបបែលនេះ លោកបានរាយការណ៍ទៅគម្រោងអច្ឆារយៈមេគង្គសហការជាមួយវិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប(IFREDIចុះមកដើម្បីបំពាក់ស្លាកសញ្ញាសម្គាល់ ដើម្បីតាមដានចរាចរផ្លាស់ទីរបស់វា ព្រមទាំងវាស់ប្រវែងដងខ្លួន ថ្លឹងទម្ងន់រួចហើយ ក្រុមការងារក៏បានលែងបបែលយក្សនេះឱ្យចូលទៅក្នុងទន្លេវិញ។

សូមបញ្ជាក់ថា ត្រីបបែលយក្សប្រភេទនេះ នាពេលបច្ចុប្បន្ន ឃើញមានរស់នៅក្នុងទន្លេមេគង្គកម្ពុជា ក្នុងខេត្តក្រចេះ និងស្ទឹងត្រែង។ ត្រីបបែលយក្ស មានឈ្មោះវិទ្យាសាស្ត្រ (Urogymnus polylepis) និងឈ្មោះជាភាសាអង់គ្លេស Giant freshwater whipray។ វាអាចធំលូតលាស់ដល់ប្រវែងទទឹងដងខ្លួន ២៤០សង់ទីម៉ែត្រ និងមានទម្ងន់រហូតដល់ ៦០០គីឡូក្រាម។ បច្ចុប្បន្នត្រីបបែលយក្សប្រភេទនេះ ស្ថិតនៅក្នុងចំណាត់ថ្នាក់ជាប្រភេទត្រីបបែល «កំពុងរងគ្រោះថ្នាក់ជិតផុតពូជ Endangered (EN)» ក្នុងបញ្ជីក្រហម របស់សហភាពអន្តរជាតិសម្រាប់ការអភិរក្សធម្មជាតិ IUCN Red List៕

ដោយ ៖ ងិនលីម

Related Topics:បបែលយក្ស

Up Next

ក្រសួងប្រកាសឱ្យប្រយ័ត្នចោរព័ត៌មានវិទ្យាលួចសាច់ប្រាក់ តាមរូបភាពផ្ញើព័ត៌មានតាមអ៊ីម៉ែល

Don't Miss

សម្តេច ហ៊ុន សែន ៖ សង្គ្រាមរុស្ស៊ី-អ៊ុយក្រែន មិនត្រឹមបន្ទច់បង្អាក់ការងើបឡើងវិញនៃស្ថានភាពសង្គម-សេដ្ឋកិច្ចទេ តែអាចជះឥទ្ធិពលដល់ សង្គម-សេដ្ឋកិច្ច និងភូមិសាស្ត្រនយោបាយរយៈពេលវែង