ផ្ទៃដីចំការមីន​២៥ហិកតា​ក្នុងឃុំប៉ោយចារ​ត្រូវបានស៊ីម៉ាក់​បោសសំអាតបាន៨២%

អនុវត្តតាមអនុសាសន៍សម្តេចតេជោ ហ៊ុន សែន​ នាយករដ្ឋមន្ត្រីកម្ពុជា ស៊ីម៉ាក់បានសម្រេចបោសសំអាតគ្រាប់មីន​បាន៨២%​​ លើផ្ទៃដី ២៥ហិកតានៅឃុំប៉ោយចារ ស្រុកភ្នំស្រុក ​ខេត្តបន្ទាយមានជ័យ​គិតចាប់ពីថ្ងៃទី ៤​ ខែ​កក្កដា​២០២២ ដល់ថ្ងៃទី២០កក្កដា២០២២ទៅតាមផែនការកំណត់រយៈពេលមួយខែរបស់លោក ហេង រតនា ប្រតិភូរដ្ឋាភិបាលទទួលបន្ទុកអគ្គនាយកស៊ីម៉ាក់។ នេះបើតាមការឱ្យដឹងពីលោក ចាន់ ដារ៉ុម អនុប្រធានកងឯកភាពកំចាត់មីនទទួលបន្ទុក​ប្រតិបត្តិការ​នៅទីវាលនៃ​តំបន់ប៉ោយចារ។

បន្ទាប់ពីសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា​បានដាក់​បញ្ជាឱ្យដោះមីនឱ្យអស់ហើយប្រកាសជាតំបន់គ្មានគ្រាប់មីននៅចុងឆ្នាំ២០២២ សម្រាប់ឃុំប៉ោយចារត្រូវធ្វើឱ្យបានទោះក្នុងតម្លៃណាក៏ដោយក្នុងក្នុងឱកាសដែលសម្តេចអញ្ជើញព្រលែងកូនត្រីក្នុងទិវាមច្ឆាជាតិនៅស្រុកភ្នំស្រុករហូតដល់ថ្ងៃទី ៤ កក្កដា២០២២។

លោក ហេង រតនា ប្រតិភូរដ្ឋាភិបាលទទួលបន្ទុកជា​អគ្គនាយកមជ្ឍមណ្ឌល​សកម្មភាព​កំចាត់​មីនស៊ីម៉ាក់បានអញ្ចើញ​ជួបសំណោះ​សំណាលជាមួយកម្លាំងប្រតិបត្តិការរបស់កង​ឯកភាព​កំចាត់មីនទី១ទិសបន្ទាយមានជ័យនិងបើកការដ្ឋាន​បោសសំអាតមីននៅវត្តកូនខ្លែងឃុំប៉ោយចារ ស្រុកភ្នំស្រុក ខេត្តបន្ទាយមានជ័យដោយប្រកាសបោសសំអាតគ្រាប់មីននិងសំណល់យុទ្ធភណ្ឌសង្គ្រាមឱ្យអស់ក្នុងរយះពេលមួយខែ។

ផ្ទៃដីដែលត្រូវបោសសំអាតមី និងយុទ្ធភ័ណមិនទាន់ផ្ទុះនៅឃុំប៉ោយចារគឺមានចំការមីន៨ស្មើរ២៥ហិកតាប្រើប្រាសកម្លាំងស៊ីម៉ាក់ចែកជាពីរក្រុម។

ដូចអ្វីដែលគ្រោងទុកចាប់ពីបើការបោសសំអាតមីនពីថ្ងៃទី ៤កក្ដដា ២០២២ដល់ថ្ងៃទី២០កក្កដា២០២២នេះស៊ីម៉ាក់បានបោសសំអាតមីនបានដល់ទៅ៨២%ស្មើ២០ហិកតានៅសល់តែ៥ហិកតាទៀតទេដែលស៊ីម៉ាក់កំពុងបន្តដោះឱ្យហើយតាមផែនការ៕

អត្ថបទ៖ ពៅ