ព័ត៌មានជាតិ
មន្ត្រីជាន់ខ្ពស់នគរបាលជាតិ បង្ហាញលេខទូរស័ព្ទ Hotline ដើម្បីឲ្យពលរដ្ឋ និងអ្នកពាក់ព័ន្ធរាយការណ៍ជុំវិញករណីជួញដូរមនុស្ស
មន្ត្រីជាន់ខ្ពស់នគរបាលជាតិ បានបង្ហាញអំពីលេខទូរស័ព្ទទាន់ហេតុការណ៍ (Hotline) និងទំព័រហ្វេសប៊ុករបស់នាយកដ្ឋានប្រឆាំងការជួញដូរមនុស្ស ដើម្បីឲ្យប្រជាពលរដ្ឋ អ្នកសារព័ត៌មាន ក៏ដូចជាអ្នកពាក់ព័ន្ធរាយការណ៍ព័ត៌មានជុំវិញករណីជួញដូរមនុស្ស ដើម្បីឲ្យមានការបង្រ្កាបទាន់ពេលវេលា។
លោកស្រីនាយឧត្តមសេនីយ៍ យក់ សុខា អគ្គស្នងការរង អគ្គស្នងការដ្ឋាននគរបាលជាតិ បានមានប្រសាសន៍ក្នុងសន្និ សីទសារព័ត៌មាន ស្តីពី «ស្ថានភាពនៃការជួញដូរមនុស្សនៅកម្ពុជា» នាព្រឹកថ្ងៃទី ១២ ខែសីហានេះថា អគ្គស្នងការដ្ឋានគរបាលជាតិ និងសមត្ថកិច្ចពាក់ព័ន្ធ តែងតែខិតខំប្រឹងបង្រ្កាបបទល្មើសជួញដូរមនុស្សជាបន្តបន្ទាប់ ទោះបីប្រទេសជាតិស្ថិតក្នុងវិបត្តិនៃជំងឺកូវីដ-១៩ ឬក៏ជួបបញ្ហាប្រឈមអ្វីក៏ដោយ។
ក្នុងនោះដែរ លោកស្រីនាយឧត្តមសេនីយ៍ យក់ សុខា ក៏បានបង្ហាញអំពីលេខទូរស័ព្ទទាន់ហេតុការណ៍ (Hotline) និងទំព័រហ្វេសប៊ុក ដើម្បីទទួលព័ត៌មានជុំវិញករណីជួញដូរមនុស្ស ផងដែរ។ លោកស្រីអគ្គស្នងការរង បានថ្លែងថា «Hotline របស់នាយកដ្ឋានយើងមានមួយទៀត គឺHotline ១២៨៨ ដែលHotline របស់នាយកដ្ឋានប្រឆាំងការជួញដូរមនុស្ស ហើយនៅពេលដែលយើងបង្ការថា ប្រសិនបើមានការទូរស័ព្ទមក Hotline ហ្នឹងវាមានច្រើន ហើយវាមានការរអាក់រអួល គឺយើងមានហ្វេសប៊ុកផេករបស់នាយកដ្ឋានថែមទៀត ដើម្បីលោកអាចផ្ញើព័ត៌មាន ដើម្បីយើងបានដឹង យើងសហការគ្នាស្រាវជ្រាវ ហើយនិងប្រសិនជារបស់ថ្នាក់ក្រោមជាតិ យើងនឹងចាត់ចំណាត់ការភ្លាម ដើម្បីបើកការស្រាវជ្រាវ»។
លោកស្រីនាយឧត្តមសេនីយ៍ យក់ សុខា បានអំពាវនាវឲ្យមានការចូលរួមពីប្រជាពលរដ្ឋ អ្នកសារព័ត៌មាន និងអ្នកពាក់ព័ន្ធទាំងអស់ ជាមួយអាជ្ញាធរមានសមត្ថកិច្ច តាមរយៈការផ្ដល់ព័ត៌មានអំពីការជួញដូរមនុស្សនេះ ដើម្បីអាចបង្ការទប់ស្កាត់ និងចុះបង្រ្កាបបានទាន់ពេលវេលា៕
អត្ថបទ៖ ឃួន សុភ័ក្រ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ