ខោអាវជជុះកំពុងត្រូវប៉ាន់ មួយថ្ងៃលក់ចំណេញ ២០ ម៉ឺនរៀល
Connect with us
Helistar Cambodia - Helicopter Charter Services

ព័ត៌មានជាតិ

ខោអាវជជុះកំពុងត្រូវប៉ាន់ មួយថ្ងៃលក់ចំណេញ ២០ ម៉ឺនរៀល

Published

on

ខោអាវជជុះមួយតម្លៃ ១០០០០ រៀល កំពុងត្រូវប៉ាន់ម៉ូយៗដែលមានទ្រព្យល្មមៗ ចូលទិញបន្តកន្ទុយគ្នា ក្នុងឱកាសជិតឆ្លងសកល ព្រោះតម្លៃសមនឹងលទ្ធភាពអាចជាវយកទៅប្រើប្រាស់បានច្រើន។​ រីឯអ្នកលក់អាចចំណេញយ៉ាងហោច ២០ ម៉ឺនរៀលក្នុងមួយថ្ងៃ។

បងប្រុសម្នាក់ដែលជាអតិថិជនបាននិយាយថា ខោអាវជជុះនេះ បើទោះជាមិនថ្មីស្រឡាងចេញពីហាងក៏ដោយ តែអ្នកមានទ្រព្យធនបន្តិចបន្តួចអាចទិញយកស្លៀកពាក់ហើយអាចបន្លំនិងសម្លៀកបំពាក់ថ្មីៗបាន។ បងប្រុសដដែលបន្តថា ខោអាវជជុះដែលមានតម្លៃ ១០០០ ០រៀលស្មើៗគ្នានេះ មានគុណភាពល្អស្អាតនិងមិនចាញ់សម្លៀកបំពាក់ចេញពីហាងប៉ុន្មានឡើយ។ ពិសេសជាងនេះជិតដល់ថ្ងៃឆ្លងឆ្នាំសកល ២០២១ ផង យើងអាចទិញយកទៅស្លៀកពាក់ដើរលេងឆ្លងឆ្នាំនឹងគេ កុំឲ្យស្លៀកតែខោអាវចាស់ៗពេក។

ដោយឡែកអាជីវករលក់ខោអាវខាងលើបានឲ្យដឹងថា ខោអាវ ជជុះអាចលក់ដាច់ជាងខោអាវហាង។ ខោអាវហាងមានតម្លៃខ្ពស់ ព្រោះខោ១អាចឡើងដល់ ៤០ ដុល្លារ ខណៈខោជជុះត្រឹម ១០០០០ រៀលស្មើនិង ២ ដុល្លារកន្លះប៉ុណ្ណោះ។ លក់ខោអាវជជុះអាចរកប្រាក់ចំណេញរហូតដល់ ២០ ម៉ឺនរៀលក្នុង១ថ្ងៃ ខុសប្លែកពីលក់ខោអាវហាងរកបានត្រឹមតែ ៦០០០០ រៀល។ មួយវិញទៀតជិតឆ្លងឆ្នាំសកលមានម៉ូយៗមកទិញខោអាវច្រើនជាងរាល់ដង។

គួរបញ្ជាក់ថាទីតាំងលក់ខោះអាវជជុះនេះស្ថិតនៅតាមបណ្តោយផ្លូវ ៣៦៩ មុខផ្សារច្បារអំពៅ ភូមិកណ្តាល សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ៕

អត្ថបទ៖ នរា

ចុចអាន៖ សូមប្រុង​ប្រយ័ត្ន​​!! មានជនប្រើល្បិច​ក្លែងបន្លំអត្តសញ្ញាប័ណ្ណ សញ្ជាតិ​ខ្មែរទិញ​​លក់ និង​បញ្ចាំ

ចុចអាន៖ ជំនាញមួយ សិស្ស​បាក់​ឌុប​ច្រើន​មើលរំលង​ តែ​អ្នក​​រៀន​ចប់ ៩៩ ភាគរយ​ មានការងារ​ធ្វើ​

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services